🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
165. بَابُ مَا جَاءَ فِي عَبْدِ اللَّهِ بْنِ مَسْعُودٍ - رَضِيَ اللَّهُ عَنْهُ -
حضرت عبداللہ بن مسعود رضی اللہ عنہ کے بارے میں جو کچھ منقول ہے
اظهار التشكيل
حدیث نمبر: 15557
وَعَنْ عَبْدِ اللَّهِ بْنِ عُتْبَةَ قَالَ: بَيْنَمَا ابْنُ مَسْعُودٍ فِي الْمَسْجِدِ وَهُوَ يَدْعُو، مَرَّ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَأَبُو بَكْرٍ، فَلَمَّا حَاذَاهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - سَمِعَ دُعَاءَهُ، وَرَسُولُ اللَّهِ - صَلَّى اللَّهُ عَلَيْهِ وَسَلَّمَ - لَا يَعْرِفُهُ، فَقَالَ:" مَنْ هَذَا؟ سَلْ تُعْطَهُ". فَرَجَعَ أَبُو بَكْرٍ إِلَى عَبْدِ اللَّهِ بْنِ مَسْعُودٍ، فَقَالَ: الدُّعَاءُ الَّذِي كُنْتَ تَدْعُو بِهِ؟ فَقَالَ: حَمِدْتُ اللَّهَ وَمَجَّدْتُهُ، ثُمَّ قُلْتُ: اللَّهُمَّ لَا إِلَهَ إِلَّا أَنْتَ، وَعْدُكَ حَقٌّ، وَلِقَاؤُكَ حُقٌّ، وَكِتَابُكَ حَقٌّ، وَالنَّبِيُّونَ حَقٌّ، وَمُحَمَّدٌ - صَلَّى اللَّهُ عَلَيْهِ وَسَلَّمَ - حَقٌّ، وَالْجَنَّةُ حَقٌّ، وَالنَّارُ حَقٌّ، وَرُسُلُكَ حَقٌّ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.
عبداللہ بن عتبہ بیان کرتے ہیں: ایک مرتبہ سیدنا عبداللہ بن مسعود رضی اللہ عنہ مسجد میں موجود تھے، اور وہ دعا کر رہے تھے، اسی دوران نبی اکرم صلی اللہ علیہ وسلم اور سیدنا ابوبکر رضی اللہ عنہ کا وہاں سے گزر ہوا، جب نبی اکرم صلی اللہ علیہ وسلم ان کے قریب پہنچے، تو آپ نے ان کی دعا سنی، نبی اکرم صلی اللہ علیہ وسلم نے انہیں پہچانا نہیں، آپ نے دریافت کیا: یہ کون ہے؟ تم مانگو! تمہیں دیا جائے گا، سیدنا ابوبکر رضی اللہ عنہ سیدنا عبداللہ بن مسعود رضی اللہ عنہ کے پاس آئے اور بولے: وہ دعا کیا تھی؟ جو تم کر رہے تھے، انہوں نے جواب دیا: میں نے اللہ تعالیٰ کی حمد بیان کی، اس کی بزرگی بیان کی، پھر میں نے یہ کہا: ”اے اللہ تیرے علاوہ اور کوئی معبود نہیں ہے، تیرا وعدہ حق ہے، تیری بارگاہ میں حاضری حق ہے، تیری کتاب حق ہے، انبیاء کرام حق ہیں، سیدنا محمد صلی اللہ علیہ وسلم حق ہیں، جنت حق ہے، جہنم حق ہے اور تیرے رسول حق ہیں۔“
یہ روایت امام طبرانی نے نقل کی ہے اور اس کے رجال صحیح کے رجال ہیں۔ [مجمع الزاوئد ومنبع الفوائد/كتاب المناقب/حدیث: 15557]
تخریج الحدیث: «اخرجه الطبراني فى المعجم الكبير (8419)، أخرجه المعجم الكبير للطبراني برقم: 8419»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 15558
