حضرت جابر فرماتے ہیں کہ حضرت عامر نے ارشاد فرمایا: ان دونوں کی دیت برابر ہے۔ [مصنف ابن ابي شيبه/كتاب الديات/حدیث: 29421]

حضرت ابو معشر فرماتے ہیں کہ ابراہیم نے ارشاد فرمایا: جو حدود حرم اور غیر حدود حرم میں قتل کرے تو اس کی دیت ایک ہی ہوگی۔ [مصنف ابن ابي شيبه/كتاب الديات/حدیث: 29422]

حضرت قتادہ فرماتے ہیں کہ حضرت حسن بصری نے ارشاد فرمایا: ایک دیت پر اضافہ نہیں کیا جائے گا حضرت ابراہیم کے قول کی طرح۔ [مصنف ابن ابي شيبه/كتاب الديات/حدیث: 29423]

حضرت ابن طاؤس فرماتے ہیں کہ میرے والد حضرت طاؤس نے ارشاد فرمایا: سخت خون بہا لیا جائے گا حرمت کے مہونحں میں قتل کرنے والے سے، حدود حرم میں، احرام کی حالت میں اور پڑوسی کے بارے میں۔ [مصنف ابن ابي شيبه/كتاب الديات/حدیث: 29424]

حضرت طاؤس فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا: پڑوسی کو قتل کرنے میں اور حرمت کے مہینوں میں قتل کرنے میں سخت خون بہا ہے۔ [مصنف ابن ابي شيبه/كتاب الديات/حدیث: 29425]

حضرت عمرو بن دینار اور حضرت سلیمان احول فرماتے ہیں کہ حضرت طاؤس نے ارشاد فرمایا: حدود حرم میں، حرمت کے مہینوں میں، اور پڑوسی کے قتل کرنے میں سخت خون بہا ہوگا۔ [مصنف ابن ابي شيبه/كتاب الديات/حدیث: 29426]

حضرت ہشام فرماتے ہیں کہ حسن بصری نے ارشاد فرمایا: حدود حرم میں قتل ہونے والے کی دیت میں مقام حل میں قتل ہونے والے کی دیت سے اضافہ نہیں کیا جائے گا۔ [مصنف ابن ابي شيبه/كتاب الديات/حدیث: 29427]

حضرت سماک بن فضل فرماتے ہیں کہ ایک آدمی نے کسی بچہ کا اس کی پازیب کی خاطر گلا گھونٹ کر اسے مار دیا راوی کہتے ہیں: اس بارے میں حضرت عمر بن عبدالعزیز کو خط لکھا گیا تو آپ نے جواب لکھا: اس شخص کو قتل کردیا جائے۔ [مصنف ابن ابي شيبه/كتاب الديات/حدیث: 29428]

حضرت ابو ہاشم فرماتے ہیں کہ ابراہیم نے ارشاد فرمایا: جب کسی کو گلا گھونٹ کر قتل کردیا تو قاتل کو بھی قصاصاً قتل کیا جائے گا۔ [مصنف ابن ابي شيبه/كتاب الديات/حدیث: 29429]

حضرت جابر فرماتے ہیں کہ حضرت عامر شعبی نے ارشاد فرمایا: جب آدمی نے دوسرے آدمی کا گلا گھونٹا اور اس کو نہیں چھوڑا یہاں تک کہ اسے قتل کردیا تو اس صورت میں قصاص ہوگا۔ اگر اس نے اسے چھوڑ دیا اس کے بعد وہ مرا تو اس پر دیت مغلظہ ہے۔ [مصنف ابن ابي شيبه/كتاب الديات/حدیث: 29430]