حضرت اعمش رحمہ اللہ فرماتے ہیں کہ ابوصالح رحمہ اللہ ہم کو نماز پڑھایا کرتے تھے اور رقت قلبی کی وجہ سے ان سے قراءت نہ کی جاتی تھی۔ [مصنف ابن ابي شيبه/كتاب الزهد/حدیث: 38274]

حضرت علی بن اقمر رحمہ اللہ فرماتے ہیں کہ مجھ کو فلاں شخص نے بتایا ہے کہ میں ربیعہ کے پاس آیا تو وہ نماز میں رو رہے تھے۔ [مصنف ابن ابي شيبه/كتاب الزهد/حدیث: 38275]

حضرت عبداللہ بن رباح کہتے ہیں کہ حضرت صفوان بن محرز جب قرآن پاک کی آیت { وَسَیَعْلَمُ الَّذِینَ ظَلَمُوا أَیَّ مُنْقَلَبٍ یَنْقَلِبُونَ } تلاوت کرتے تو روپڑتے حتی کہ مجھے اس طرح محسوس ہوتا تھا کہ ان کا سینہ پس جائے گا۔ [مصنف ابن ابي شيبه/كتاب الزهد/حدیث: 38276]

حضرت یعلی بن عطاء رحمہ اللہ اپنی والدہ سے جو کہ عبداللہ بن عمرو کے لیے سرمہ پیسا کرتی تھیں نقل کرتے ہیں کہ عبداللہ بن عمرو چراغ کو بجھا دیا کرتے تھے اور رویا کرتے تھے حتی کہ ان کی آنکھیں خراب ہوگئیں۔ [مصنف ابن ابي شيبه/كتاب الزهد/حدیث: 38277]

حضرت عبداللہ فرماتے ہیں کہ مجھے رسول اللہ e نے حکم دیا کہ مجھے تلاوت سناؤ تو انہوں نے عرض کیا کہ میں آپ کو سناؤں جبکہ آپ پر ہی تو اترا ہے تو آپ e نے فرمایا کہ میں چاہتا ہوں کہ کسی دوسرے سے سنوں عبداللہ فرماتے ہیں کہ میں نے سورة النساء شروع کی یہاں تک کہ جب میں { فَکَیْفَ إذَا جِئْنَا مِنْ کُلِّ أُمَّۃٍ بِشَہِیدٍ وَجِئْنَا بِکَ عَلَی ہَؤُلاَئِ شَہِیدًا } پر پہنچا تو میں نے اپنا سر اٹھایا یا کسی نے مجھ کو ایک جانب سے ٹٹولا تو میں نے دیکھا کہ آپ کے آنسو بہہ رہے تھے۔ [مصنف ابن ابي شيبه/كتاب الزهد/حدیث: 38278]

حضرت عبداللہ رضی اللہ عنہ سے مرفوعاً اسی طرح مروی ہے۔ [مصنف ابن ابي شيبه/كتاب الزهد/حدیث: 38279]

حضرت ابراہیم تیمی رحمہ اللہ کہتے ہیں کہ میں نے عبداللہ رضی اللہ عنہ کے ساٹھ ساتھیوں کو اس مسجد میں پایا جس میں سے سب سے چھوٹے ”حارث بن سوید“ تھے اور میں نے سنا کہ وہ {إذَا زُلْزِلَتْ… الخ } کی تلاوت کررہے تھے۔ یہاں تک کہ جب (فَمَنْ یَعْمَلْ مِثْقَالَ ذَرَّۃٍ خَیْرًا یَرَہُ) پر پہنچے تو رو پڑے پھر فرمایا کہ یہ تو بہت سخت حساب ہے۔ [مصنف ابن ابي شيبه/كتاب الزهد/حدیث: 38280]

حسن سے مروی ہے کہ آپ e کے صحابہ میں سے ایک شخص دوسرے کے پاس سے گزرا جو ایک آیت پڑھ رہا تھا اور رو رہا تھا اور اسی کو بار بار پڑھ رہا تھا تو انہوں نے فرمایا کہ کیا تم لوگوں نے اللہ کا ارشاد { وَرَتِّلِ الْقُرْآنَ تَرْتِیلاً } نہیں سنا یہی ہے وہ ترتیل۔ [مصنف ابن ابي شيبه/كتاب الزهد/حدیث: 38281]

حضرت عبداللہ بن شقیق العقیلی فرماتے ہیں کہ میں نے کعب رحمہ اللہ کو کہتے ہوئے سنا کہ میں اللہ کے خوف سے روؤں یہاں تک کہ آنسو میرے رخسار پر بہنے لگیں یہ مجھ کو اس سے زیادہ پسند ہے۔ میں اپنے وزن کے بقدر سونا صدقہ کروں۔ قسم ہے اس ذات کی کہ جس کے قبضہ میں کعب رحمہ اللہ کی جان ہے کہ جو بھی کوئی مسلمان اللہ کے خوف سے روتا ہے اور اس کے آنسو زمین پر گرتے ہیں اس کو جہنم کی آگ اس وقت تک نہیں چھو سکتی جب تک آسمان سے پانی کا زمین پر ٹپکا ہوا قطرہ دوبارہ اپنی جگہ پر نہ چلا جائے اور وہ ہرگز نہیں جاسکتا۔ [مصنف ابن ابي شيبه/كتاب الزهد/حدیث: 38282]

مہدی بن میمون رحمہ اللہ فرماتے ہیں کہ میں نے محمد کو فرماتے ہوئے سنا کہ آپ e کا صحابی تین تین دن تک کھانے کی کوئی چیز نہیں پاتا تھا تو چمڑا لے کر اس کو بھون لیتا اور اسی پر اکتفا کرلیتا اور جب کوئی چیز بھی نہ ملتی تو پتھر سے اپنے پیٹ کو باندھ لیتا تھا۔ [مصنف ابن ابي شيبه/كتاب الزهد/حدیث: 38283]