پھر ابراہیم تشریف لائے تو میں نے یہی سوال ان سے کیا؟ تو آپ نے جواب دیا: اس پر دیت لازم ہوگی۔ [مصنف ابن ابي شيبه/كتاب الديات/حدیث: 29471]

حضرت شعبہ فرماتے ہیں کہ میں نے حضرت حکم اور حضرت حماد سے اس بارے میں دریافت کیا؟ ان دونوں حضرات نے ارشاد فرمایا: قصاص لینے والے پر دیت لازم ہوگی۔ [مصنف ابن ابي شيبه/كتاب الديات/حدیث: 29472]

اور حضرت حماد نے یہ بھی فرمایا: اس زخم کے بقدر دیت کی تخفیف کردی جائے گی۔ [مصنف ابن ابي شيبه/كتاب الديات/حدیث: 29473]

حضرت مغیرہ فرماتے ہیں کہ حضرت ابراہیم اور حضرت شعبی نے ارشاد فرمایا: قصاص لینے والے پر دیت لازم ہوگی اور اس کے زخم کے بقدردیت میں تخفیف کردی جائے گی۔ [مصنف ابن ابي شيبه/كتاب الديات/حدیث: 29474]

حضرت طاؤس اور حضرت عطاء ان دونوں حضرات نے ارشاد فرمایا: بدلہ لینے والے پر دیت لازم ہوگی اور اس سے کسی بھی قسم کی تخفیف نہیں کی جائے گی۔ [مصنف ابن ابي شيبه/كتاب الديات/حدیث: 29475]

حضرت ابن جریج حضرت عطاء سے نقل کرتے ہیں کہ (حضرت طاؤس اور حضرت عطاء) ان دونوں حضرات نے ارشاد فرمایا: اس پر دیت لازم ہوگی اور اس سے کچھ بھی تخفیف نہیں کی جائے گی۔ [مصنف ابن ابي شيبه/كتاب الديات/حدیث: 29476]

حضرت خلاس فرماتے ہیں کہ حضرت علی رضی اللہ عنہ نے ارشاد فرمایا: جو شخص کتاب اللہ کے حکم سے قصاص میں مرگیا تو اس کو دیت نہیں ملے گی۔ [مصنف ابن ابي شيبه/كتاب الديات/حدیث: 29477]

حجاج، عمیر بن سعید، قتادہ اور خلاس کے واسطے سے حضرت علی رضی اللہ عنہ سے منقول ہے کہ آپ نے ارشاد فرمایا: جو شخص کتاب اللہ کے حکم سے قصاص میں مرگیا تو اس کو دیت نہیں ملے گی۔ [مصنف ابن ابي شيبه/كتاب الديات/حدیث: 29478]

حضرت سعید نے حضرت عمر سے مذکو رہ ارشاد اس سند سے بھی نقل کیا ہے۔ [مصنف ابن ابي شيبه/كتاب الديات/حدیث: 29479]

حضرت ہشام فرماتے ہیں کہ ایک آدمی سے قصاص لیا جارہا تھا کہ اس کی موت واقع ہوگئی اس پر حضرت حسن بصری نے ارشاد فرمایا: اس کو دیت نہیں ملے گی۔ اس کو کتاب اللہ نے قتل کیا۔ [مصنف ابن ابي شيبه/كتاب الديات/حدیث: 29480]