حضرت عمرو بن شعیب نے فرمایا ہے کہ ابوبکر نے ابرو کے بارے میں جس کو زخم پہنچا حتیٰ کہ اس کے بال جاتے رہے، ہڈی کو واضح کردینے والے دو زخموں کے برابر دس اونٹوں کا فیصلہ فرمایا۔ [مصنف ابن ابي شيبه/كتاب الديات/حدیث: 28591]

حضرت زید بن ثابت نے فرمایا ہے کہ دونوں ابروؤں میں دیت کا دو تہائی حصہ ہے۔ [مصنف ابن ابي شيبه/كتاب الديات/حدیث: 28592]

ابراہیم کا ارشاد ہے کہ آدمی اور عورت کے ہر جوڑے جوڑے والے اعضا میں دیت ہوگی، یعنی ہاتھ اور ابروئیں وغیرہ۔ [مصنف ابن ابي شيبه/كتاب الديات/حدیث: 28593]

اور شعبی نے فرمایا ہے کہ انسان کے ہر جوڑے والے اعضاء میں دیت ہے۔ [مصنف ابن ابي شيبه/كتاب الديات/حدیث: 28594]

حضرت ابن جریج کا ارشاد ہے کہ مجھے عبدالکریم بن ابی المخارق نے بتایا ہے کہ ان کو آپ صلی اللہ علیہ وآلہ وسلم کے کسی صحابی سے یہ بات پہنچی ہے کہ ابرو کے بال جھڑگئے ہوں تو اس پور ی ابرو میں تو دیت کا چوتھائی ہے اور جس میں ابرو میں کچھ جھڑ چکے ہوں تو اسکے حسا ب سے دیت دینا ہوگی۔ [مصنف ابن ابي شيبه/كتاب الديات/حدیث: 28595]

حضرت ابراہیم نے فرمایا کہ یوں کہا جاتا تھا کہ انسان کے جو اعضاء جوڑے والے ہیں ان میں دیت ہے اور ان میں سے ایک میں آدھی دیت ہے اور جو اعضاء اکیلے ہیں ان میں (پوری) دیت ہے۔ [مصنف ابن ابي شيبه/كتاب الديات/حدیث: 28596]

حضرت سلمہ بن تمام شقری نے فرمایا کہ ایک آدمی ہنڈیا لے کر گزرا تو وہ ایک دوسرے آدمی کے سر پر گرگئی اور اس کے بال جل گئے تو بات حضرت علی رضی اللہ عنہ کو پہنچی تو انہوں نے اس کو سال کی مہلت دی لیکن بال نہ اگے تو انہوں نے اس میں دیت کا فیصلہ کیا۔ [مصنف ابن ابي شيبه/كتاب الديات/حدیث: 28597]

حضرت زید بن ثابت سے مروی ہے کہ بال جب نہ اگیں تو اس میں دیت ہے۔ [مصنف ابن ابي شيبه/كتاب الديات/حدیث: 28598]

حضرت شعبی سے مروی ہے کہ اس میں دیت ہے۔ [مصنف ابن ابي شيبه/كتاب الديات/حدیث: 28599]

حضرت ابن جریج کا ارشاد ہے کہ میں نے عطاء سے پوچھا کہ کیا سر کو مونڈھنے میں بھی کوئی چٹی ہے تو انہوں نے جواب دیا کہ مجھے معلوم نہیں۔ [مصنف ابن ابي شيبه/كتاب الديات/حدیث: 28600]