حضرت موسیٰ بن ابو فرات فرماتے ہیں کہ حضرت عمر بن عبدالعزیز نے ارشاد فرمایا: ہر وہ غلام جو کسی غلام کو قصداً قتل کردے تو تم بدلے میں اسے قتل کردو اور پہلے کی قیمت تم بیت المال سے نکال کر اس کے آقاؤں کو دے دو۔ [مصنف ابن ابي شيبه/كتاب الديات/حدیث: 29911]

حضرت عاصم فرماتے ہیں کہ بصرہ کے قاضی حضرت عدی بن ارطاۃ نے حضرت عمر بن عبدالعزیز کو خط لکھا کہ میں نے قصابوں کے بازار میں ایک مقتول پایا ہے میں کیا کروں؟ آپ نے فرمایا: بہر حال مقتول اس کی دیت بیت المال سے ادا ہوگی۔ [مصنف ابن ابي شيبه/كتاب الديات/حدیث: 29912]

حضرت شعبہ فرماتے ہیں کہ میں نے حضرت حکم اور حضرت حماد سے گھوڑے اور خچر کو کرایہ پر دینے والے کے متعلق پوچھا جو عورت کو سوار کر کے جانور ہانکتا ہو اور وہ عورت گر جائے؟ پس میرے اکثر علم کے مطابق ان دونوں حضرات نے یہ ارشاد فرمایا: اس پر کوئی ضمان نہیں ہوگا۔ [مصنف ابن ابي شيبه/كتاب الديات/حدیث: 29913]

حضرت مجالد فرماتے ہیں کہ قبیلہ جھینہ میں ایک نگران نے مجھے بیان کیا کہ نبی کریم صلی اللہ علیہ وآلہ وسلم کے پاس سردیوں میں ایک قیدی لایا گیا آپ صلی اللہ علیہ وآلہ وسلم نے قبیلہ جھینہ کے چند لوگوں سے فرمایا: تم اسے لے جاؤ اور اسے گرم لباس پہناؤ۔ راوی فرماتے ہیں کہ دف کا لفظ ان کی زبان میں قتل کے معنی میں استعمال ہوتا تھا۔ پس وہ اس شخص کو لے گئے اور انہوں نے اسے قتل کردیا سو بعد میں نبی کریم صلی اللہ علیہ وآلہ وسلم نے ان سے اس کے بارے میں پوچھا؟ انہوں نے کہا یا رسول اللہ صلی اللہ علیہ وآلہ وسلم! کیا آپ صلی اللہ علیہ وآلہ وسلم نے ہمیں اسے قتل کرنے کا حکم نہیں دیا تھا؟ آپ صلی اللہ علیہ وآلہ وسلم نے فرمایا: میں نے تمہیں کیسے کہا تھا؟ انہوں نے عرض کی: آپ صلی اللہ علیہ وآلہ وسلم نے ہمیں فرمایا تھا: تم اسے لے جاؤ اور اسے گرم لباس پہناؤ۔ آپ صلی اللہ علیہ وآلہ وسلم نے فرمایا: تحقیق تب میں تمہارے ساتھ شریک ہوگیا۔ تم اس کی دیت ادا کرو اور میں تمہارا شریک ہوں۔ [مصنف ابن ابي شيبه/كتاب الديات/حدیث: 29914]

راوی کہتے ہیں: پس میں نے یہ حدیث حضرت عامر کو بیان کی آپ نے فرمایا: اس نے سچ کہا: اور آپ نے حدیث کو پہچان لیا۔ [مصنف ابن ابي شيبه/كتاب الديات/حدیث: 29915]

حضرت جعفر کے والد فرماتے ہیں کہ ایک عورت نے نذر مانی کہ اسے اس کی ناک میں نکیل ڈال کر چلایا جائے، پھر اس کا اونٹ گر گیا اور اس کی نکیل ٹوٹ گئی جس سے اس کی ناک پھٹ گئی۔ وہ حضرت علی رضی اللہ عنہ کے پاس اس کی دیت طلب کرنے آئی تو آپ نے اسے باطل قرار دیا اور فرمایا: تو نے یہ نذر اللہ ہی کے لیے مانی تھی۔ [مصنف ابن ابي شيبه/كتاب الديات/حدیث: 29916]

حضرت ابن جریج فرماتے ہیں کہ حضرت عطاء نے ارشاد فرمایا: اگر ایک آدمی نے کسی آدمی کو غلطی سے قتل کیا پھر اس نے کسی دوسرے آدمی کو قصداً قتل کردیا تو وہ اس غلطی کی دیت ادا کرے گا اس وجہ سے کہ قتل عمد سے پہلے ہی اس کی دیت ثابت ہوچکی تھی ایک شخص نے ان سے پوچھا: اور کسی نے قصداً قتل کیا پھر اس نے غلطی سے قتل کردیا تو؟ آپ نے فرمایا: وہ دیت ادا نہیں کرے گا اس وجہ سے کہ تحقیق اس کا خون رہن ہوچکا ہے۔ [مصنف ابن ابي شيبه/كتاب الديات/حدیث: 29917]

حضرت ابن جریج فرماتے ہیں کہ میں نے حضرت عطاء سے پوچھا: ایک آدمی نے کسی کو قصداً قتل کردیا پھر وہ بھاگ گیا اور اس پر قابو حاصل نہ ہوا یہاں تک کہ وہ مرگیا درآنحالیکہ اس نے مال چھوڑا۔ آپ نے فرمایا: مقتول کی دیت اس کے مال میں لازم ہوگی۔ آپ سے کہا گیا: قاتل کو قید کیا گیا یہاں تک کہ وہ مرگیا۔ آپ نے فرمایا: تحقیق ان لوگوں نے ہی اسے قتل کردیا! انہوں نے اس کو قید کردیا یہاں تک کہ جیل میں اس کی موت واقع ہوگئی۔ [مصنف ابن ابي شيبه/كتاب الديات/حدیث: 29918]

حضرت صاعد بن مسلم فرماتے ہیں کہ حضرت شعبی سے ایسے مقتول کے بارے میں سوال کیا گیا جو تین محلوں میں پڑا ہوا پایا گیا بایں طور پر کہ اس کا سر ایک محلہ میں ملا، اور اس کی ٹانگیں کسی اور محلہ میں اور اس کا درمیانی حصہ کسی اور محلہ میں تو اس کا کیا حکم ہوگا؟ حضرت شعبی نے ارشاد فرمایا: اس کے درمیانی حصہ پر نماز جنازہ پڑھا جائے گا اور جس جگہ سے درمیانی حصہ ملا تھا ان لوگوں پر دیت اور قسامت ہوگی کہ ہم نے اسے قتل نہیں کیا اور نہ ہمیں قاتل معلوم ہے۔ [مصنف ابن ابي شيبه/كتاب الديات/حدیث: 29919]

حضرت معمر کسی آدمی سے نقل کرتے ہیں کہ حضرت عکرمہ نے ارشاد فرمایا: دراہم اور دنا نیر کی ذریعہ دیت سخت نہیں ہوتی بیشک سخت قسم کی دیت تو اونٹ میں ہوتی ہے۔ [مصنف ابن ابي شيبه/كتاب الديات/حدیث: 29920]