حضرت مجاہد سے اللہ تعالیٰ کے ارشاد { حُورٌ مَقْصُورَاتٌ فِی الْخِیَامِ } کی تفسیر میں منقول ہے کہ وہ ایسی حوریں ہوں گی کہ جو موتیوں کے خیموں میں ہوں گی اور ان کے دل وجان اور آنکھیں صرف اپنے خاوندوں پر منحصر ہوں گی۔ وہ ان کے علاوہ کسی اور سے محبت نہیں کریں گی۔ [مصنف ابن ابي شيبه/كتاب الزهد/حدیث: 38194]

حضرت مجاہد سے اللہ تعالیٰ کے ارشاد { وَحُورٌ عِینٌ} کے بارے میں منقول ہے کہ ان حوروں کے دیکھنے میں آنکھیں چندھیا رہی ہوں گی۔ [مصنف ابن ابي شيبه/كتاب الزهد/حدیث: 38195]

حضرت مجاہد سے اللہ تعالیٰ کے ارشاد { وَاسْأَلُوا اللَّہَ مِنْ فَضْلِہِ } کے بارے میں منقول ہے کہ اس سے دنیا کا مال مراد نہیں ہے۔ [مصنف ابن ابي شيبه/كتاب الزهد/حدیث: 38196]

حضرت مجاہد سے اللہ تعالیٰ کے ارشاد { وَتَبَتَّلْ إلَیْہِ تَبْتِیلاً } کی تفسیر میں منقول ہے کہ اللہ کے لیے اخلاص پیدا کرو۔ [مصنف ابن ابي شيبه/كتاب الزهد/حدیث: 38197]

حضرت مجاہد سے ارشاد منقول ہے کہ جب بھی کوئی مرتا ہے تو زمین چالیس دن اس پر روتی ہے۔ [مصنف ابن ابي شيبه/كتاب الزهد/حدیث: 38198]

حضرت مجاہد سے اللہ کے ارشاد { وَلِمَنْ خَافَ مَقَامَ رَبِّہِ جَنَّتَانِ } کی تفسیر میں منقول ہے کہ اس سے مراد وہ شخص ہے کہ جو بوقت گناہ اللہ کو یاد کرے اور گناہ سے احتراز کرلے۔ [مصنف ابن ابي شيبه/كتاب الزهد/حدیث: 38199]

حضرت مجاہد سے اللہ تعالیٰ کے ارشاد { یُطَافُ عَلَیْہِمْ بِآنِیَۃٍ مِنْ فِضَّۃٍ وَأَکْوَابٍ کَانَتْ قَوَارِیرَا قَوَارِیرَا مِنْ فِضَّۃٍ قَدَّرُوہَا تَقْدِیرًا } کی تفسیر میں منقول ہے کہ آنیہ سے مراد پیالے اور اکواب سے مراد کوزے ہیں، اور تقدیر کا مطلب یہ ہے کہ وہ نہ تو اتنے بھرے ہوئے ہوں گے کہ چھلک جائیں اور نہ ہی مقدار میں کم ہوں گے۔ [مصنف ابن ابي شيبه/كتاب الزهد/حدیث: 38200]

حضرت عکرمہ رحمہ اللہ سے اللہ تعالیٰ کے ارشاد { لِلَّذِینَ یَعْمَلُونَ السُّوئَ بِجَہَالَۃٍ ثُمَّ یَتُوبُونَ مِنْ قَرِیبٍ } کی تفسیر میں منقول ہے کہ دنیا تمام کی تمام قریب ہے اور تمام کی تمام جہالت ہے۔ [مصنف ابن ابي شيبه/كتاب الزهد/حدیث: 38201]

حضرت عکرمہ رحمہ اللہ فرماتے ہیں اللہ تعالیٰ کے ارشاد { سِیمَاہُمْ فِی وُجُوہِہِمْ } سے مراد شب بیداری ہے۔ [مصنف ابن ابي شيبه/كتاب الزهد/حدیث: 38202]

حضرت عکرمہ فرماتے ہیں کہ اللہ تعالیٰ { وَاذْکُرْ رَبَّک إذَا نَسِیتَ } کا مطلب ہے کہ جب تو اللہ کی نافرمانی کرے اور بعض علماء فرماتے ہیں کہ جب تجھے غصہ آئے۔ [مصنف ابن ابي شيبه/كتاب الزهد/حدیث: 38203]