ابراہیم، حضرت شعبی اور حضرت قاسم فرماتے ہیں کہ بیع عینہ میں کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 23446]

حضرت شعبی سے بھی اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 23447]

حضرت قاسم سے بھی اسی طرح مروی ہے، ان حضرات نے فرمایا کہ بیع عینہ میں کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 23448]

حضرت ابن سیرین سے بیع عینہ کے متعلق دریافت کیا گیا؟ فرمایا جب آدمی اپنا سامان بازار میں لے کرجاتا ہے، تو وہ کچھ سامان نقد فروخت کرتا ہے اور کچھ سامان ادھار۔ [مصنف ابن ابي شيبه/كتاب البيوع والأقضية/حدیث: 23449]

حضرت ابن سیرین سے ریشم کی بیع (ادھار) کے متعلق دریافت کیا گیا؟ آپ نے فرمایا: جب آدمی سامان خریدتا ہے تو سامان رکھتا ہے پھر اگر اس کو نفع نقد مل رہا ہو تو بھی فروخت کردیتا ہے اور نفع ادھار میں مل رہا ہو پھر بھی فروخت کردیتا ہے۔ [مصنف ابن ابي شيبه/كتاب البيوع والأقضية/حدیث: 23450]

حضرت افلح فرماتے ہیں کہ میں نے حضرت قاسم سے دریافت کیا کہ: ایک شخص مجھ سے گندم اور زیتون کا تیل طلب کرتا ہے اور میرے پاس یہ دونوں نہیں ہیں لیکن وہ ان کا بھاؤ جانتا ہے اور میں بھی جانتا ہوں، میں خرید لیتا ہوں پھر میں اسی کو ایک مدت کے ادھار پر فروخت کرسکتا ہوں؟ فرمایا ہاں۔ [مصنف ابن ابي شيبه/كتاب البيوع والأقضية/حدیث: 23451]

حضرت عطاء فرماتے ہیں کہ ادھار بیع میں رہن طلب کرلو۔ [مصنف ابن ابي شيبه/كتاب البيوع والأقضية/حدیث: 23452]

حضرت شعبی سے بیع عینہ میں رہن کے متعلق دریافت کیا گیا؟ آپ نے فرمایا اس میں کوئی حرج نہیں۔ [مصنف ابن ابي شيبه/كتاب البيوع والأقضية/حدیث: 23453]

حضر ت ابراہیم بیع عینہ میں رہن کے متعلق فرماتے ہیں کہ اللہ کے نبی صلی اللہ علیہ وسلم نے اس حال میں وفات پائی کہ آپ کی زرہ رہن رکھی ہوئی تھی۔ [مصنف ابن ابي شيبه/كتاب البيوع والأقضية/حدیث: 23454]

حضرت ضحاک اس کو ناپسند کرتے ہیں۔ [مصنف ابن ابي شيبه/كتاب البيوع والأقضية/حدیث: 23455]