وَعَنِ ابْنِ مَسْعُودٍ: أَنَّهُ بَيْنَا هُوَ فِي الْمَسْجِدِ مَرَّ النَّبِيُّ صَلَّى اللَّهُ عَلَيْهِ وَسَلَّمَ وَهُوَ يَدْعُو، وَمَعَ النَّبِيِّ صَلَّى اللَّهُ عَلَيْهِ وَسَلَّمَ أَبُو بَكْرٍ وَعُمَرُ رَضِيَ اللَّهُ عَنْهُمَا، فَلَمَّا حَاذَى ِبهِ سَمِعَ دُعَاءَهُ وَهُوَ لَا يَعْرِفُهُ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:"سَلْ تُعْطَهُ" فَرَجَعَ أَبُو بَكْرٍ إِلَى ابْنِ مَسْعُودٍ قَالَ: الدُّعَاءُ الَّذِي دَعَوْتَ بِهِ مَا هُوَ؟ قَالَ: حَمِدْتُ اللَّهَ وَمَجَّدْتُهُ، ثُمَّ قُلْتُ: اللَّهُمَّ لَا إِلَهَ إِلَّا أَنْتَ، وَعْدُكَ حَقٌّ، وَلِقَاؤُكَ حُقٌّ، وَالْجَنَّةُ حَقٌّ، وَالنَّارُ حَقٌّ، وَرُسُلُكَ حَقٌّ، وَالنَّبِيُّونَ حَقٌّ، وَمُحَمَّدٌ - صَلَّى اللَّهُ عَلَيْهِ وَسَلَّمَ - حَقٌّ.
قُلْتُ: رَوَاهُ التِّرْمِذِيُّ وَغَيْرُهُ بِاخْتِصَارٍ.
رَوَاهُ الطَّبَرَانِيُّ وَرِجَالُهُ رِجَالُ الصَّحِيحِ غَيْرَ عَبْدِ اللَّهِ بْنِ أَحْمَدَ بْنِ حَنْبَلٍ وَسَعِيدِ بْنِ الرَّبِيعِ السَّمَّانِ وَهُمَا ثِقَتَانِ.
سیدنا عبداللہ بن مسعود رضی اللہ عنہ بیان کرتے ہیں: ایک مرتبہ وہ مسجد میں موجود تھے، اسی دوران نبی اکرم صلی اللہ علیہ وسلم وہاں سے گزرے، سیدنا عبداللہ رضی اللہ عنہ اس وقت دعا کر رہے تھے، نبی اکرم صلی اللہ علیہ وسلم کے ساتھ سیدنا ابوبکر رضی اللہ عنہ اور سیدنا عمر رضی اللہ عنہ بھی تھے، جب نبی اکرم صلی اللہ علیہ وسلم ان کے پاس سے گزرے، تو آپ نے سیدنا عبداللہ رضی اللہ عنہ کی دعا کو سنا، آپ اُن کو پہچانے نہیں، نبی اکرم صلی اللہ علیہ وسلم نے فرمایا: تم مانگو! تمہیں وہ دیا جائے گا، سیدنا ابوبکر رضی اللہ عنہ سیدنا عبداللہ بن مسعود رضی اللہ عنہ کے پاس واپس آئے اور انہوں نے دریافت کیا: وہ دعا کیا تھی؟ جو تم مانگ رہے تھے، سیدنا عبداللہ رضی اللہ عنہ نے جواب دیا: میں نے اللہ تعالیٰ کی حمد اور اس کی بزرگی بیان کی، پھر میں نے یہ کہا: ”اے اللہ! تیرے علاوہ اور کوئی معبود نہیں ہے، تیرا وعدہ حق ہے، تیری بارگاہ میں حاضری حق ہے، جنت حق ہے، جہنم حق ہے، تیرے رسول حق ہیں، انبیاء کرام حق ہیں، سیدنا محمد صلی اللہ علیہ وسلم حق ہیں۔“
(علامہ ہیثمی فرماتے ہیں:) میں یہ کہتا ہوں: یہ روایت امام ترمذی اور دیگر حضرات نے اختصار کے ساتھ نقل کی ہے۔ یہ روایت امام طبرانی نے نقل کی ہے اور اس کے رجال صحیح کے رجال ہیں، صرف عبداللہ بن أحمد بن حنبل اور سعید بن ربیع سمان کا معاملہ مختلف ہے اور یہ دونوں ثقہ ہیں۔ [مجمع الزاوئد ومنبع الفوائد/كتاب المناقب/حدیث: 15558]
