(نبی کریم صلی اللہ علیہ وسلم نے فرمایا:)
”مجھے دنیا سے کیا تعلق اور دنیا کو مجھ سے کیا تعلق! اس ذات کی قسم جس کے ہاتھ میں میری جان ہے! میری اور دنیا کی مثال تو بس اس مسافر کی طرح ہے جو گرمی کے دن میں سفر کرے، پھر دن کی ایک گھڑی کے لیے کسی درخت کے نیچے سایہ حاصل کرے، پھر چل پڑے اور اسے چھوڑ دے۔“ [صحيح الجامع الصغير وزيادته/حرف الميم./حدیث: 5669]

(نبی کریم صلی اللہ علیہ وسلم نے فرمایا:)
”جو نبی بھی فوت ہوا اسے وہیں دفن کیا گیا جہاں اس کی روح قبض کی گئی۔“ [صحيح الجامع الصغير وزيادته/حرف الميم./حدیث: 5670]

(نبی کریم صلی اللہ علیہ وسلم نے فرمایا:)
”جس رات مجھے معراج کرائی گئی، میں فرشتوں کی جس جماعت کے پاس سے بھی گزرا انہوں نے کہا: اے محمد! اپنی امت کو پچھنے لگوانے کا حکم دیں۔“ [صحيح الجامع الصغير وزيادته/حرف الميم./حدیث: 5671]

(نبی کریم صلی اللہ علیہ وسلم نے فرمایا:)
”جس رات مجھے معراج کرائی گئی، میں فرشتوں کی جس جماعت کے پاس سے بھی گزرا وہ سب مجھ سے کہتے: اے محمد! پچھنے لگوانا لازم پکڑیں۔“ [صحيح الجامع الصغير وزيادته/حرف الميم./حدیث: 5672]

(نبی کریم صلی اللہ علیہ وسلم نے فرمایا:)
”اللہ تعالیٰ نے جس چیز کو بھی مسخ کیا اس کی کوئی نسل اور اولاد نہیں چلی۔“ [صحيح الجامع الصغير وزيادته/حرف الميم./حدیث: 5673]

(نبی کریم صلی اللہ علیہ وسلم نے فرمایا:)
”آدمی نے پیٹ سے بدتر کوئی برتن نہیں بھرا، ابنِ آدم کے لیے اتنے ہی لقمے کافی ہیں جو اس کی کمر سیدھی رکھیں، پھر اگر ناگزیر ہی ہو تو ایک تہائی کھانے کے لیے، ایک تہائی پینے کے لیے اور ایک تہائی سانس کے لیے چھوڑ دے۔“ [صحيح الجامع الصغير وزيادته/حرف الميم./حدیث: 5674]

(نبی کریم صلی اللہ علیہ وسلم نے فرمایا:)
”کوئی آدمی ایسا نہیں مگر اس کے سر میں ایک لگام ہوتی ہے جو ایک فرشتے کے ہاتھ میں ہوتی ہے، پس جب وہ عاجزی اختیار کرتا ہے تو فرشتے سے کہا جاتا ہے: اس کی لگام بلند کر دو، اور جب وہ تکبر کرتا ہے تو فرشتے سے کہا جاتا ہے: اس کی لگام چھوڑ دو۔“ [صحيح الجامع الصغير وزيادته/حرف الميم./حدیث: 5675]

(نبی کریم صلی اللہ علیہ وسلم نے فرمایا:)
”جو شخص بھی اپنے مال کی زکوٰۃ ادا نہیں کرتا تو قیامت کے دن اس کے لیے ایک گنجا سانپ بنا کر پیش کیا جائے گا یہاں تک کہ وہ اس کے گلے کا طوق بن جائے گا۔“ [صحيح الجامع الصغير وزيادته/حرف الميم./حدیث: 5676]

(نبی کریم صلی اللہ علیہ وسلم نے فرمایا:)
”جو شخص بھی قرض لیتا ہے اور اللہ کو معلوم ہو کہ وہ اسے ادا کرنا چاہتا ہے تو اللہ اسے دنیا ہی میں اس کی طرف سے ادا کروا دیتا ہے۔“ [صحيح الجامع الصغير وزيادته/حرف الميم./حدیث: 5677]

(نبی کریم صلی اللہ علیہ وسلم نے فرمایا:)
”جو شخص بھی کوئی دعا کرے تو اللہ اسے وہ چیز دے دیتا ہے جو اس نے مانگی یا اس سے اتنی ہی برائی روک دیتا ہے، جب تک وہ گناہ یا قطع رحمی کی دعا نہ کرے۔“ [صحيح الجامع الصغير وزيادته/حرف الميم./حدیث: 5678]