حضرت میمونہ ام المؤمنین فرماتی ہیں کہ میں اور نبی کریم صلی اللہ علیہ وآلہ وسلم ایک ہی برتن سے غسل کرلیا کرتے تھے۔ [مصنف ابن ابي شيبه/كتاب الطهارة/حدیث: 370]

حضرت عائشہ رضی اللہ عنہا فرماتی ہیں کہ نبی کریم صلی اللہ علیہ وآلہ وسلم بڑے برتن سے غسل فرمایا کرتے تھے اور (بعض اوقات) میں اور حضور صلی اللہ علیہ وآلہ وسلم ایک ہی برتن سے غسل کرلیا کرتے تھے۔ [مصنف ابن ابي شيبه/كتاب الطهارة/حدیث: 371]

حضرت عائشہ رضی اللہ عنہا فرماتی ہیں کہ میں اور نبی کریم صلی اللہ علیہ وآلہ وسلم حالت جنابت میں ایک ہی برتن سے غسل کرلیا کرتے تھے۔ [مصنف ابن ابي شيبه/كتاب الطهارة/حدیث: 372]

حضرت ام صبیہ جھنیہ فرماتی ہیں کہ ایک برتن سے وضو کے دوران بعض اوقات میرا ہاتھ حضور صلی اللہ علیہ وآلہ وسلم کے ہاتھ سے ٹکرا جاتا تھا۔ [مصنف ابن ابي شيبه/كتاب الطهارة/حدیث: 373]

حضرت ام سلمہ ام المؤمنین فرماتی ہیں کہ میں اور رسول اللہ صلی اللہ علیہ وآلہ وسلم ایک ہی برتن سے غسل کرلیا کرتے تھے۔ [مصنف ابن ابي شيبه/كتاب الطهارة/حدیث: 374]

حضرت عائشہ رضی اللہ عنہا ام المؤمنین فرماتی ہیں کہ میں اور نبی صلی اللہ علیہ وآلہ وسلم ایک ہی برتن سے غسل کرلیا کرتے تھے اور ہم اس برتن میں ہاتھ بھی ایک ساتھ ڈالتے تھے۔ [مصنف ابن ابي شيبه/كتاب الطهارة/حدیث: 375]

حضرت زید بن ثابت کی اہلیہ حضرت ام سعد فرماتی ہیں کہ میں اور حضرت زید جنابت کا غسل ایک ہی برتن سے کرتے تھے۔ [مصنف ابن ابي شيبه/كتاب الطهارة/حدیث: 376]

حضرت ابن عمر رضی اللہ عنہما فرماتے ہیں کہ اگر دو جنبی (میاں بیوی) ایک برتن میں ہاتھ ڈال کر غسل کریں تو اس میں کوئی حرج نہیں۔ [مصنف ابن ابي شيبه/كتاب الطهارة/حدیث: 377]

حضرت ام حجاج جدلیہ فرماتی ہیں کہ بعض اوقات وضو کرتے ہوئے میں (اپنے خاوند) حضرت ابن مسعود سے ٹکرا جاتی تھی۔ [مصنف ابن ابي شيبه/كتاب الطهارة/حدیث: 378]

حضرت ابوہریرہ سے عورت کے بچے ہوئے پانی سے وضو کے بارے میں پوچھا گیا تو انہوں نے فرمایا ”ہم ایک بڑے برتن کے گرد بیٹھ کر پانی لیتے تھے اور اسی میں سے غسل کرتے تھے“ [مصنف ابن ابي شيبه/كتاب الطهارة/حدیث: 379]