حضرت عمرو بن عثمان سے روایت ہے وہ کہتے ہیں کہ میں نے حضرت ابو جعفر پر سُرخ رنگ کی چادر دیکھی۔ [مصنف ابن ابي شيبه/كتاب اللباس/حدیث: 26320]

حضرت علاء بن عبد الکریم سے روایت ہے وہ کہتے ہیں کہ میں نے حضرت ابراہیم پر معصفر (زرد رنگ کیا ہوا) کپڑا پہنے ہوئے دیکھا۔ [مصنف ابن ابي شيبه/كتاب اللباس/حدیث: 26321]

حضرت ابن عون، حضرت محمد کے بارے میں روایت کرتے ہیں کہ وہ آدمی کے لئے عصفر یا زعفران سے رنگے ہوئے کپڑے کو پہننے میں کوئی حرج نہیں سمجھتے تھے۔ [مصنف ابن ابي شيبه/كتاب اللباس/حدیث: 26322]

حضرت مالک بن مغول سے روایت ہے وہ کہتے ہیں کہ میں نے حضرت شعبی پر سُرخ رنگ کی چادر دیکھی۔ [مصنف ابن ابي شيبه/كتاب اللباس/حدیث: 26323]

حضرت عاصم بن بہدلہ سے روایت ہے وہ کہتے ہیں کہ میں نے ایسے لوگوں کو پایا ہے جو راتوں کو خوب عبادت کرتے تھے۔ وہ بھی معصفر کپڑا پہنا کرتے تھے۔ انہی میں سے حضرت زر اور حضرت ابو وائل بھی تھے۔ [مصنف ابن ابي شيبه/كتاب اللباس/حدیث: 26324]

حضرت نصر بن اوس سے روایت ہے وہ کہتے ہیں کہ میں نے حضرت علی بن حسین رحمہ اللہ پر سُرخ رنگ کی چادر دیکھی۔ [مصنف ابن ابي شيبه/كتاب اللباس/حدیث: 26325]

حضرت ابو جعفر سے روایت ہے وہ کہتے ہیں کہ ہم آل محمد (صلی اللہ علیہ وآلہ وسلم) معصفر کپڑا پہنتے ہیں۔ [مصنف ابن ابي شيبه/كتاب اللباس/حدیث: 26326]

محمد سے روایت ہے وہ کہتے ہیں کہ عرب کا لباس معصفر ہوتا تھا، مجھے کسی ایسی چیز کا علم نہیں ہے جس نے اسلام میں اس کو ختم کردیا ہو۔ آپ ایسے لباس میں کوئی حرج نہیں دیکھتے تھے۔ [مصنف ابن ابي شيبه/كتاب اللباس/حدیث: 26327]

حضرت ہشام، اپنے والد کے بارے میں روایت کرتے ہیں کہ ان کے لئے ایک دینار میں کپڑے کو رنگا جاتا پھر آپ اس کو پہنتے تھے۔ [مصنف ابن ابي شيبه/كتاب اللباس/حدیث: 26328]

حضرت سلمہ بن بخت سے روایت ہے وہ کہتے ہیں کہ میں نے حضرت ابو جعفر پر معصفرات یا معصفر کپڑا دیکھا اور میں نے ان پر خلوق (زعفرانی خوشبو) کی ایک قمیص بھی دیکھی۔ [مصنف ابن ابي شيبه/كتاب اللباس/حدیث: 26329]