تخریج الحدیث: «اخرجه الطبراني فى المعجم الكبير (8418)، أخرجه سنن الترمذي برقم: 593، وأخرجه المعجم الكبير للطبراني برقم: 8418، 8419، وأخرجه إتحاف الخيرة المهرة بزوائد المسانيد العشرة برقم: 6220/1»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 15559
وَعَنْ مُجَاهِدٍ، عَنِ ابْنِ عَبَّاسٍ قَالَ: أَيُّ الْقِرَاءَتَيْنِ كَانَتْ آخِيرًا: قِرَاءَةُ عَبْدِ اللَّهِ أَوْ قِرَاءَةُ زَيْدٍ؟ قَالَ: قُلْنَا: قِرَاءَةُ زَيْدٍ قَالَ: لَا إِلَّا إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ يَعْرِضُ الْقُرْآنَ عَلَى جِبْرِيلَ - عَلَيْهِ السَّلَامُ - كُلِّ عَامٍ مَرَّةً، فَلَمَّا كَانَ فِي الْعَامُ الَّذِي قُبِضَ فِيهِ عَرَضَهُ عَلَيْهِ مَرَّتَيْنِ، وَكَانَ آخِرُ الْقِرَاءَةِ قِرَاءَةَ عَبْدِ اللَّهِ. قُلْتُ: فِي الصَّحِيحِ بَعْضُهُ. رَوَاهُ أَحْمَدُ، وَالْبَزَّارُ، وَرِجَالُ أَحْمَدَ رِجَالُ الصَّحِيحِ.
مجاہد بیان کرتے ہیں: سیدنا عبداللہ بن عباس رضی اللہ عنہ نے دریافت کیا: دو قرأتوں میں سے کون سی بعد والی ہے؟ سیدنا عبداللہ رضی اللہ عنہ کی قرأت یا سیدنا زید رضی اللہ عنہ کی قرأت؟ راوی کہتے ہیں: ہم نے جواب دیا: سیدنا زید رضی اللہ عنہ کی قرأت، سیدنا عبداللہ بن عباس رضی اللہ عنہما نے ارشاد فرمایا: جی نہیں! نبی اکرم صلی اللہ علیہ وسلم ہر سال سیدنا جبرائیل علیہ السلام کے ساتھ ایک مرتبہ قرآن کا دور کیا کرتے تھے، جب وہ سال آیا جس میں نبی اکرم صلی اللہ علیہ وسلم کا وصال ہونا تھا، تو سیدنا جبرائیل علیہ السلام نے نبی اکرم صلی اللہ علیہ وسلم کے ساتھ دو مرتبہ دور کیا، تو آخری قرأت سیدنا عبداللہ رضی اللہ عنہ کی قرأت ہے۔
(علامہ ہیثمی فرماتے ہیں:) میں یہ کہتا ہوں: ”صحیح“ میں اس روایت کا کچھ حصہ مذکور ہے، یہ روایت امام أحمد اور امام بزار نے نقل کی ہے، امام أحمد کے رجال صحیح کے رجال ہیں۔ [مجمع الزاوئد ومنبع الفوائد/كتاب المناقب/حدیث: 15559]
تخریج الحدیث: «اخرجه البزار فى المسند (2683) اخرجه احمد فى المسند (2494)، أخرجه صحيح البخاري برقم: 4712، وأخرجه سنن ابن ماجه برقم: 1769، وأخرجه مسند أحمد برقم: 2490»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 15560
وَعَنْ عَبْدِ اللَّهِ - يَعْنِي ابْنَ مَسْعُودٍ - قَالَ: قَرَأْتُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - سَبْعِينَ سُورَةً، وَخَتَمْتُ الْقُرْآنَ عَلَى خَيْرِ النَّاسِ عَلِيِّ بْنِ أَبِي طَالِبٍ - رَضِيَ اللَّهُ عَنْهُ -. قُلْتُ: هُوَ فِي الصَّحِيحِ غَيْرَ قَوْلِهِ: وَخَتَمْتُ الْقُرْآنَ إِلَى آخِرِهِ. رَوَاهُ الطَّبَرَانِيُّ، وَفِيهِ يَحْيَى بْنُ سَالِمٍ، وَهُوَ ضَعِيفٌ.
