الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
اعمال حج اور اس کے احکام و مسائل
حدیث نمبر: 359 |
|
سیدنا ابن عباس رضی اللہ عنہما نے فرمایا: رسول اللہ صلی اللہ علیہ وسلم اور آپ کے اصحاب حج کرنے تشریف لائے، تو آپ صلی اللہ علیہ وسلم نے فرمایا: ”لوگو! احرام کھول دو، الا یہ کہ جس کے پاس قربانی کا جانور ہو، جس چیز کا مجھے اب علم ہوا ہے اگر میں اسے پہلے جان لیتا تو میں یہ نہ کرتا، عمرہ قیامت کے دن تک کے لیے حج میں داخل ہو گیا ہے۔“
تخریج الحدیث: «انظر ما قبله»
36. حج میں سر کے بال منڈوانے کی فضیلت
حدیث نمبر: 360 |
|
سیدنا ابن عباس رضی اللہ عنہما نے بیان کیا: رسول اللہ صلی اللہ علیہ وسلم نے اپنے حج کے دوران سر کے بال منڈوائے، تو کچھ صحابہ کرام رضوان اللہ علہیم اجمعین نے بال منڈوائے جبکہ باقی نے بال کتروائے، تو رسول اللہ صلی اللہ علیہ وسلم نے فرمایا: ”اللہ سر کے بال منڈوانے والوں پر رحم فرمائے“، انہوں نے عرض کیا: اللہ کے رسول! اور بال کتروانے والوں پر؟ آپ صلی اللہ علیہ وسلم نے فرمایا: ”اللہ سر کے بال منڈوانے والوں پر رحم فرمائے۔“ انہوں نے عرض کیا: اللہ کے رسول! بال کتروانے والوں پر؟ آپ صلی اللہ علیہ وسلم نے فرمایا: ”اللہ بال منڈوانے والوں پر رحم فرمائے۔“ انہوں نے عرض کیا: اللہ کے رسول! بال کتروانے والوں پر؟ آپ صلی اللہ علیہ وسلم نے فرمایا: ”اور بال کترانے والوں پر۔“ انہوں نے عرض کیا: اللہ کے رسول! بال منڈوانے والوں کا کیا معاملہ ہے؟ آپ نے ان کے لیے ترحم (اللہ ان پر رحم فرمائے) کا اظہار کیوں فرمایا ہے؟ آپ صلی اللہ علیہ وسلم نے فرمایا: ”اس لیے کہ انہوں نے شک کا اظہار نہیں کیا (میری اتباع میں سر کے بال منڈوالیے)۔“
تخریج الحدیث: «تقدم تخريجة: 715»
36. رکنِ یمانی کا بوسہ
حدیث نمبر: 361 |
|
سیدنا ابن عباس رضی اللہ عنہما نے بیان کیا، رسول اللہ صلی اللہ علیہ وسلم رکن یمانی کو بوسہ دیا کرتے تھے اور اپنا رخسار اس پر رکھا کرتے تھے۔
تخریج الحدیث: «صحيح ابن خزيمه، رقم: 2727. سلسلة ضعيفة، رقم: 4169. مسند ابي يعلي، رقم: 2605»
37. حج میں تجارت کرنے کی اجازت
حدیث نمبر: 362 |
|
سیدنا ابن عباس رضی اللہ عنہما نے فرمایا: وہ اپنے حج میں تجارت کو داخل کرنا ناپسند کرتے تھے حتیٰ کہ یہ آیت نازل ہوئی: «لَيْسَ عَلَيْكُمْ جُنَاحٌ أَن تَبْتَغُوا فَضْلًا مِّن رَّبِّكُمْ» ”تم پر اس میں کوئی گناہ نہیں کہ تم اپنے رب کا فضل تلاش کرو۔“
تخریج الحدیث: «سنن ابوداود، كتاب المناسك، باب التجارة فى الحج، رقم: 1731. قال الشيخ الالباني: صحيح»
حدیث نمبر: 363 |
|
سیدنا ابن عباس رضی اللہ عنہما نے فرمایا: وہ ایام حج میں بیوع اور تجارت سے بچتے تھے، وہ کہتے تھے (یہ) ایام ذکر ہیں، تو اللہ عزوجل نے یہ آیت نازل فرمائی: «لَيْسَ عَلَيْكُمْ جُنَاحٌ أَن تَبْتَغُوا فَضْلًا مِّن رَّبِّكُمْ» ”اس میں تم پر کوئی گناہ نہیں کہ تم اپنے رب کا فضل تلاش کرو۔“
تخریج الحدیث: «سنن ابوداود، كتاب المناسك، باب الكبري، رقم: 1734. قال الشيخ الالباني: صحيح»
38. تلبیہ کب تک کہنا چاہیے
حدیث نمبر: 364 |
|
سیدنا ابن عباس رضی اللہ عنہما سے روایت ہے، رسول اللہ صلی اللہ علیہ وسلم تلبیہ پکارتے رہے حتیٰ کہ آپ نے جمرہ عقبہ کی رمی کی۔
تخریج الحدیث: «سنن ابوداود، كتاب المناسك، باب مني يقطع المعتمر التلبية، رقم: 1817. قال الالباني: صحيح سنن ترمذي، ابواب الحج، باب ماجاء مني تقطع التلبية فى العمرة، رقم: 919»
حدیث نمبر: 365 |
|
سیدنا ابن عباس رضی اللہ عنہما سے روایت ہے، رسول اللہ صلی اللہ علیہ وسلم نے عمرہ کے لیے تلبیہ پکارا حتیٰ کہ آپ نے حجر اسود کا استلام کیا، اور حج کے لیے تلبیہ پکارا حتیٰ کہ جمرہ کی رمی کی۔
تخریج الحدیث: «سنن ابوداود، كتاب المناسك، باب متي يقطع التلبية، رقم: 1815 قال الالباني: صحيح»
حدیث نمبر: 366 |
|
سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم جمرہ کی رمی کرنے تک تلبیہ پکارتے رہے۔
تخریج الحدیث: «السابق»
39. دورانِ حج سکون و اطمنان رکھنا
حدیث نمبر: 367 |
|
سیدنا ابن عباس رضی اللہ عنہما نے بیان کیا: میں رسول اللہ صلی اللہ علیہ وسلم کے ساتھ دو بار مزدلفہ سے لوٹا، آپ لوٹتے تھے اور آپ پر سکینت ہوتی تھی۔
تخریج الحدیث: «بخاري، كتاب الحج، باب امر النبى صلى الله عليه واله وسلم بالسكبنة عند الافاطمه الخ: 1671. مسلم، كتاب المساجد، باب استحباب اتيان الصلاة الخ، رقم: 602. سنن ابوداود، رقم: 1920. 1944. سنن ترمذي، رقم: 886. سنن نسائي، رقم: 3021. سنن ابن ماجه، رقم: 3023»
40. حالتِ احرام میں پچھنے لگوانا
حدیث نمبر: 368 |
|
سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے حالت احرام میں پچھنے لگوائے۔
تخریج الحدیث: «بخاري، كتاب المعرة، باب الحجامة للمحرم، رقم: 1835. مسلم، كتاب الحج، باب جواز الحجامة للمحرم، رقم: 1202. سنن ابوداود، رقم: 1835»