حضرت سعید بن زید فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: جو شخص اپنے مال کی حفاظت کے دوران قتل کردیا گیا تو ہ شہید ہے۔ [مصنف ابن ابي شيبه/كتاب الديات/حدیث: 29901]

حضرت عبداللہ بن عمرو فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا: جو شخص اپنے مال کی حفاظت کے دوران قتل کردیا گیا تو وہ شہید ہے۔ [مصنف ابن ابي شيبه/كتاب الديات/حدیث: 29902]

حضرت ابن عباس رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: جو شخص اپنے مال کی حفاظت کے دوران قتل کردیا گیا تو وہ شہید ہے۔ [مصنف ابن ابي شيبه/كتاب الديات/حدیث: 29903]

حضرت ابن عمر رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: جو شخص اپنے مال کی حفاظت کے دوران قتل کردیا گیا تو وہ شہید ہے۔ [مصنف ابن ابي شيبه/كتاب الديات/حدیث: 29904]

حضرت جابر فرماتے ہیں کہ حضرت ابن ھبیرہ نے حضرت عامر سے دیت کے متعلق سوال کیا کہ دیت مردوں کی تعداد کے حساب سے فی کس لازم ہوگی یا ان کے وظیفوں پر؟ آپ نے فرمایا: نہیں بلکہ مردوں پر فی کس۔ [مصنف ابن ابي شيبه/كتاب الديات/حدیث: 29905]

حضرت وکیع فرماتے ہیں کہ میں نے حضرت سفیان کو یوں فرماتے ہوئے سنا: دیت، قسامت اور شفعہ مردوں کی تعداد کے حساب سے فی کس ہوں گے۔ [مصنف ابن ابي شيبه/كتاب الديات/حدیث: 29906]

حضرت حماد فرماتے ہیں کہ حضرت ابراہیم سے ایسے گھڑے کے بارے میں مروی ہے کہ جو دیوار پر رکھا ہو تھا کہ وہ کسی انسان پر جا پڑا آپ نے فرمایا: اگر دیوار کی بنیاد گھڑے کے مالک کی تھی تو اس سے پہنچنے والے نقصان کا ضامن نہیں ہوگا اس لیے کہ اس صورت میں وہ شئے جس شئے پر رکھی گئی تھی اپنی ہی ملک تھی۔ [مصنف ابن ابي شيبه/كتاب الديات/حدیث: 29907]

حضرت اشعث فرماتے ہیں کہ حضرت حسن بصری یہ رائے نہیں رکھتے تھے کہ ایک آدمی دو آدمیوں سے جان سے کم میں قصاص لے۔ [مصنف ابن ابي شيبه/كتاب الديات/حدیث: 29908]

حضرت معمر فرماتے ہیں کہ حضرت زہری فرمایا کرتے تھے اگر عورت کو حاملہ ہونے کی صورت میں قتل کردیا تو دیت اور ایک غلام یا باندی لازم ہوگی اگر چہ اس عورت نے بچہ کو نہ جنا ہو۔ [مصنف ابن ابي شيبه/كتاب الديات/حدیث: 29909]

حضرت سعید فرماتے ہیں کہ حضرت قتادہ سے ایسی عورت کے بارے میں سوال کیا گیا جس کو حاملہ ہونے کی حالت میں قتل کردیا گیا تھا کیا اس کے بچہ کو لازم ہوگا؟ راوی نے فرمایا: آپ فرمایا کرتے تھے اس میں کوئی چیز لازم نہیں ہوگی یہاں تک کہ وہ بچہ کو جن دے۔ [مصنف ابن ابي شيبه/كتاب الديات/حدیث: 29910]