سیدنا عبداللہ بن مسعود رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کے سامنے ستر سورتیں پڑھ کر سنائی ہیں اور میں نے پورا قرآن لوگوں میں سب سے بہتر فرد سیدنا علی بن ابوطالب رضی اللہ عنہ کے سامنے پڑھا ہے۔
(علامہ ہیثمی فرماتے ہیں:) میں یہ کہتا ہوں: یہ روایت صحیح میں مذکور ہے، تاہم اس میں قرآن ختم کرنے والا حصہ نہیں ہے، یہ روایت امام طبرانی نے نقل کی ہے، اس کی سند میں ایک راوی یحیی بن سالم ہے اور وہ ضعیف ہے۔ [مجمع الزاوئد ومنبع الفوائد/كتاب المناقب/حدیث: 15560]
تخریج الحدیث: «اخرجه الطبراني فى المعجم الكبير (8446)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 15561
وَعَنْ عَلِيٍّ قَالَ: أَمَرَ النَّبِيُّ - صَلَّى اللَّهُ عَلَيْهِ وَسَلَّمَ - ابْنَ مَسْعُودٍ فَصَعِدَ شَجَرَةً، فَأَمَرَهُ أَنْ يَأْتِيَهُ مِنْهَا بِشَيْءٍ، فَنَظَرَ أَصْحَابُهُ إِلَى سَاقِ عَبْدِ اللَّهِ حِينَ صَعِدَ فَضَحِكُوا مِنْ حُمُوشَةِ سَاقَيْهِ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -:" مَا تَضْحَكُونَ؟ لَرِجْلُ عَبْدِ اللَّهِ أَثْقَلُ فِي الْمِيزَانِ يَوْمَ الْقِيَامَةِ مِنْ أُحُدٍ". رَوَاهُ أَحْمَدُ، وَأَبُو يَعْلَى، وَالطَّبَرَانِيُّ، وَرِجَالُهُمْ رِجَالُ الصَّحِيحِ غَيْرَ أُمِّ مُوسَى وَهِيَ ثِقَةٌ.
