(نبی کریم صلی اللہ علیہ وسلم نے فرمایا:)
”فتنے یہاں سے آئیں گے - اور آپ صلی اللہ علیہ وسلم نے مشرق کی طرف اشارہ فرمایا - اور سختی اور دل کی سختی ان اونچی آواز میں بولنے والے چرواہوں میں ہے جو اونٹوں اور گائے بیلوں کی دموں کی جڑوں کے پاس کام کرنے والے خیمہ نشین لوگ ہیں، یعنی قبیلہ ربیعہ اور مضر میں۔“ [صحيح الجامع الصغير وزيادته/حرف الميم./حدیث: 5919]

(نبی کریم صلی اللہ علیہ وسلم نے فرمایا:)
”ہم میں سے وہ ہوگا جس کے پیچھے عیسیٰ بن مریم نماز پڑھیں گے۔“ [صحيح الجامع الصغير وزيادته/حرف الميم./حدیث: 5920]

(نبی کریم صلی اللہ علیہ وسلم نے فرمایا:)
”جسے اللہ اس مال میں سے کچھ عطا کرے بغیر اس کے کہ اس نے مانگا ہو تو وہ اسے قبول کر لے، کیونکہ یہ محض وہ رزق ہے جسے اللہ نے اس کی طرف بھیجا ہے۔“ [صحيح الجامع الصغير وزيادته/حرف الميم./حدیث: 5921]

(نبی کریم صلی اللہ علیہ وسلم نے فرمایا:)
”جس نے عباس کو تکلیف دی اس نے مجھے تکلیف دی، بے شک آدمی کا چچا اس کے باپ کے برابر ہوتا ہے۔“ [صحيح الجامع الصغير وزيادته/حرف الميم./حدیث: 5922]

(نبی کریم صلی اللہ علیہ وسلم نے فرمایا:)
”جو شخص مسلمانوں کو ان کے راستوں میں تکلیف دے تو ان کی لعنت اس پر واجب ہو جاتی ہے۔“ [صحيح الجامع الصغير وزيادته/حرف الميم./حدیث: 5923]

(نبی کریم صلی اللہ علیہ وسلم نے فرمایا:)
”جس نے علی کو تکلیف دی اس نے مجھے تکلیف دی۔“ [صحيح الجامع الصغير وزيادته/حرف الميم./حدیث: 5924]

(نبی کریم صلی اللہ علیہ وسلم نے فرمایا:)
”جو شخص اللہ اور اس کے رسول پر ایمان لائے، نماز قائم کرے، زکوٰۃ دے اور رمضان کے روزے رکھے تو اللہ پر یہ حق ہو جاتا ہے کہ وہ اسے جنت میں داخل فرمائے، خواہ اس نے اللہ کی راہ میں ہجرت کی ہو یا اپنی اسی سرزمین میں رہا ہو جہاں وہ پیدا ہوا تھا۔“ [صحيح الجامع الصغير وزيادته/حرف الميم./حدیث: 5925]

(نبی کریم صلی اللہ علیہ وسلم نے فرمایا:)
”جو شخص کسی گم شدہ جانور کو اعلان کیے بغیر اپنے پاس رکھ لے وہ خود گمراہ ہے جب تک وہ اس کا اعلان نہ کرے۔“ [صحيح الجامع الصغير وزيادته/حرف الميم./حدیث: 5926]

(نبی کریم صلی اللہ علیہ وسلم نے فرمایا:)
”جو شخص کوئی غلہ خریدے تو وہ اسے اس وقت تک آگے نہ بیچے جب تک اس پر مکمل قبضہ نہ کر لے۔“ [صحيح الجامع الصغير وزيادته/حرف الميم./حدیث: 5927]

(نبی کریم صلی اللہ علیہ وسلم نے فرمایا:)
”جو شخص ایسا جانور خریدے جس کا تھن زیادہ دودھ دکھانے کے لیے باندھا گیا ہو تو اسے تین دن کا اختیار ہے، اگر چاہے تو اسے رکھ لے اور اگر چاہے تو اسے واپس کر دے، اس کے ساتھ ایک صاع کھجور بھی دے، گندم نہیں۔“ [صحيح الجامع الصغير وزيادته/حرف الميم./حدیث: 5928]