حضرت محمد سے روایت ہے کہ حضرت عمر رضی اللہ عنہ رات کے وقت جب بھی بیدار ہوتے تو نماز پڑھتے۔ [مصنف ابن ابي شيبه/كتاب الزهد/حدیث: 37370]

حضرت میمون سے روایت ہے کہتے ہیں کہ حضرت ابن عمر رضی اللہ عنہما سے کہا گیا۔ حضرت زید بن ثابت فوت ہوئے اور انہوں نے ایک لاکھ درہم چھوڑے۔ آپ رضی اللہ عنہ نے فرمایا: لیکن تم ایک لاکھ درہم مت چھوڑنا۔ [مصنف ابن ابي شيبه/كتاب الزهد/حدیث: 37371]

حضرت عبداللہ بن عمر رضی اللہ عنہ نے یہ آیت پڑھی: { أَلَمْ یَأْنِ لِلَّذِینَ آمَنُوا أَنْ تَخْشَعَ قُلُوبُہُمْ لِذِکْرِ اللہِ } تو روپڑے۔ [مصنف ابن ابي شيبه/كتاب الزهد/حدیث: 37372]

حضرت ابن عمر رضی اللہ عنہما کے بارے میں روایت ہے کہ وہ مکہ کے راستہ پر چل رہے تھے کہ انہوں نے اپنی سواری کے سر کو جھکایا اور فرمایا: شاید کہ نشان پر نشان آجائے یعنی جناب نبی کریم صلی اللہ علیہ وآلہ وسلم کی سواری کا نشان۔ [مصنف ابن ابي شيبه/كتاب الزهد/حدیث: 37373]

حضرت آدم بن علی رضی اللہ عنہ سے روایت ہے وہ کہتے ہیں کہ میں نے حضرت ابن عمر رضی اللہ عنہما کو کہتے سنا۔ مشرکوں کے طریقوں کی مخالفت کرو۔ [مصنف ابن ابي شيبه/كتاب الزهد/حدیث: 37375]

حضرت ابن عمر رضی اللہ عنہما سے { فَوَرَبِّکَ لَنَسْأَلَنَّہُمْ أَجْمَعِینَ } کے بارے میں روایت ہے کہ لا الہ الا اللہ کے بارے میں سوال ہوگا۔ [مصنف ابن ابي شيبه/كتاب الزهد/حدیث: 37376]

حضرت ابن عمر رضی اللہ عنہما سے { وَإِذَا وَقَعَ الْقَوْلُ عَلَیْہِمْ أَخْرَجْنَا لَہُمْ دَابَّۃً مِنَ الأَرْضِ تکلمہم } کے بارے میں روایت ہے۔ جب لوگ اچھی بات کا حکم نہیں کریں گے اور بری بات سے منع نہیں کریں گے۔ [مصنف ابن ابي شيبه/كتاب الزهد/حدیث: 37377]

حضرت نافع سے روایت ہے کہ حضرت ابن عمر رضی اللہ عنہما جب قراءت کرتے تو کلام کرنے کو ناپسند کرتے تھے … یا فرمایا… فارغ ہونے تک اپنی مراد کی بات نہیں کرتے تھے۔ یا فرمایا … فارغ … ہونے تک کلام نہیں کرتے تھے۔ مگر ایک دن جب میں ان کے پاس مصحف لے کر بیٹھا تھا اور وہ قراءت کر رہے تھے۔ آپ رضی اللہ عنہایک آیت پر پہنچے تو فرمایا: تمہیں معلوم ہے یہ آیت کس کے بارے میں نازل ہوئی؟“ [مصنف ابن ابي شيبه/كتاب الزهد/حدیث: 37378]

حضرت میمون سے روایت ہے وہ کہتے ہیں کہ حضرت ابن عمر رضی اللہ عنہما، اپنے چند ساتھیوں کے ہمراہ حضرت عبداللہ بن عامر کے ہاں تشریف لے گئے جبکہ وہ بیمار تھے اور لوگوں کا خیال یہ تھا وہ مرجائیں گے۔ چناچہ لوگوں نے انہیں کہا تمہیں بشارت ہو کہ تم نے عرفات میں بہت سے حوض بنوائے ہیں جن سے بیت اللہ کے حاجی سیراب ہوں گے۔ اور آپ نے جنگلوں میں کنوے کھدوائے۔ راوی کہتے ہیں لوگوں نے بہت سی خیر کی باتیں ذکر کردیں۔ راوی کہتے ہیں پھر لوگ کہنے لگے۔ ان شاء اللہ ہمیں آپ کے لیے خیر کی امید ہے۔ ابن عمر رضی اللہ عنہما خاموش بیٹھے رہے۔ پھر بعد میں جب آپ نے کلام فرمایا: تو کہا اے ابوعبدالرحمن آپ کیا کہتے ہیں؟ تو آپ رضی اللہ عنہ نے فرمایا: جب کمائی پاکیزہ ہوتی ہے تو خرچ اچھا ہوتا ہے۔ ابو عنقریب تم وارد ہو گے تو پھر تم جان لوگے۔ [مصنف ابن ابي شيبه/كتاب الزهد/حدیث: 37379]