حضرت مجاہد فرماتے ہیں کہ جب سورج طلوع ہوجاتا تو حضرت عائشہ رضی اللہ عنہا صبح کی نیند سو جاتیں۔ [مصنف ابن ابي شيبه/ كتاب الأدب/حدیث: 27094]

حضرت عبد الاعلیٰ فرماتے ہیں کہ میں حضرت سعید بن جبیر کے پاس آیا تو میں نے ان کو صبح کی نیند کرتے ہوئے پایا۔ [مصنف ابن ابي شيبه/ كتاب الأدب/حدیث: 27095]

حضرت ایوب فرماتے ہیں کہ حضرت ابن سیرین صبح کے وقت سویا کرتے تھے۔ [مصنف ابن ابي شيبه/ كتاب الأدب/حدیث: 27096]

حضرت ابو یزید مدینی فرماتے ہیں کہ حضرت عمر حضرت صہیب کے پاس صبح کے وقت آئے تو انہیں صبح کے وقت سویا ہوا پایا۔ آپ بیٹھ گئے یہاں تک کہ وہ بیدار ہوگئے تو حضرت صہیب نے فرمایا: امیر المؤمنین اپنی جگہ پر بیٹھے ہوئے ہیں اور صہیب ہے کہ وہ صبح کی نیند سویا ہوا ہے؟ حضرت عمر نے ان سے فرمایا: میں نے یہ بات پسند نہیں کی کہ میں تمہیں میٹھی نیند سے اٹھاؤں۔ [مصنف ابن ابي شيبه/ كتاب الأدب/حدیث: 27097]

حضرت عروہ فرماتے ہیں کہ حضرت زبیر عورتوں پر بہت سخت تھے، اور ان پر کپڑے سکھانے والی لکڑیاں توڑتے تھے۔ [مصنف ابن ابي شيبه/ كتاب الأدب/حدیث: 27098]

امام زہری فرماتے ہیں کہ حضرت عمر عورتوں اور خادموں کو مارا کرتے تھے۔ [مصنف ابن ابي شيبه/ كتاب الأدب/حدیث: 27099]

حضرت عطاء فرماتے ہیں کہ حضرت عبد اللہ بن عمرو رضی اللہ عنہ نے ارشاد فرمایا: تم اپنے خادم کو مت مارو، اپنی بیوی اور بچوں کو مار لیا کرو۔ [مصنف ابن ابي شيبه/ كتاب الأدب/حدیث: 27100]

حضرت یحییٰ بن سعید فرماتے ہیں کہ حضرت قاسم نے ارشاد فرمایا: بیشک آدمیوں کو عورتوں کے مارنے سے منع کیا گیا اور کہا گیا: تمہارے بہترین لوگ ہرگز نہیں مارتے۔ [مصنف ابن ابي شيبه/ كتاب الأدب/حدیث: 27101]

حضرت قاسم نے فرمایا: رسول اللہ صلی اللہ علیہ وآلہ وسلم لوگوں میں سب سے بہترین تھے اور آپ صلی اللہ علیہ وآلہ وسلم نہیں مارتے تھے۔ [مصنف ابن ابي شيبه/ كتاب الأدب/حدیث: 27102]

حضرت عائشہ رضی اللہ عنہا فرماتی ہیں کہ رسول اللہ صلی اللہ علیہ وآلہ وسلم نے نہ کبھی کسی خادم کو مارا اور نہ ہی کسی عورت کو، اور اپنے ہاتھ سے بھی نہیں مارا۔ [مصنف ابن ابي شيبه/ كتاب الأدب/حدیث: 27103]