حضرت حصین فرماتے ہیں کہ حضرت ابراہیم نے ارشاد فرمایا: جب کسی شخص کو چھینک آئے اس حال میں کہ وہ تنہا ہو تو اس کو چاہیے کہ وہ یوں کہے: الْحَمْدُ لِلَّہِ رَبِّ الْعَالَمِینَ۔ پھر یوں کہے: یَرْحَمُنَا اللَّہُ وَإِیَّاکُمْ۔ اس سے کہ اللہ کی مخلوق میں سے جس نے اس کی چھینک کو سنا ہوگا تو اس نے یرحمک اللہ کہہ کر اس کو دعا دی ہوگی۔ [مصنف ابن ابي شيبه/ كتاب الأدب/حدیث: 27674]

حضرت عاصم فرماتے ہیں کہ حضرت ابو وائل نے ارشاد فرمایا: جب تجھے چھینک آئے اور تو تنہا ہو، تو تو جواب دے ان کو جو تیرے ساتھ ہیں یعنی ملائکہ کو۔ [مصنف ابن ابي شيبه/ كتاب الأدب/حدیث: 27675]

حضرت علی رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: جب تم میں کسی کو چھینک آئے تو وہ یوں کہے: الحمد للہ اور چاہیے کہ اس کے اردگرد والے لوگ اسے جواب میں یوں کہیں: رحمک اللہ اور ان کو یوں جواب دیا جائے گا: یَہْدِیکُمُ اللَّہُ وَیُصْلِحُ بَالَکُمْ۔ [مصنف ابن ابي شيبه/ كتاب الأدب/حدیث: 27676]

حضرت ابو عبد الرحمن فرماتے ہیں کہ حضرت عبد اللہ بن مسعود رضی اللہ عنہ نے ارشاد فرمایا: جب تم میں کسی کو چھینک آئے تو وہ یوں کہے: اَلْحَمْدُ لِلّٰہ۔ اور جو لوگ اس کے پاس ہیں وہ جواب میں یوں کہیں: یَرْحَمُکَ اللّٰہ۔ اور چاہیے کہ ان کو جواب میں یوں کہا جائے: یَغْفِرُ اللَّہُ لَنَا وَلَکُمْ۔ [مصنف ابن ابي شيبه/ كتاب الأدب/حدیث: 27677]

امام اعمش فرماتے ہیں کہ حضرت ابراہیم نے ارشاد فرمایا: کہ حضرت عبد اللہ بن مسعود رضی اللہ عنہ کے اصحاب میں سے کسی آدمی کو چھینک آتی تو وہ یوں کہتا: الْحَمْدُ لِلَّہِ۔ وہ لوگ یوں جواب دیتے۔ یَرْحَمُنَا اللَّہُ وَإِیَّاک اور پھر وہ شخص جواب میں یوں کہتا: یَغْفِرُ اللَّہُ لَنَا وَلَکُمْ۔ [مصنف ابن ابي شيبه/ كتاب الأدب/حدیث: 27678]

حضرت نافع فرماتے ہیں کہ حضرت ابن عمر رضی اللہ عنہما جب کسی چھینکنے والے کو دعا دیتے تو یوں فرماتے: یَرْحَمُنَا اللَّہُ وَإِیَّاکُمْ۔ اور جب آپ کو چھینک آتی اور آپ کو یَرْحَمُکَ اللّٰہ کہہ کر دعا دی جاتی تو آپ یوں فرماتے: یَغْفِرُ اللَّہُ لَنَا وَلَکُمْ وَیَرْحَمُنَا وَإِیَّاکُمْ۔ [مصنف ابن ابي شيبه/ كتاب الأدب/حدیث: 27679]

حضرت ابراہیم فرماتے ہیں کہ جب حضرت عبد اللہ بن مسعود رضی اللہ عنہ کو چھینک آنے کے بعد یرحمک اللّٰہ کہہ کر دعا دی جاتی تو آپ جواب میں یوں فرماتے۔ یَغْفِرُ اللَّہُ لَنَا وَلَکُمْ۔ [مصنف ابن ابي شيبه/ كتاب الأدب/حدیث: 27680]

حضرت اعمش فرماتے ہیں کہ ابراہیم نے ارشاد فرمایا: وہ حضرات جب چھینکنے والے کو دعا دیتے تو یوں کہتے: یَغْفِرُ اللَّہُ لَنَا وَلَکُمْ۔ [مصنف ابن ابي شيبه/ كتاب الأدب/حدیث: 27681]

حضرت حارث فرماتے ہیں کہ حضرت علی رضی اللہ عنہ نے ارشاد فرمایا: جب کوئی چھینکنے والے کو دعا دے تو یوں کہے: یَرْحَمُک اللَّہُ۔ اور وہ جواب میں یوں کہے: یَرْحَمُکُمُ اللَّہُ وَیُصْلِحُ بَالَکُمْ۔ [مصنف ابن ابي شيبه/ كتاب الأدب/حدیث: 27682]

حضرت ابوہریرہ فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا؛ جب چھینک والا جواب دے تو یوں کہے: یَہْدِیکُمُ اللَّہُ وَیُصْلِحُ بَالَکُمْ۔ [مصنف ابن ابي شيبه/ كتاب الأدب/حدیث: 27683]