حضرت اعمش فرماتے ہیں کہ ابراہیم نے ارشاد فرمایا: میں ناپسند کرتا ہوں کہ میں قرآن کے دور (عرض) کے موقع پر حاضر ہوں پس میں کہوں! ایسا ہے، اور وہ ویسا نہ ہو۔ [مصنف ابن ابي شيبه/كتاب فضائل القرآن/حدیث: 32113]

حضرت مغیرہ فرماتے ہیں کہ حضرت ابراہیم ناپسند سمجھتے تھے کہ وہ کسی دنیاوی معاملہ کے پیش آنے کی صورت میں قرآن پڑھیں۔ [مصنف ابن ابي شيبه/كتاب فضائل القرآن/حدیث: 32114]

حضرت ہشام بن عروہ فرماتے ہیں کہ میرے والد جب دنیا کی کوئی چیز دیکھتے جو ان کو اچھی لگتی تو آیت تلاوت فرماتے! اور نہ آنکھ اٹھا کر دیکھو تم اس طرف جو سازو سامان ہم نے ان میں سے مختلف قسم کے لوگوں کو دیا ہے۔ [مصنف ابن ابي شيبه/كتاب فضائل القرآن/حدیث: 32115]

حضرت ام ایوب فرماتی ہیں کہ نبی کریم صلی اللہ علیہ وآلہ وسلم نے ارشاد فرمایا: قرآن سات حروف پر نازل ہوا ہے جس حرف کے ساتھ بھی پڑھو گے۔ حق بجانب ہو گے۔ [مصنف ابن ابي شيبه/كتاب فضائل القرآن/حدیث: 32116]

حضرت عمرو فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: قرآن سات حروف پر اترا ہے۔ ان میں سے ہر ایک کافی و شافی ہے۔ [مصنف ابن ابي شيبه/كتاب فضائل القرآن/حدیث: 32117]

حضرت ابوہریرہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: قرآن سات حروف پر نازل ہوا ہے، وہ اللہ علم والا، حکمت والا، بخشنے والا اور رحم کرنے والا ہے۔ [مصنف ابن ابي شيبه/كتاب فضائل القرآن/حدیث: 32118]

حضرت ابی ّ بن کعب فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: بلاشبہ میرے رب نے میری طرف قاصد بھیجا ہے کہ میں قرآن کو سات حروف پر پڑھوں۔ [مصنف ابن ابي شيبه/كتاب فضائل القرآن/حدیث: 32119]

حضرت ابی ّ بن کعب فرماتے ہیں کہ حضرت جبرائیل نبی کریم صلی اللہ علیہ وآلہ وسلم کی خدمت میں حاضر ہوئے اور فرمایا: اللہ آپ کو حکم دیتے ہیں کہ آپ صلی اللہ علیہ وآلہ وسلم اپنی امت کو سات حروف پر قرآن پڑھائیں۔ پس وہ جس حرف کے ساتھ بھی پڑھیں گے وہ حق بجانب ہوں گے۔ [مصنف ابن ابي شيبه/كتاب فضائل القرآن/حدیث: 32120]

حضرت عبد اللہ بن مسعود رضی اللہ عنہ فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا؛ قرآن سات حروف پر نازل ہوا ہے۔ [مصنف ابن ابي شيبه/كتاب فضائل القرآن/حدیث: 32121]

حضرت ابوبکر فرماتے ہیں کہ حضرت جبرائیل نے نبی کریم صلی اللہ علیہ وآلہ وسلم سے فرمایا: قرآن کو ایک حرف پر پڑھیے، تو حضرت میکائیل نے ان سے کہا: اس میں اضافہ کردو، تو حضرت جبرائیل نے فرمایا: دو حرفوں پر پڑھیں! پھر میکائیل نے کہا: اس میں اضافہ کردو، یہاں تک کہ وہ سات حروف تک پہنچ گئے۔ جن میں سے ہر ایک شافی کافی ہے۔ جیسا کہ تمہارا کہنا۔ ھلم اور تعال، دونوں کا ایک معنی ہے، آؤ۔ جب تک وہ رحمت کی آیت کو عذاب کی آیت کے ساتھ مکمل نہ کرے اور عذاب کی آیت کو رحمت کی آیت کے ساتھ مکمل نہ کرے۔ [مصنف ابن ابي شيبه/كتاب فضائل القرآن/حدیث: 32122]