حضرت ہشام فرماتے ہیں کہ حسن بصری نے ارشاد فرمایا: جس شخص نے مسلمانوں کے راستہ میں کوئی چیز پیدا کی تو وہ نقصان کا ضامن ہوگا۔ [مصنف ابن ابي شيبه/كتاب الديات/حدیث: 29141]

حضرت عمرو فرماتے ہیں کہ حضرت حسن بصری نے مرفوعاً ارشاد فرمایا: جس شخص نے اپنی زمینی حدود سے باہر کوئی چیز نکالی پھر اس سے کسی کو نقصان پہنچا تو وہ شخص ضامن ہوگا۔ [مصنف ابن ابي شيبه/كتاب الديات/حدیث: 29142]

حضرت منصور فرماتے ہیں کہ حضرت ابراہیم نے ارشاد فرمایا: جب آدمی نے دیوار میں دوائی کوٹنے والی سیل یا لکڑی کو نکالا تو نقصان کی صورت میں وہ ضامن گا۔ [مصنف ابن ابي شيبه/كتاب الديات/حدیث: 29143]

حضرت شعبی فرماتے ہیں کہ حضرت علی رضی اللہ عنہ گھروں کے کنیفوں (بیت الخلاؤں) کو کاٹ دیتے تھے یا یوں فرمایا: آپ ان کے کاٹنے کا حکم دیتے تھے۔ [مصنف ابن ابي شيبه/كتاب الديات/حدیث: 29144]

حضرت عطاء بن سائب فرماتے ہیں کہ حضرت شریح دکاندار کو رکاوٹ اور ستون کی وجہ سے ضامن بناتے تھے اور فرماتے کہ اس نے یہ رکاوٹ دوسرے کی ملک میں کھڑی کی ہے۔ [مصنف ابن ابي شيبه/كتاب الديات/حدیث: 29145]

حضرت ابراہیم فرماتے ہیں کہ عمرو بن حارث بن مصطلق نے مسلمانوں کے راستہ میں ایک کنواں کھودا تو اس میں ایک خچر گرا اور اس کی ہڈیاں ٹوٹ گئیں تو حضرت شریح نے اس کو ضامن بنایا۔ [مصنف ابن ابي شيبه/كتاب الديات/حدیث: 29146]

حضرت دینار فرماتے ہیں کہ عمرو بن حارث بن مصطلق نے مسلمانوں کے راستہ میں کنواں کھودا وہاں سے ایک خچر گزر رہا تھا وہ اس کنویں میں گرا اور اس کی ہڈیاں ٹوٹ گئیں تو حضرت شریح نے اس کو خچر کی قیمت کا ضامن بنایا جو دو سو درہم تھی اور آپ نے وہ خچر عمرو کو دے دیا۔ [مصنف ابن ابي شيبه/كتاب الديات/حدیث: 29147]

حضرت شریک فرماتے ہیں کہ حسن ابو مسافر کے ایک پڑوسی کا کنیف (بیت الخلاء) کسی بچہ پر گرا اور وہ بچہ مرگیا یا زخمی ہوگیا اس پر حضرت شریح نے ارشاد فرمایا: اگر اسے میرے پاس لایا جاتا تو میں ضرور اس شخص کو ضامن بناتا۔ [مصنف ابن ابي شيبه/كتاب الديات/حدیث: 29148]

حضرت حارث فرماتے ہیں کہ حضرت شریح کسی ایسے سائبان کو نہیں چھوڑتے تھے کہ جس کے نیچے سے گھڑ سوار اپنے نیزے کے ساتھ نہ گزر سکتا ہو اور فرماتے کہ تم نے اسے گھڑ سوار کے نیزے پر بنایا ہے۔ [مصنف ابن ابي شيبه/كتاب الديات/حدیث: 29149]

حضرت ابن عون فرماتے ہیں کہ حضرت ابن سیرین نے ارشادفرمایا: وہ حضرات روندنے کی صورت میں تو ضامن بناتے تھے اور جانور کے کھر کے ساتھ مارنے کی صورت میں ضامن نہیں بناتے تھے۔ [مصنف ابن ابي شيبه/كتاب الديات/حدیث: 29150]