حضرت ابراہیم نخعی رحمہ اللہ فرماتے ہیں: باندی کی طلاق دو بار ہے اور عدت دو حیض۔ اور استبراء ایک حیض سے ہوگا۔ [سنن سعید بن منصور/كتاب الطلاق/حدیث: 2453]

حضرت عبداللہ بن عتبہ رحمہ اللہ سے مروی ہے کہ سیدنا عمر رضی اللہ عنہ نے فرمایا: غلام دو عورتوں سے نکاح کر سکتا ہے اور دو طلاق دے سکتا ہے۔ اور باندی کی عدت دو حیض ہیں۔ اگر حیض نہ آئے تو ایک مہینہ اور نصف یا دو مہینے۔ [سنن سعید بن منصور/كتاب الطلاق/حدیث: 2454]

حضرت ابن سیرین رحمہ اللہ سے روایت ہے کہ سیدنا عمر رضی اللہ عنہ نے فرمایا: باندی کی طلاق دو بار ہے اور اس کا ایلاء (قسم کے ذریعے علیحدگی) دو ماہ ہے۔ [سنن سعید بن منصور/كتاب الطلاق/حدیث: 2455]

حضرت ابراہیم نخعی، حسن بصری، اور شعبی رحمہم اللہ فرماتے ہیں: باندی کی عدت اگر حیض آتا ہو تو دو حیض۔ اگر حیض نہ آتا ہو تو ایک مہینہ اور نصف۔ اور اگر شوہر فوت ہو جائے تو دو مہینے اور پانچ دن۔ [سنن سعید بن منصور/كتاب الطلاق/حدیث: 2456]

حضرت مجاہد رحمہ اللہ فرماتے ہیں: جو عورت عدت حیض کے ذریعے گزار رہی ہو اور حیض بند ہو جائے تو مہینوں کے ذریعے عدت استنٰاف کرے۔ اور جو مہینوں کے ذریعے عدت گزار رہی ہو اور حیض آ جائے تو حیض سے عدت استنٰاف کرے۔ [سنن سعید بن منصور/كتاب الطلاق/حدیث: 2457]

حضرت ابراہیم نخعی رحمہ اللہ فرماتے ہیں: آدمی کسی لڑکی سے نکاح کرے جو ابھی حیض کو نہ پہنچی ہو، پھر طلاق دے دے تو وہ تین مہینے عدت گزارے۔ اگر مہینے مکمل ہونے سے پہلے حیض آ جائے تو عدت حیض سے استنٰاف کرے۔ [سنن سعید بن منصور/كتاب الطلاق/حدیث: 2458]

حضرت سعید بن جبیر رحمہ اللہ فرماتے ہیں: جب کسی ام ولد کا مالک فوت ہو جائے یا وہ آزاد کر دی جائے تو اس کی عدت آزاد عورت جیسی ہوگی۔ [سنن سعید بن منصور/كتاب الطلاق/حدیث: 2459]

سیدنا علی رضی اللہ عنہ فرماتے ہیں: جب ام ولد کو آزاد کیا جائے تو اس کی عدت تین حیض ہے۔ اور اگر مالک فوت ہو جائے تو بھی یہی حکم ہے۔ [سنن سعید بن منصور/كتاب الطلاق/حدیث: 2460]

سیدنا علی رضی اللہ عنہ فرماتے ہیں: ام ولد کی عدت تین حیض ہے۔ [سنن سعید بن منصور/كتاب الطلاق/حدیث: 2461]

سیدنا علی اور عبداللہ رضی اللہ عنہم فرماتے ہیں: جب ام ولد کا مالک فوت ہو جائے تو وہ تین قروء عدت گزارے۔ [سنن سعید بن منصور/كتاب الطلاق/حدیث: 2462]