ابوعوانہ نے زیاد بن علاقہ کے واسطے سے یہ حدیث نقل کی ہے۔ سفیان بن عیینہ ہلالی نے بھی اس حدیث کو نقل کیا ہے۔ [المستدرك على الصحيحين/كتاب الطب/حدیث: 8414]

سفیان نے زیاد بن علاقہ سے اسی حدیث كو روایت كیا ہے۔ عثمان بن حکیم اودی کی روایت کردہ حدیث [المستدرك على الصحيحين/كتاب الطب/حدیث: 8415]

عثمان بن حکیم نے زیاد بن علاقہ سے روایت کیا ہے کہ اسامہ بن شریک فرماتے ہیں: ہم لوگ نبی اکرم صلی اللہ علیہ وسلم کی بارگاہ میں یوں بیٹھے ہوتے تھے جیسا کہ ہمارے سروں پر پرندے بیٹھے ہوں، سب خاموش بیٹھے رہتے، کوئی بھی بات نہ کرتا۔ جب کوئی دیہاتی آپ صلی اللہ علیہ وسلم کے پاس آتا، اپنی مشکلات اور پریشانیاں بیان کرتا اور آپ صلی اللہ علیہ وسلم سے مختلف معاملات میں شرعی راہنمائی لیتا تو حضور صلی اللہ علیہ وسلم فرماتے: اللہ تعالیٰ نے دشوار کام معاف فرما دیے ہیں سوائے اس شخص کے، کہ جس نے اپنے کسی مسلمان بھائی کی عزت اچھالی ہو، ایسا شخص حرج میں پڑا اور ہلاک ہو گیا، صحابہ کرام رضی اللہ عنہم نے پوچھا: یا رسول اللہ صلی اللہ علیہ وسلم کیا ہم دوائی لے لیا کریں؟ آپ صلی اللہ علیہ وسلم نے فرمایا: جی ہاں۔ اللہ تعالیٰ نے ایسی کوئی بیماری پیدا نہیں کی، جس کا علاج نہ ہو، سوائے ایک بیماری کے، صحابہ کرام رضی اللہ عنہم نے پوچھا: یا رسول اللہ صلی اللہ علیہ وسلم وہ بیماری کون سی ہے؟ آپ صلی اللہ علیہ وسلم نے فرمایا: بڑھاپا۔ صحابہ کرام رضی اللہ عنہم نے پوچھا: اللہ کے بندوں میں اللہ تعالیٰ کو سب سے زیادہ کون پسند ہے؟ آپ صلی اللہ علیہ وسلم نے فرمایا: جس کے اخلاق سب سے اچھے ہوں۔ زہیر بن معاویہ جعفی کی روایت کردہ مذکورہ حدیث [المستدرك على الصحيحين/كتاب الطب/حدیث: 8416]

8417 - زیاد بن علاقہ (رضی اللہ عنہ) سے روایت ہے (پھر انہوں نے حدیث ذکر کی)۔ اور انہی (راویوں) میں سے ورقاء بن عمر یشکری بھی ہیں: [المستدرك على الصحيحين/كتاب الطب/حدیث: 8417]

8418 - زیاد بن علاقہ (رضی اللہ عنہ) سے روایت ہے (پھر انہوں نے حدیث ذکر کی)۔ اور انہی (راویوں) میں سے زہیر بن معاویہ الجعفی بھی ہیں: [المستدرك على الصحيحين/كتاب الطب/حدیث: 8418]

زہیر بن معاویہ نے زیاد بن علاقہ کے واسطے سے اسامہ بن شریک حدیث روایت کی ہے۔ سیدنا عمرو بن ابی قیس رازی رضی اللہ عنہ کی روایت کردہ حدیث [المستدرك على الصحيحين/كتاب الطب/حدیث: 8419]

عمرو بن ابی قیس نے سماک بن حرب سے یہی حدیث روایت کی ہے۔ محمد بن بشر بن بشیر کی روایت کردہ حدیث [المستدرك على الصحيحين/كتاب الطب/حدیث: 8420]

0 [المستدرك على الصحيحين/كتاب الطب/حدیث: 8421]

