(نبی کریم صلی اللہ علیہ وسلم نے فرمایا:)
”جس شخص کے اپنے تین بچے اللہ کی راہ میں فوت ہو جائیں اور وہ ان کا اجر اللہ سے طلب کرے تو اس کے لیے جنت واجب ہو جاتی ہے۔“ [صحيح الجامع الصغير وزيادته/حرف الميم./حدیث: 5949]

(نبی کریم صلی اللہ علیہ وسلم نے فرمایا:)
”جس کی تم اچھائی بیان کرو اس کے لیے جنت واجب ہو جاتی ہے، اور جس کی تم برائی بیان کرو اس کے لیے جہنم واجب ہو جاتی ہے، تم زمین میں اللہ کے گواہ ہو۔“ [صحيح الجامع الصغير وزيادته/حرف الميم./حدیث: 5950]

(نبی کریم صلی اللہ علیہ وسلم نے فرمایا:)
”جو شخص اللہ کے مقرر کردہ اقتدار کی عزت کرے، اللہ قیامت کے دن اس کی عزت فرمائے گا۔“ [صحيح الجامع الصغير وزيادته/حرف الميم./حدیث: 5951]

(نبی کریم صلی اللہ علیہ وسلم نے فرمایا:)
”جو شخص کسی زمین کے گرد چار دیواری بنا لے تو وہ زمین اسی کی ہو جاتی ہے۔“ [صحيح الجامع الصغير وزيادته/حرف الميم./حدیث: 5952]

(نبی کریم صلی اللہ علیہ وسلم نے فرمایا:)
”جو شخص انصار سے محبت کرے اللہ اس سے محبت فرماتا ہے، اور جو شخص انصار سے بغض رکھے اللہ اس سے بغض رکھتا ہے۔“ [صحيح الجامع الصغير وزيادته/حرف الميم./حدیث: 5953]

(نبی کریم صلی اللہ علیہ وسلم نے فرمایا:)
”جو شخص حسن اور حسین سے محبت کرے اس نے مجھ سے محبت کی، اور جو ان سے بغض رکھے اس نے مجھ سے بغض رکھا۔“ [صحيح الجامع الصغير وزيادته/حرف الميم./حدیث: 5954]

(نبی کریم صلی اللہ علیہ وسلم نے فرمایا:)
”جو شخص چاہتا ہے کہ اس کا نامۂ اعمال اسے خوش کر دے تو اسے چاہیے کہ اس میں کثرت سے استغفار کرے۔“ [صحيح الجامع الصغير وزيادته/حرف الميم./حدیث: 5955]

(نبی کریم صلی اللہ علیہ وسلم نے فرمایا:)
”جو شخص چاہتا ہے کہ اس کے رزق میں کشادگی ہو اور اس کی عمر میں اضافہ ہو تو اسے چاہیے کہ صلہ رحمی کرے۔“ [صحيح الجامع الصغير وزيادته/حرف الميم./حدیث: 5956]

(نبی کریم صلی اللہ علیہ وسلم نے فرمایا:)
”جو شخص یہ پسند کرتا ہے کہ لوگ اس کے سامنے کھڑے ہو جائیں تو وہ اپنا ٹھکانہ جہنم میں بنا لے۔“ [صحيح الجامع الصغير وزيادته/حرف الميم./حدیث: 5957]

(نبی کریم صلی اللہ علیہ وسلم نے فرمایا:)
”جو شخص ایمان کا مزہ چکھنا چاہتا ہے تو وہ کسی آدمی سے صرف اللہ کے لیے محبت کرے۔“ [صحيح الجامع الصغير وزيادته/حرف الميم./حدیث: 5958]