حضرت قتادہ رحمہ اللہ فرماتے ہیں کہ حضرت سعید بن المسیب رحمہ اللہ نے ارشاد فرمایا: جو قیدی دشمن کے قبضہ میں ہو وہ وارث نہیں بنے گا۔ [مصنف ابن ابي شيبه/كتاب السير/حدیث: 35041]

حضرت داؤد رحمہ اللہ فرماتے ہیں کہ حضرت سعید بن المسیب رحمہ اللہ قیدی کو وارث نہیں بناتے تھے۔ [مصنف ابن ابي شيبه/كتاب السير/حدیث: 35042]

حضرت ابن جریج رحمہ اللہ فرماتے ہیں کہ حضرت عطاء رحمہ اللہ نے ارشاد فرمایا: اس کی پکڑ نہیں کی جائے گی اس کام کی وجہ سے جو اس نے وہاں کیا یعنی کسی کو قیدی بنا لیا گیا اور اس نے وہاں کوئی کام کردیا۔ [مصنف ابن ابي شيبه/كتاب السير/حدیث: 35043]

حضرت زید بن اسلم رحمہ اللہ فرماتے ہیں کہ ان کے والد حضرت اسلم رحمہ اللہ نے ارشاد فرمایا: کہ حضرت عمر رضی اللہ عنہ کو فتح کی خوشخبری سنائی گئی تو آپ رضی اللہ عنہ نے سجدئہ شکر ادا کیا۔ [مصنف ابن ابي شيبه/كتاب السير/حدیث: 35044]

حضرت مسعر رحمہ اللہ فرماتے ہیں کہ حضرت محمد بن عبید اللہ نے ارشاد فرمایا: کہ حضرت ابوبکر رضی اللہ عنہ کے پاس فتح کی خبر آئی تو آپ رضی اللہ عنہ نے سجدئہ شکر ادا کیا۔ [مصنف ابن ابي شيبه/كتاب السير/حدیث: 35045]

حضرت ابو عون محمد بن عبید اللہ الثقفی رحمہ اللہ فرماتے ہیں کہ ایک شخص … جس کا انہوں نے نام نہیں بیان کیا … نے فرمایا: جب حضرت ابوبکر رضی اللہ عنہ کے پا سی یمامہ کی فتح کی خبر آئی تو آپ رضی اللہ عنہ نے سجدئہ شکر ادا کیا۔ [مصنف ابن ابي شيبه/كتاب السير/حدیث: 35046]

حضرت ابو موسیٰ رحمہ اللہ فرماتے ہیں کہ میں نے حضرت علی رضی اللہ عنہ کو دیکھا کہ جب ان کے پاس مخدّج کو لایا گیا تو آپ رضی اللہ عنہ نے سجدہ ٔ شکر ادا کیا۔ [مصنف ابن ابي شيبه/كتاب السير/حدیث: 35047]

حضرت محمد بن قیس ہمدانی رحمہ اللہ اپنے ایک شیخ سے، جن کی کنیت ابو موسیٰ تھی، نقل کرتے ہیں کہ انہوں نے فرمایا: میں حضرت علی رضی اللہ عنہ کے پاس حاضر تھا جب ان کے پاس مخدّج کو لایا گیا تھا تو آپ رضی اللہ عنہ نے سجدئہ شکر ادا کیا۔ [مصنف ابن ابي شيبه/كتاب السير/حدیث: 35048]

حضرت ابو مومن الوائلی رحمہ اللہ فرماتے ہیں کہ میں حضرت علی رضی اللہ عنہ کے پاس حاضر تھا جب مخدّج کو لایا گیا تو آپ رضی اللہ عنہ نے سجدۂ شکر ادا کیا۔ [مصنف ابن ابي شيبه/كتاب السير/حدیث: 35049]

حضرت یحییٰ بن جزار رحمہ اللہ فرماتے ہیں کہ نبی کریم صلی اللہ علیہ وآلہ وسلم کے پاس سے ایک آدمی گزرا جس کو دائمی بیماری لاحق تھی تو آپ صلی اللہ علیہ وسلم نے سجدئہ شکر ادا کیا اور حضرت ابوبکر رضی اللہ عنہ اور حضرت عمر رضی اللہ عنہ نے بھی سجدئہ شکر ادا کیا۔ [مصنف ابن ابي شيبه/كتاب السير/حدیث: 35050]