اسرائیل نے ابواسحاق سے روایت کی ہے، اس کے بعد سابقہ حدیث بیان کی۔ امام حاکم کہتے ہیں: میں نے اسناد کے جو طرق بیان کئے ہیں، یہ نصف سے بھی کم ہیں، کیونکہ میں نے صرف ان راویوں کی روایات جمع کی ہیں جن کی روایات سے امام بخاری رحمۃ اللہ علیہ اور امام مسلم رحمۃ اللہ علیہ اپنی کتابوں میں دلیل لاتے ہیں، اور آدھی سے زیادہ اسانید لکھنے سے رہ گئی ہیں، اس فن کے طالب علم کو غور کرنا چاہئے کہ کیا ایسی حدیث جس کے شواہد بھی موجود ہوں، جس کے راوی بکثرت موجود ہوں ایسی حدیث کو یہ کہہ کر ترک کیا جا سکتا ہے؟ کہ ” اس میں صحابی سے روایت کرنے والا صرف ایک تابعی ہے “ وہ مقبول ہے، ثقہ ہے۔ ابوالحسن علی بن عمر الحافظ نے مجھ سے پوچھا: کیا وجہ ہے کہ امام بخاری رحمۃ اللہ علیہ اور امام مسلم رحمۃ اللہ علیہ نے اسامہ بن شریک کی یہ حدیث اپنی اپنی کتاب میں درج نہیں کی؟ میں نے کہا: اس لئے کہ ان کو اسامہ بن شریک سے روایت لینے والا تابعی زیاد بن علاقہ کے سوا كوئی نہیں ملا۔ جبكہ ابوالحسن نے مجھے بتایا انہوں نے اپنے ہاتھ سے اس كو لكھا كہ امام بخاری رحمۃ اللہ علیہ نے یحیی بن حماد سے، انہوں نے ابوعوانہ سے، انہوں نے بیان بن بشر سے، انہوں نے قیس بن ابی حازم سے، اور انہوں نے مرداس اسلمی سے روایت كیا ہے كہ نبی اكرم صلی اللہ علیہ وسلم نے ارشاد فرمایا: صالحین، گزشتہ بزرگوں سے آگے نكل جائیں گے۔ (اس کے بعد پوری حدیث بیان كی) اس حدیث میں مرداس سے روایت لینے والا تابعی، قیس کے علاوہ دوسرا كوئی بھی نہیں ہے۔ یونہی امام بخاری نے زہرہ بن معبد کے واسطے سے، ان کے دادا عبداللہ بن ہشام بن زہرہ کے حوالے سے نبی اكرم صلی اللہ علیہ وسلم سے دو حدیثیں روایت كی ہیں، اس میں عبداللہ سے روایت لینے والا، تابعی زہرہ کے سوا دوسرا كوئی نہیں ہے۔ امام بخاری رحمۃ اللہ علیہ اور امام مسلم رحمۃ اللہ علیہ نے قیس بن ابی حازم کے واسطے سے عدی بن عمیرہ کے حوالے سے نبی اكرم صلی اللہ علیہ وسلم كی حدیث ” من استعملناہ علی عمل “ (ہم جس كے سپرد كوئی كام كر دیں) روایت كی ہے، اس میں عدی بن عمیرہ سے روایت كرنے والا تابعی قیس کے علاوہ دوسرا كوئی نہیں ہے۔ امام بخاری رحمۃ اللہ علیہ اور امام مسلم رحمۃ اللہ علیہ نے مجزاۃ بن زاہر اسلمی کے واسطے سے، ان کے والد کے حوالے سے وہ حدیث بیان كی ہے جس میں یہ ذکر ہے کہ ” نبی اکرم صلی اللہ علیہ وسلم نے پالتو گدھوں کا گوشت کھانے سے منع فرمایا ہے “ اس حدیث میں زاہر سے روایت کرنے والا، ان کے بیٹے مجزاۃ کے علاوہ دوسرا کوئی نہیں ہے۔ امام بخاری رحمۃ اللہ علیہ نے حسن کے واسطے سے عمرو بن تغلب سے حدیث روایت کی ہے، اس میں عمرو سے روایت لینے والا، حسن کے علاوہ دوسرا کوئی راوی نہیں ہے۔ امام بخاری رحمۃ اللہ علیہ اور امام مسلم رحمۃ اللہ علیہ دونوں نے حسن کے واسطے سے عمرو بن تغلب کی روایت نقل کی ہے، اس میں بھی حسن کے علاوہ عمرو سے روایت لینے والا دوسرا کوئی راوی نہیں ہے۔ جب كہ زیادہ بن علاقہ كی اسامہ بن شریک سے روایت كردہ حدیث تو اصح ہے، اشہر ہے، اور ان مذكورہ احادیث سے زیادہ اس کے راوی ہیں۔ ابوالحسن كہتے ہیں: عمر بن الارقم اور مجاہد نے بھی اسامہ بن شریک سے یہ حدیث روایت كی ہے۔ اور یہ حدیث جابر بن عبداللہ رضی اللہ عنہ اور سیدنا ابوسعید خدری رضی اللہ عنہ کے واسطے سے بھی رسول اللہ صلی اللہ علیہ وسلم سے منقول ہے۔ سیدنا جابر بن عبداللہ رضی اللہ عنہ سے مروی حدیث [المستدرك على الصحيحين/كتاب الطب/حدیث: 8422]

سیدنا جابر بن عبداللہ رضی اللہ عنہ فرماتے ہیں كہ رسول اللہ صلی اللہ علیہ وسلم نے ارشاد فرمایا: ہر بیماری کا علاج ہے، جب كسی بھی بیماری كو اس كی دوا مل جاتی ہے تو اللہ کے حكم سے وہ بیماری دور ہو جاتی ہے۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس كو نقل نہیں كیا۔ سیدنا ابوسعید خدری رضی اللہ عنہ سے مروی حدیث [المستدرك على الصحيحين/كتاب الطب/حدیث: 8423]