حضرت عروہ بن زبیر فرماتے ہیں کہ ان کے والد حضرت زبیر اپنے بیٹوں کو صبح کے وقت سونے سے روکتے تھے۔ [مصنف ابن ابي شيبه/ كتاب الأدب/حدیث: 27084]

راوی کہتے ہیں کہ حضرت عروہ نے فرمایا: بیشک جب میں کسی آدمی کے بارے میں سنتا ہوں کہ وہ صبح کے وقت سوتا ہے تو میں اس کو حقیر سمجھتا ہوں۔ [مصنف ابن ابي شيبه/ كتاب الأدب/حدیث: 27085]

حضرت عبد اللہ بن فروخ فرماتے ہیں کہ حضرت طلحہ بن عبید اللہ اپنے بیٹے کے پاس سے گزرے اس حال میں کہ وہ صبح کے وقت سو رہا تھا انہوں نے اس کے سر پر چپت لگائی اور اس کو سونے سے منع کیا۔ [مصنف ابن ابي شيبه/ كتاب الأدب/حدیث: 27086]

حضرت ابو سفیان فرماتے ہیں کہ حضرت ابن زبیر اور حضرت عبید بن عمیر آپس میں ملے اور آپس میں کچھ مذاکرہ کیا، پھر دوسرے نے ان کو کہا، کیا تم جانتے ہو کہ زمین اپنے رب کو چیخ کر علماء کی نیند کے بارے میں بتلاتی ہے۔ [مصنف ابن ابي شيبه/ كتاب الأدب/حدیث: 27087]

حضرت عروہ بن زبیر فرماتے ہیں کہ حضرت زبیر نے ارشاد فرمایا: بیشک میں صبح سونے والے شخص کو حقیر سمجھتا ہوں۔ [مصنف ابن ابي شيبه/ كتاب الأدب/حدیث: 27088]

حضرت عبید اللہ فرماتے ہیں کہ حضرت سالم صبح نہیں سوتے تھے اور قیلولہ کیا کرتے تھے۔ [مصنف ابن ابي شيبه/ كتاب الأدب/حدیث: 27089]

حضرت عبید اللہ سے مذکورہ حدیث اس سند کے ساتھ بھی منقول ہے۔ [مصنف ابن ابي شيبه/ كتاب الأدب/حدیث: 27090]

حضرت مکحول سے بھی مذکورہ حدیث منقول ہے۔ [مصنف ابن ابي شيبه/ كتاب الأدب/حدیث: 27091]

حضرت قاسم فرماتے ہیں کہ حضرت عائشہ رضی اللہ عنہا صبح کے وقت سوتی تھیں۔ [مصنف ابن ابي شيبه/ كتاب الأدب/حدیث: 27092]

حضرت عبد اللہ بن شماس فرماتے ہیں کہ میں حضرت ام سلمہ کے پاس آیا تو میں نے ان کو سویا ہوا پایا صبح کی نماز کے بعد۔ [مصنف ابن ابي شيبه/ كتاب الأدب/حدیث: 27093]