حضرت صلہ بن اشیم رحمہ اللہ فرماتے ہیں کہ میں نہیں جانتا کہ ان دو دنوں میں سے کون سا میرے لیے زیادہ خوشی کا باعث ہے۔ ایک وہ دن کہ جب میں اللہ کے ذکر سے دن کی ابتداء کروں اور ایک وہ دن کہ جب میں اپنی کسی حاجت کے لیے نکلوں تو مجھے اللہ کا ذکر درپیش ہو۔ [مصنف ابن ابي شيبه/كتاب الزهد/حدیث: 38254]

حضرت ابورفاعہ رضی اللہ عنہ فرماتے ہیں کہ جب سے مجھ کو رسول اللہ e نے سورة بقرہ سکھائی ہے اس وقت سے مجھے یہ سورت بھولی نہیں ہے اور اس کے ساتھ میں نے قرآن کا جو کچھ حاصل کیا وہ حاصل کیا اور میں نے کبھی بھی رات کے قیام کی وجہ سے کمر کی تکلیف محسوس نہیں کی۔ [مصنف ابن ابي شيبه/كتاب الزهد/حدیث: 38255]

حضرت صلہ فرماتے ہیں کہ میں نے حضرت ابو رفاعہ کو ان پر مصیبت آنے (شہادت) کے بعد خواب میں دیکھا کہ وہ ایک تیز رفتار اونٹنی پر سوار ہیں اور میں ایک بوجھل سست اونٹ پر ہوں۔ میں کوشش کر کے ان کے پیچھے پیچھے چل رہا ہوں۔ وہ اونٹنی کو میری طرف موڑتے ہیں تو میں کہتا ہوں کہ اب میں انہیں اپنی آواز سنا دوں گا، پھر وہ اسے چھوڑ دیتے ہیں اور میں ان کے پیچھے چلتا رہتا ہوں۔ میں نے اپنے اس خواب کی یہ تعبیر کی کہ میں ابو رفاعہ کے راستے پر چلوں، چنانچہ میں ان کے بعد عمل میں خوب مشقت اٹھاتا ہوں۔ [مصنف ابن ابي شيبه/كتاب الزهد/حدیث: 38256]

حضرت حمید بن ہلال فرماتے ہیں کہ حضرت ابو رفاعہ یا ان میں سے کوئی آدمی سفر میں اپنے ساتھیوں کے لیے پانی گرم کرتے تھے اور خود ٹھنڈے پانی سے وضو کرتے تھے۔ پھر فرماتے کہ تم اسے محسوس کرو اور میں اسے محسوس کروں گا۔ [مصنف ابن ابي شيبه/كتاب الزهد/حدیث: 38257]

حضرت مطرف رحمہ اللہ فرماتے ہیں کہ اگر اس امت میں کوئی صاف اور پاکیزہ دل والا آدمی ہوتا تو وہ مذعور ہیں۔ [مصنف ابن ابي شيبه/كتاب الزهد/حدیث: 38258]

حضرت مطرف رحمہ اللہ کا ارشاد ہے کہ ایک آدمی نے مجھے اور مذعور کو دیکھا تو کہا کہ جس کو یہ بات اچھی لگے کہ وہ دو جنتی آدمیوں کو دیکھے تو وہ ان دونوں کو دیکھ لے۔ اس بات کو مذعور نے سن لیا تو میں نے ناپسندیدگی کے اثرات ان کے چہرے پر دیکھے۔ تو انہوں نے کہا کہ اے اللہ تو ہم کو جانتا ہے اور یہ ہم کو نہیں جانتا۔ [مصنف ابن ابي شيبه/كتاب الزهد/حدیث: 38259]

حضرت ابو رجاء رحمہ اللہ فرماتے ہیں کہ ابن عباس رضی اللہ عنہما کی آنسو بہنے کی جگہ آنسوؤں کے بہنے سے بوسیدہ تسموں کی طرح ہوچکی تھیں۔ [مصنف ابن ابي شيبه/كتاب الزهد/حدیث: 38260]

حضرت مغیرہ بن سعد بن اخرم کا کہنا ہے کہ عبداللہ جب بازار میں لوہاروں کے پاس سے گزرتے تو ان کی آگ سے نکالی ہوئی چیزوں کو دیکھ کر ان کے آنسو نکل آیا کرتے تھے۔ [مصنف ابن ابي شيبه/كتاب الزهد/حدیث: 38261]

حضرت ابی صالح فرماتے ہیں کہ جب اہل یمن ابوبکر کے زمانے میں تشریف لائے اور انہوں نے قرآن سنا تو رونے لگے۔ ابوبکر نے فرمایا ہم بھی اس طرح ہوا کرتے تھے پھر دل سخت ہوگئے۔ [مصنف ابن ابي شيبه/كتاب الزهد/حدیث: 38262]

حضرت ابو اسید کے مولی ابوسعید سے منقول ہے کہ عمر نے جب نماز پڑھ لی تو لوگوں کو مسجد سے نکال دیا اور ہماری طرف کو چل پڑے۔ جب اپنے ساتھیوں کو دیکھا تو ”درۃ“ کو رکھا اور بیٹھ گئے، فرمانے لگے کہ دعا کرو تو وہ سب لوگ دعا کرنے لگے۔ پھر وہ باری باری دعا کرنے لگے۔ یہاں تک کہ دعا کی میری باری آگئی اور میں نے بھی دعا کی اور میں اس وقت غلام تھا۔ میں نے عمر رضی اللہ عنہ کو دیکھا کہ انہوں نے دعا مانگی اور اتنا روئے کہ کوئی عورت جس کا بچہ مرگیا ہو وہ بھی اتنا نہیں روتی۔ میں نے اپنے جی میں سوچا کہ ”کیا یہی وہ شخص ہے کہ جس کے بارے میں لوگ کہتے ہیں کہ بہت غصہ والا ہے۔ [مصنف ابن ابي شيبه/كتاب الزهد/حدیث: 38263]