سیدنا علی رضی اللہ عنہ بیان کرتے ہیں: نبی اکرم صلی اللہ علیہ وسلم نے سیدنا عبداللہ بن مسعود رضی اللہ عنہ کو حکم دیا، وہ درخت پر چڑھے، نبی اکرم صلی اللہ علیہ وسلم نے انہیں یہ ہدایت کی تھی کہ وہ اس درخت میں سے کچھ اتار کر لائیں، نبی اکرم صلی اللہ علیہ وسلم کے اصحاب نے سیدنا عبداللہ رضی اللہ عنہ کے اوپر چڑھنے کے وقت ان کی پنڈلیوں کو دیکھا، تو وہ لوگ اُن کی پنڈلیوں کے کمزور ہونے پر ہنس پڑے، نبی اکرم صلی اللہ علیہ وسلم نے فرمایا: ”تم کس بات پر ہنس رہے ہو؟ قیامت کے دن عبداللہ کی ٹانگ، میزان میں، اُحد پہاڑ سے زیادہ وزنی ہو گی۔“
یہ روایت امام أحمد، امام ابویعلیٰ اور امام طبرانی نے نقل کی ہے اور اس کے رجال صحیح کے رجال ہیں، صرف اُم موسیٰ کا معاملہ مختلف ہے اور وہ خاتون ثقہ ہیں۔ [مجمع الزاوئد ومنبع الفوائد/كتاب المناقب/حدیث: 15561]
تخریج الحدیث: «اخرجه أبو يعلى فى المسند (539) اخرجه احمد فى المسند (920)، أخرجه مسند أحمد برقم: 922»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 15562
وَعَنِ ابْنِ مَسْعُودٍ: أَنَّهُ كَانَ يَجْتَنِي سِوَاكًا مِنْ أَرَاكٍ، وَكَانَ دَقِيقَ السَّاقَيْنِ، فَجَعَلَتِ الرِّيحُ تَكْفَؤُهُ، فَضَحِكَ الْقَوْمُ مِنْهُ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" مِمَّ تَضْحَكُونَ؟". قَالُوا: يَا رَسُولَ اللَّهِ، مِنْ دِقَّةِ سَاقَيْهِ. فَقَالَ:" وَالَّذِي نَفْسِي بِيَدِهِ لَهُمَا فِي الْمِيزَانِ أَثْقَلُ مِنْ أُحُدٍ".
رَوَاهُ أَحْمَدُ، وَأَبُو يَعْلَى، وَالْبَزَّارُ، وَالطَّبَرَانِيُّ مِنْ طُرُقٍ، وَفِي بَعْضِهَا:" لَسَاقَا ابْنِ مَسْعُودٍ يَوْمَ الْقِيَامَةِ أَشَدُّ وَأَعْظَمُ مِنْ أُحُدٍ". وَفِي بَعْضِهَا: بَيْنَا هُوَ يَمْشِي وَرَاءَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِذْ هَمَزَهُ أَصْحَابُهُ أَوْ بَعْضُهُمْ.
وَأَمْثَلُ طُرُقِهَا فِيهِ: عَاصِمُ بْنُ أَبِي النَّجُودِ، وَهُوَ حَسَنُ الْحَدِيثِ عَلَى ضَعْفِهِ، وَبَقِيَّةُ رِجَالِ أَحْمَدَ وَأَبِي يَعْلَى رِجَالُ الصَّحِيحِ.
سیدنا عبداللہ بن مسعود رضی اللہ عنہ بیان کرتے ہیں: وہ پیلو کے درخت سے مسواک چن رہے تھے، اُن کی پنڈلیاں پتلی تھیں، ہوا انہیں ڈگمگانے لگی، تو لوگ ان پر ہنس پڑے، نبی اکرم صلی اللہ علیہ وسلم نے دریافت کیا: تم لوگ کس بات پر ہنسے ہو؟ لوگوں نے عرض کی: یا رسول اللہ! ان کی پنڈلیوں کے کمزور ہونے پر، نبی اکرم صلی اللہ علیہ وسلم نے ارشاد فرمایا: ”اس ذات کی قسم! جس کے دست قدرت میں میری جان ہے، میزان میں یہ دونوں (پنڈلیاں) احد پہاڑ سے زیادہ وزنی ہوں گی۔“
