(نبی کریم صلی اللہ علیہ وسلم نے فرمایا:)
”خیبر کا کھایا ہوا زہر آلود گوشت ہر سال مجھے اپنا اثر دکھانے کے لیے واپس آتا رہا، یہاں تک کہ اب یہی وقت ہے کہ میری شہ رگ کٹنے والی ہے۔“ [صحيح الجامع الصغير وزيادته/حرف الميم./حدیث: 5629]

(نبی کریم صلی اللہ علیہ وسلم نے فرمایا:)
”جو مسلمان آدمی بھی تین بار اللہ سے جنت مانگے تو جنت کہتی ہے: اے اللہ! اسے جنت میں داخل کر دے، اور جو مسلمان آدمی بھی تین بار اللہ سے جہنم سے پناہ مانگے تو جہنم کہتی ہے: اے اللہ! اسے مجھ سے پناہ دے۔“ [صحيح الجامع الصغير وزيادته/حرف الميم./حدیث: 5630]

(نبی کریم صلی اللہ علیہ وسلم نے فرمایا:)
”تمہیں کیا ہو گیا ہے کہ تم اپنے ہاتھوں سے اس طرح اشارہ کرتے ہو گویا وہ سرکش گھوڑوں کی دمیں ہیں؟! جب تم میں سے کوئی سلام پھیرے تو وہ اپنے ساتھیوں کی طرف متوجہ ہو اور ہاتھ سے اشارہ نہ کرے۔“ [صحيح الجامع الصغير وزيادته/حرف الميم./حدیث: 5631]

(نبی کریم صلی اللہ علیہ وسلم نے فرمایا:)
”قیامت کے دن مومن کی میزان میں اچھے اخلاق سے زیادہ وزنی کوئی چیز نہیں، بے شک اللہ تعالیٰ بے حیا اور بدزبان شخص سے بغض رکھتا ہے۔“ [صحيح الجامع الصغير وزيادته/حرف الميم./حدیث: 5632]

(نبی کریم صلی اللہ علیہ وسلم نے فرمایا:)
”جو لوگ بھی ہدایت پر ہونے کے بعد گمراہ ہوئے تو انہیں جھگڑالو پن دیا گیا تھا۔“ [صحيح الجامع الصغير وزيادته/حرف الميم./حدیث: 5633]

(نبی کریم صلی اللہ علیہ وسلم نے فرمایا:)
”جس قوم میں بھی سود اور زنا پھیل جائے تو انہوں نے اپنے آپ کو اللہ کے عذاب کا حقدار بنا لیا۔“ [صحيح الجامع الصغير وزيادته/حرف الميم./حدیث: 5634]

(نبی کریم صلی اللہ علیہ وسلم نے فرمایا:)
”تم میں سے کسی پر کوئی حرج نہیں کہ اگر وہ استطاعت رکھتا ہو تو جمعے کے دن کے لیے اپنے کام کاج کے کپڑوں کے علاوہ خاص دو کپڑے بنا لے۔“ [صحيح الجامع الصغير وزيادته/حرف الميم./حدیث: 5635]

(نبی کریم صلی اللہ علیہ وسلم نے فرمایا:)
”زمین پر کوئی بھی شخص «لَا إِلَهَ إِلَّا اللَّهُ وَاللَّهُ أَكْبَرُ وَلَا حَوْلَ وَلَا قُوَّةَ إِلَّا بِاللَّهِ» (اللہ کے سوا کوئی سچا معبود نہیں، اللہ سب سے بڑا ہے، اور گناہوں سے بچنے اور نیکی کرنے کی طاقت اللہ ہی کی توفیق سے ہے) کہے تو اس کے گناہ معاف کر دیے جاتے ہیں، خواہ وہ سمندر کی جھاگ کے برابر ہی کیوں نہ ہوں۔“ [صحيح الجامع الصغير وزيادته/حرف الميم./حدیث: 5636]

(نبی کریم صلی اللہ علیہ وسلم نے فرمایا:)
”زمین پر کوئی مسلمان بھی اللہ سے کوئی دعا مانگے تو اللہ اسے وہ چیز عطا کر دیتا ہے یا اس سے اتنی ہی برائی دور کر دیتا ہے، جب تک وہ گناہ یا قطع رحمی کی دعا نہ مانگے اور جب تک وہ جلد بازی نہ کرے یہ کہتے ہوئے کہ میں نے بہت دعا مانگی مگر میری دعا قبول نہیں ہوئی۔“ [صحيح الجامع الصغير وزيادته/حرف الميم./حدیث: 5637]

(نبی کریم صلی اللہ علیہ وسلم نے فرمایا:)
”زمین پر کوئی جان ایسی نہیں مرتی جس کے لیے اللہ کے پاس بھلائی ہو اور وہ یہ پسند کرے کہ وہ تمہاری طرف واپس آئے، خواہ اسے پوری دنیا دے دی جائے، سوائے اللہ کی راہ میں قتل ہونے والے کے، وہ اللہ کے پاس اپنے لیے موجود ثواب دیکھ کر یہ پسند کرے گا کہ وہ واپس آئے اور دوبارہ قتل ہو۔“ [صحيح الجامع الصغير وزيادته/حرف الميم./حدیث: 5638]