(نبی کریم صلی اللہ علیہ وسلم نے فرمایا:)
”تم میں سے جو عورت وہ (خواب) دیکھے اور اسے پانی آجائے (انزال ہو جائے) تو وہ غسل کرے۔“ [صحيح الجامع الصغير وزيادته/حرف الميم./حدیث: 6258]

(نبی کریم صلی اللہ علیہ وسلم نے فرمایا:)
”جو شخص اللہ کی راہ میں ایک دن اور ایک رات پہرہ دے اسے ایک مہینے کے روزے اور اس کے قیام جتنا اجر ملے گا، اور جو پہرہ دیتے ہوئے مر جائے اس کے لیے یہی اجر جاری رہے گا، اس کا رزق بھی جاری رہے گا اور وہ آزمانے والے (فرشتوں) سے محفوظ رہے گا۔“ [صحيح الجامع الصغير وزيادته/حرف الميم./حدیث: 6259]

(نبی کریم صلی اللہ علیہ وسلم نے فرمایا:)
”جو شخص اللہ کی راہ میں (جہاد کے لیے) شام کے وقت نکلے تو اسے لگنے والی گرد و غبار کے بقدر قیامت کے دن کستوری (کی خوشبو) دی جائے گی۔“ [صحيح الجامع الصغير وزيادته/حرف الميم./حدیث: 6260]

(نبی کریم صلی اللہ علیہ وسلم نے فرمایا:)
”جو کسی پر رحم کرے، خواہ ذبح کی جانے والی چڑیا ہی پر ہو، اللہ تعالیٰ قیامت کے دن اس پر رحم فرمائے گا۔“ [صحيح الجامع الصغير وزيادته/حرف الميم./حدیث: 6261]

(نبی کریم صلی اللہ علیہ وسلم نے فرمایا:)
”جو اپنے بھائی کی عزت کی حفاظت کرے اللہ تعالیٰ قیامت کے دن اس کے چہرے سے آگ کو دور رکھے گا۔“ [صحيح الجامع الصغير وزيادته/حرف الميم./حدیث: 6262]

(نبی کریم صلی اللہ علیہ وسلم نے فرمایا:)
”جو اپنے بھائی کی عزت کی حفاظت کرے وہ اس کے لیے آگ سے بچاؤ کی آڑ بن جائے گی۔“ [صحيح الجامع الصغير وزيادته/حرف الميم./حدیث: 6263]

(نبی کریم صلی اللہ علیہ وسلم نے فرمایا:)
”جسے بدشگونی نے اس کی ضرورت (پوری کرنے) سے روک دیا اس نے شرک کیا۔“ [صحيح الجامع الصغير وزيادته/حرف الميم./حدیث: 6264]

(نبی کریم صلی اللہ علیہ وسلم نے فرمایا:)
”جس نے راستے سے پتھر ہٹایا اس کے لیے ایک نیکی لکھی جاتی ہے اور جس کی ایک نیکی ہو وہ جنت میں داخل ہوگا۔“ [صحيح الجامع الصغير وزيادته/حرف الميم./حدیث: 6265]

(نبی کریم صلی اللہ علیہ وسلم نے فرمایا:)
”جو بارہ رکعت (نفل) پڑھے اس کے لیے جنت میں ایک گھر بنا دیا جاتا ہے۔“ [صحيح الجامع الصغير وزيادته/حرف الميم./حدیث: 6266]

(نبی کریم صلی اللہ علیہ وسلم نے فرمایا:)
”جو اللہ کی راہ میں دشمن پر تیر چلائے اور اس کا تیر دشمن تک پہنچے، خواہ نشانے پر لگے یا چوک جائے، تو یہ ایک غلام آزاد کرنے کے برابر ہے۔“ [صحيح الجامع الصغير وزيادته/حرف الميم./حدیث: 6267]