یہ روایت امام أحمد، امام ابویعلیٰ اور امام بزار نے اور امام طبرانی نے مختلف اسناد کے ساتھ نقل کی ہے۔ بعض روایات میں یہ الفاظ ہیں: ”ابن مسعود کی دونوں پنڈلیاں، قیامت کے دن، اُحد پہاڑ سے زیادہ مضبوط اور زیادہ بڑی ہوں گی۔“ ایک روایت میں یہ الفاظ ہیں: ”ایک مرتبہ وہ نبی اکرم صلی اللہ علیہ وسلم کے پیچھے چلتے ہوئے جا رہے تھے، اسی دوران آپ کے بعض اصحاب نے ان پر تبصرہ کیا۔۔۔۔۔۔۔“۔ اس روایت کے تمام طرق میں، جو سب سے زیادہ مثالی طریق ہے، اس میں ایک راوی عاصم بن ابونجود ہے اور وہ ضعیف ہونے کے باوجود حسن الحدیث ہے، امام أحمد اور امام ابویعلیٰ کے بقیہ رجال صحیح کے رجال ہیں۔ [مجمع الزاوئد ومنبع الفوائد/كتاب المناقب/حدیث: 15562]
تخریج الحدیث: «اخرجه البزار فى المسند (2678) أخرجه أبو يعلى فى المسند (5310) اخرجه احمد فى المسند (3991)»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 15563
وَعَنْ قُرَّةَ بْنِ إِيَاسٍ: أَنَّ عَبْدَ اللَّهِ بْنَ مَسْعُودٍ رَقَى شَجَرَةً يَجْتَنِي مِنْهَا سِوَاكًا، فَوَضَعَ رِجْلَيْهِ عَلَيْهَا، فَضَحِكَ أَصْحَابُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - مِنْ دِقَّةِ سَاقَيْهِ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" لَهُمَا أَثْقَلُ فِي الْمِيزَانِ مِنْ أُحُدٍ". رَوَاهُ الْبَزَّارُ، وَالطَّبَرَانِيُّ، وَرِجَالُهُمَا رِجَالُ الصَّحِيحِ.
قرہ بن ایاس بیان کرتے ہیں: سیدنا عبداللہ بن مسعود ایک درخت پر چڑھے، تاکہ اس میں سے مسواک اتاریں، انہوں نے اپنے پاؤں اس پر رکھے، تو نبی اکرم صلی اللہ علیہ وسلم کے اصحاب اُن کی پنڈلیوں کے کمزور ہونے پر ہنس پڑے، نبی اکرم صلی اللہ علیہ وسلم نے فرمایا: ”یہ دونوں، میزان میں اُحد پہاڑ سے زیادہ وزنی ہوں گی۔“
یہ روایت امام بزار اور امام طبرانی نے نقل کی ہے اور ان دونوں کے رجال صحیح کے رجال ہیں۔ [مجمع الزاوئد ومنبع الفوائد/كتاب المناقب/حدیث: 15563]
تخریج الحدیث: «اخرجه البزار فى المسند (2677) أخرجه الطبراني فى المعجم الكبير (28/19)، أخرجه مسند البزار برقم: 3305، وأخرجه إتحاف الخيرة المهرة بزوائد المسانيد العشرة برقم: 6871/2»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 15564
وَعَنْ أَبِي الطُّفَيْلِ قَالَ: ذَهَبَ ابْنُ مَسْعُودٍ وَنَاسٌ مَعَهُ إِلَى كَبَاثٍ، فَصَعِدَ ابْنُ مَسْعُودٍ شَجَرَةً لِيَجْتَنِيَ مِنْهَا، فَنَظَرُوا إِلَى سَاقَيْهِ فَضَحِكُوا مِنْ حُمُوشَتِهِمَا، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -:" مِنْ أَيِّ شَيْءٍ تَضْحَكُونَ؟". قَالُوا: مِنْ حُمُوشَةِ سَاقَيِ ابْنِ مَسْعُودٍ! فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -:" وَاللَّهِ إِنَّهُمَا لَأَثْقَلُ فِي الْمِيزَانِ مِنْ أُحُدٍ". ثُمَّ ذَهَبَ كُلُّ إِنْسَانٍ فَاجْتَنَى فَحْلًا يَأْكُلُهُ، وَجَاءَ ابْنُ مَسْعُودٍ بِجِنَائِهِ قَدْ جَعَلَهُ فِي حِجْرِهِ، فَوَضْعَهُ بَيْنَ يَدَيِ النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ:
هَذَا جِنَايَ وَخِيَارُهُ فِيهِ وَكُلُّ جَانٍ يَدُهُ إِلَى فِيهِ
فَأَكَلَ مِنْهُ النَّبِيُّ - صَلَّى اللَّهُ عَلَيْهِ وَسَلَّمَ -. رَوَاهُ الطَّبَرَانِيُّ، وَفِيهِ مُحَمَّدُ بْنُ عُبَيْدِ اللَّهِ الْعَرْزَمِيُّ، وَهُوَ مَتْرُوكٌ.
