حضرت زید کا ارشاد ہے کہ اوپر کی پلک میں آ دھی اور نیچے کی پلک میں تہائی دیت ہے۔ [مصنف ابن ابي شيبه/كتاب الديات/حدیث: 28601]

حضر ت شعبی نے فرمایا کہ وہ پلکوں کے اکھاڑنے میں کوئی چیز مقرر نہیں کیا کرتے تھے۔ [مصنف ابن ابي شيبه/كتاب الديات/حدیث: 28602]

حضرت حسن کا ارشاد ہے کہ پلکوں میں دیت کامل ہے اور ہر ایک پلک کے بدلہ میں چوتھائی دیت ہے۔ [مصنف ابن ابي شيبه/كتاب الديات/حدیث: 28603]

حضرت شعبی کا ارشاد ہے کہ ہر پلک کے بدلہ دیت کا چوتھائی حصہ ہے۔ [مصنف ابن ابي شيبه/كتاب الديات/حدیث: 28604]

حضرت عبداللہ بن شبرمہ نے فرمایا ہے کہ ابراہیم کہا کرتے تھے کہ پلک اکھاڑنے میں دو عادل آدمیوں کا فیصلہ معتبر ہوگا۔ [مصنف ابن ابي شيبه/كتاب الديات/حدیث: 28605]

حضرت ابن جریج کا ارشاد ہے کہ مجھے عبدالعزیز بن عمر نے بتایا ہے کہ عمر بن عبدالعزیز نے امرائے اجناد کو خط لکھا کہ اوپر والی آنکھ کی پلک اکھاڑنے پر آدھی اور نیچے والی پلک اکھاڑنے پر آنکھ کی تہائی دیت لازم ہے۔ [مصنف ابن ابي شيبه/كتاب الديات/حدیث: 28606]

حضرت شعبی کا ارشاد ہے کہ نیچے والے پپوٹے میں دو تہائی اور اوپر والے پپوٹے میں ایک تہائی دیت ہے۔ [مصنف ابن ابي شيبه/كتاب الديات/حدیث: 28607]

حضرت شعبی نے پپوٹوں کے بارے میں فرمایا ہے کہ ہر پپوٹے میں چوتھائی دیت ہے۔ [مصنف ابن ابي شيبه/كتاب الديات/حدیث: 28608]

حضرت مکحول نے فرمایا کہ لوگ آنکھ کے جب دونوں پپوٹے آنکھ سے نکل جاتے تو کامل دیت مقرر کرتے تھے اور یہ اس لیے کرتے تھے کہ ان کے بعد آنکھ کا تحفظ نہیں رہتا اور اگر کوئی ایک نکل جاتا تو نیچے والے میں ایک تہائی اور اوپر والے میں دو تہائی مقرر کرتے تھے کیونکہ اوپر والا بنسبت نیچے والے کے زیادہ کفایت کرتا ہے وہ آنکھ کو چھپاتا اور اس سے (بیرونی اشیائ) کو روکتا ہے۔ [مصنف ابن ابي شيبه/كتاب الديات/حدیث: 28609]

حضرت عبدالعزیز بن عمر سے مروی ہے کہ عمر بن عبدالعزیز نے امرائے اجناد کی جانب خط لکھا کہ میری طرف اپنے علماء کی رائے بھیجیں، پس جس چیز پر امرائے اجناد کا اتفاق تھا وہ یہ تھی کہ اگر ایک مونچھ کو نوچاجائے تو اس میں ساٹھ دینار ہیں اور اگر دونوں اکٹھی نوچ دی گئیں تو ایک سو بیس ”120“ دینار ہیں۔ [مصنف ابن ابي شيبه/كتاب الديات/حدیث: 28610]