حضرت اشعث فرماتے ہیں کہ حضرت حسن بصری نے ارشاد فرمایا سوار اور اس کے پیچھے بیٹھنے والا برابر ہوں گے جو سواری نے کچلا ہے اور جو ضمان ہوگاوہ ان دونوں کے درمیان آدھا آدھا ہوگا۔ [مصنف ابن ابي شيبه/كتاب الديات/حدیث: 29101]

حضرت ابو العلائ فرماتے ہیں کہ حضرت قتادہ اور حضرت ابو ہاشم ان دونوں حضرات نے یوں ارشاد فرمایا سوار کے پیچھے بیٹھنے والا بھی اتنا ہی ضامن ہوگا جتنا آگے بیٹھنے والا ہوگا۔ [مصنف ابن ابي شيبه/كتاب الديات/حدیث: 29102]

حضرت شیبانی فرماتے ہیں کہ حضرت شعبی نے ارشاد فرمایا: سوار کے پیچھے بیٹھنے والے کو بھی ضامن بنایا جائے گا۔ [مصنف ابن ابي شيبه/كتاب الديات/حدیث: 29103]

حضرت مغیرہ فرماتے ہیں کہ حضرت ابراہیم نے ارشاد فرمایا: دیت دیوان والوں پر ہوگی۔ [مصنف ابن ابي شيبه/كتاب الديات/حدیث: 29104]

حضرت ابو حرہ فرماتے ہیں کہ حضرت حسن بصری نے ارشاد فرمایا: دیت دیوان والوں پر ہوگی۔ [مصنف ابن ابي شيبه/كتاب الديات/حدیث: 29105]

حضرت حکم فرماتے ہیں کہ حضرت عمر وہ پہلے شخص تھے جنہوں نے دیت کو دس دس حصے سپاہیوں کے روزینہ میں مقرر فرمائے لوگوں کے علاوہ۔ [مصنف ابن ابي شيبه/كتاب الديات/حدیث: 29106]

حضرت معاذ بن جبل فرماتے ہیں کہ حضرت ابو عبیدہ بن جراح نے ارشاد فرمایا! مدبر غلام کے جرم کا تاوان اس کے آقا پر ہوگا۔ [مصنف ابن ابي شيبه/كتاب الديات/حدیث: 29107]

حضرت مغیرہ فرماتے ہیں کہ حضرت ابراہیم نے ارشاد فرمایا: مدبر غلام کے جرم کا تاوان اس کے آقا پر لازم ہوگا۔ [مصنف ابن ابي شيبه/كتاب الديات/حدیث: 29108]

حضرت ابن ابی ذئب سے مروی ہے کہ حضرت بشیر مکتب نے ارشاد فرمایا کہ کسی عورت نے اپنی باندی کو مدبرہ بنادیا۔ پھر اس باندی سے کوئی قابل سزا جرم سر زد ہوگیا تو حضرت عمر بن عبدالعزیز نے فیصلہ فرمایا کہ اس کی جنایت کا تاوان اس کی مالکہ پر ہوگا اس باندی کی قیمت کے مطابق۔ [مصنف ابن ابي شيبه/كتاب الديات/حدیث: 29109]

حضرت یونس فرماتے ہیں کہ حضرت حسن بصری نے مدبر غلام کے جرم کرنے کے بارے میں ارشاد فرمایا: کہ وہ تو غلام ہے اگر اس کا آقا چاہے تو اس کو سپرد کردے اور اگر چاہے تو اس کو فدیہ دے کر چھڑا لے۔ [مصنف ابن ابي شيبه/كتاب الديات/حدیث: 29110]