(نبی کریم صلی اللہ علیہ وسلم نے فرمایا:)
”جو اللہ کی راہ میں تیر چلائے تو یہ اس کے لیے ایک غلام آزاد کرنے کے برابر ہے۔“ [صحيح الجامع الصغير وزيادته/حرف الميم./حدیث: 6268]

(نبی کریم صلی اللہ علیہ وسلم نے فرمایا:)
”جس نے کسی مومن پر کفر کا الزام لگایا تو یہ اسے قتل کرنے کے مترادف ہے۔“ [صحيح الجامع الصغير وزيادته/حرف الميم./حدیث: 6269]

(نبی کریم صلی اللہ علیہ وسلم نے فرمایا:)
”جو رات کے وقت ہم پر تیر اندازی (یا وار) کرے وہ ہم میں سے نہیں۔“ [صحيح الجامع الصغير وزيادته/حرف الميم./حدیث: 6270]

(نبی کریم صلی اللہ علیہ وسلم نے فرمایا:)
”جو کسی قوم کے پاس مہمان بن کر جائے وہ ان کی امامت نہ کرائے بلکہ انہی میں سے کوئی شخص ان کی امامت کرائے۔“ [صحيح الجامع الصغير وزيادته/حرف الميم./حدیث: 6271]

(نبی کریم صلی اللہ علیہ وسلم نے فرمایا:)
”جس نے کسی زمین کے مالکان کی اجازت کے بغیر اس میں کھیتی کی تو اسے صرف اپنا خرچہ ملے گا اور فصل میں اس کا کوئی حصہ نہ ہوگا۔“ [صحيح الجامع الصغير وزيادته/حرف الميم./حدیث: 6272]

(نبی کریم صلی اللہ علیہ وسلم نے فرمایا:)
”جو کوئی کھیتی کرے اور اس میں سے کوئی پرندہ یا کوئی جاندار کھا لے تو یہ اس کے لیے صدقہ ہے۔“ [صحيح الجامع الصغير وزيادته/حرف الميم./حدیث: 6273]

(نبی کریم صلی اللہ علیہ وسلم نے فرمایا:)
”جس نے زنا کیا اس سے ایمان نکل جاتا ہے، پھر اگر وہ توبہ کر لے تو اللہ تعالیٰ اس کی توبہ قبول فرما لیتا ہے۔“ [صحيح الجامع الصغير وزيادته/حرف الميم./حدیث: 6274]

(نبی کریم صلی اللہ علیہ وسلم نے فرمایا:)
”جو اللہ سے تین بار جنت کا سوال کرے تو جنت کہتی ہے: اے اللہ! اسے جنت میں داخل فرما، اور جو تین بار آگ سے پناہ مانگے تو آگ کہتی ہے: اے اللہ! اسے آگ سے بچا لے۔“ [صحيح الجامع الصغير وزيادته/حرف الميم./حدیث: 6275]

(نبی کریم صلی اللہ علیہ وسلم نے فرمایا:)
”جو اللہ سے سچے دل سے شہادت کا سوال کرے اللہ تعالیٰ اسے شہداء کے درجات تک پہنچا دے گا خواہ وہ اپنے بستر پر ہی کیوں نہ مرے۔“ [صحيح الجامع الصغير وزيادته/حرف الميم./حدیث: 6276]

(نبی کریم صلی اللہ علیہ وسلم نے فرمایا:)
”جو اپنے دل کی سچائی سے اللہ کی راہ میں شہید ہونے کا سوال کرے اللہ تعالیٰ اسے شہید کا اجر عطا فرمائے گا خواہ وہ اپنے بستر پر ہی مرے۔“ [صحيح الجامع الصغير وزيادته/حرف الميم./حدیث: 6277]