حضرت ابن جریج کا ارشاد ہے کہ سلیمان بن موسیٰ نے فرمایا کہ عمر بن عبدالعزیز نے امرائے اجناد کی جانب حکم جاری کیا کہ ناک جب جڑ سے کاٹ دی جائے تو پوری دیت ہوگی، اور ناک کے جس حصے کو نقصان پہنچے تو اس کے حساب سے دیت ہوگی۔ [مصنف ابن ابي شيبه/كتاب الديات/حدیث: 28571]

حضرت عامر کا ارشاد ہے کہ ناک کی اوپر کی جانب کی ہڈی (جہاں ابرو اکھٹی ہوتی ہیں) میں دیت ہے۔ [مصنف ابن ابي شيبه/كتاب الديات/حدیث: 28572]

حضرت ابراہیم کا ارشاد ہے کہ ناک کے نرم حصے میں دیت ہے۔ [مصنف ابن ابي شيبه/كتاب الديات/حدیث: 28573]

حضرت عمر کا ارشاد ہے کہ ناک میں دیت ہے۔ [مصنف ابن ابي شيبه/كتاب الديات/حدیث: 28574]

حضرت زید بن ثابت کا ارشاد ہے کہ ناک کے سرے میں ناک کی دیت کا تیسرا حصہ ہے اور دونوں نتھنوں کے درمیان والے پردے میں بھی ناک کی دیت کا تیسرا حصہ ہے۔ [مصنف ابن ابي شيبه/كتاب الديات/حدیث: 28575]

حضرت زید بن ثابت کا ارشاد ہے کہ ناک کے تینوں پردوں میں دیت ہے اور ایک میں دیت کا تیسرا حصہ ہے۔ [مصنف ابن ابي شيبه/كتاب الديات/حدیث: 28576]

حضرت مجاہد کا ارشاد ہے کہ ناک کی چونچ کے کٹنے میں دیت کا تیسرا حصہ ہے اور اگر چونچ میں سے ناک کے سرے کو یا کسی اور حصہ کو زخم پہنچ گیا تو جب تک ہڈی تک زخم نہ پہنچ جائے تو اس وقت تک اس کے حساب سے دیت ہوگی۔ [مصنف ابن ابي شيبه/كتاب الديات/حدیث: 28577]

حضرت ابن جریج کا ارشاد ہے کہ میں نے عطاء سے پوچھا کہ کیا ناک کے اندرونی زخم کا بھی اعتبار ہے تو انہوں نے جواب دیا کہ ہاں ہے۔ [مصنف ابن ابي شيبه/كتاب الديات/حدیث: 28578]

حضرت مجاہد سے منقول ہے کہ وہ ناک کے اندرونی زخم کے بارے میں دیت کے تیسرے حصے کا کہا کرتے تھے۔ پھر اگر وہ آر پار ہوجائے تو دو تہائی کا کہا کرتے تھے۔ [مصنف ابن ابي شيبه/كتاب الديات/حدیث: 28579]

حضرت شعبیے مروی ہے کہ کسی ایسے آدمی کے بارے میں سوال کیا گیا کہ جس نے ایک دوسرے آدمی کی ناک توڑدی پھر ٹیڑھی جڑی تو انہوں نے جواب دیا کہ اس میں فیصلہ ہوگا۔ [مصنف ابن ابي شيبه/كتاب الديات/حدیث: 28580]