ابوطفیل بیان کرتے ہیں: سیدنا عبداللہ بن مسعود رضی اللہ عنہ گئے، اُن کے ساتھ کچھ لوگ بھی تھے، یہ لوگ پیلو کے درخت کی طرف گئے، سیدنا عبداللہ بن مسعود رضی اللہ عنہ درخت پر چڑھے تاکہ اُس سے مسواک اتاریں، یا پھل اتاریں، لوگوں نے ان کی پنڈلیوں کو دیکھا، تو ان کی پنڈلیوں کی کمزوری پر وہ ہنس پڑے، نبی اکرم صلی اللہ علیہ وسلم نے دریافت کیا: تم لوگ کس بات پر ہنستے ہو؟ لوگوں نے عرض کی: ابن مسعود کی پنڈلیوں کی کمزوری پر نبی اکرم صلی اللہ علیہ وسلم نے ارشاد فرمایا: ”اللہ کی قسم! یہ دونوں میزان میں، اُحد پہاڑ سے زیادہ وزنی ہوں گی۔“ پھر ہر شخص گیا اور وہ پھل چننے لگا اور اسے کھانے لگا، سیدنا عبداللہ بن مسعود رضی اللہ عنہ نے جو پھل اتارا تھا، وہ اُسے اپنی جھولی میں رکھ کر آئے، اور اسے نبی اکرم صلی اللہ علیہ وسلم کے سامنے رکھ دیا اور یہ شعر پڑھا: ”یہ میرا چنا ہوا پھل ہے اور اس میں بہتر پھل ہے اور ہر پھل چننے والے کا ہاتھ اس کے اپنے منہ کی طرف ہے۔“ راوی بیان کرتے ہیں: نبی اکرم صلی اللہ علیہ وسلم نے اُس پھل میں سے کھایا۔
یہ روایت امام طبرانی نے نقل کی ہے، اس کی سند میں ایک راوی محمد بن عبیداللہ عرزمی ہے اور وہ متروک ہے۔ [مجمع الزاوئد ومنبع الفوائد/كتاب المناقب/حدیث: 15564]

الحكم على الحديث:
إسنادہ ضعیف جداً
مزید تخریج الحدیث شرح دیکھیں
اظهار التشكيل
حدیث نمبر: 15565
وَعَنِ ابْنِ مَسْعُودٍ قَالَ: خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِحَاجَتِهِ، فَلَقِيتُهُ بِمَاءٍ، فَقَالَ:" مَنْ أَمَرَكَ بِهَذَا؟". فَقُلْتُ: مَا أَمَرَنِي بِهِ أَحَدٌ! فَقَالَ:" قَدْ أَحْسَنْتَ، أَبْشِرْ بِالْجَنَّةِ". ثُمَّ جَاءَ عَلِيٌّ فَبَشَّرَهُ بِالْجَنَّةِ. رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَفِيهِ عَبْدُ الْغَفَّارِ بْنُ الْقَاسِمِ، وَكَانَ يَضَعُ الْحَدِيثَ.
سیدنا عبداللہ مسعود رضی اللہ عنہ بیان کرتے ہیں: ایک مرتبہ نبی اکرم صلی اللہ علیہ وسلم قضائے حاجت کے لیے تشریف لے گئے، میں پانی لے کر آپ کے پیچھے گیا، آپ نے دریافت کیا: تمہیں کس نے اس بات کا حکم دیا؟ میں نے عرض کی: مجھے کسی نے اس بارے میں ہدایت نہیں کی، نبی اکرم صلی اللہ علیہ وسلم نے فرمایا: تم نے اچھا کام کیا ہے، تم جنت کی خوشخبری قبول کرو! پھر سیدنا علی رضی اللہ عنہ آئے تو نبی اکرم صلی اللہ علیہ وسلم نے انہیں بھی جنت کی خوشخبری دی۔
یہ روایت امام طبرانی نے معجم اوسط اور معجم کبیر میں نقل کی ہے، اس کی سند میں ایک راوی عبدالغفار بن قاسم ہے اور وہ حدیث ایجاد کرتا تھا۔ [مجمع الزاوئد ومنبع الفوائد/كتاب المناقب/حدیث: 15565]
تخریج الحدیث: «اخرجه الطبراني فى المعجم الكبير (10341)، أخرجه المعجم الكبير للطبراني برقم: 10341»

الحكم على الحديث:
موضوع
مزید تخریج الحدیث شرح دیکھیں
اظهار التشكيل
حدیث نمبر: 15566
وَعَنِ ابْنِ مَسْعُودٍ قَالَ: مَا كَذَبْتُ مُنْذُ أَسْلَمْتُ إِلَّا كَذِبَةً وَاحِدَةً، كُنْتُ أَرْحَلُ لِلنَّبِيِّ - صَلَّى اللَّهُ عَلَيْهِ وَسَلَّمَ - فَأَتَى رَجُلٌ مِنَ الطَّائِفِ فَسَأَلَنِي: أَيُّ الرِّحْلَةِ أَحَبُّ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ -؟ فَقُلْتُ: الطَّائِفِيَّةُ الْمُنْكَبَّةُ، وَكَانَ يَكْرَهُهَا. فَلَمَّا أُتِيَ بِهَا قَالَ:" مَنْ رَحَلَ هَذِهِ؟". قَالُوا: رَحَّالُكَ قَالَ:" مُرُوا ابْنَ أُمِّ عَبْدٍ أَنْ يَرْحَلَ". فَأُعِيدَتْ إِلَيَّ الرِّحْلَةُ. رَوَاهُ الطَّبَرَانِيُّ، وَأَبُو يَعْلَى، وَإِسْنَادُهُ ضَعِيفٌ.
سیدنا عبداللہ بن مسعود رضی اللہ عنہ بیان کرتے ہیں: جب سے میں نے اسلام قبول کیا ہے، میں نے کبھی جھوٹ نہیں بولا:، البتہ ایک مرتبہ کی غلط بیانی کا معاملہ مختلف ہے، میں، نبی اکرم صلی اللہ علیہ وسلم کے لئے پالان تیار کیا کرتا تھا، طائف سے تعلق رکھنے والا ایک شخص آیا، اُس نے مجھ سے دریافت کیا: نبی اکرم صلی اللہ علیہ وسلم کو پالان تیار کرنے کا کون سا طریقہ پسند ہے؟ میں نے جواب دیا: طائفیہ منکبہ، حالانکہ نبی اکرم صلی اللہ علیہ وسلم اس کو ناپسند کرتے تھے، جب وہ نبی اکرم صلی اللہ علیہ وسلم کے پاس لایا گیا، تو نبی اکرم صلی اللہ علیہ وسلم نے دریافت کیا: یہ پالان کس نے تیار کیا ہے؟ لوگوں نے عرض کی: آپ کا پالان تیار کرنے والے شخص نے، نبی اکرم صلی اللہ علیہ وسلم نے فرمایا: ابن ام عبد سے کہو کہ وہ پالان تیار کیا کرے، تو پالان تیار کرنے کی ذمہ داری مجھے واپس مل گئی۔
یہ روایت امام طبرانی اور امام ابویعلیٰ نے نقل کی ہے اور اس کی سند ضعیف ہے۔ [مجمع الزاوئد ومنبع الفوائد/كتاب المناقب/حدیث: 15566]
تخریج الحدیث: «اخرجه أبو يعلى فى المسند (5268) اخرجه الطبراني فى المعجم الكبير (10366)»

الحكم على الحديث:
إسنادہ ضعیف۔
مزید تخریج الحدیث شرح دیکھیں