حضرت نافع رحمہ اللہ فرماتے ہیں کہ حضرت ابن عمر رضی اللہ عنہما نے اپنی بیوی کو ایک یا دو طلاقیں دے دیں تھیں اور وہ ان کے پاس جانے سے پہلے اجازت لیا کرتے تھے۔ [مصنف ابن ابي شيبه/كتاب الطلاق/حدیث: 20044]

حضرت ابراہیم رحمہ اللہ فرماتے ہیں کہ طلاق یافتہ عورت اپنے خاوند کے گھر میں عدت گزارے گی اور وہ زینت کے لئے سرمہ نہیں لگائے گی اور اس کا خاوند اس کی اجازت سے ہی اس کے پاس آسکتا ہے۔ اور وہ اس کے ساتھ اس کے کمرے میں نہیں ہوگا۔ [مصنف ابن ابي شيبه/كتاب الطلاق/حدیث: 20045]

حضرت حسن رحمہ اللہ فرمایا کرتے تھے کہ جب آدمی (اپنی طلاق یافتہ عدت گزارنے والی) بیو ی کے پاس جانے لگے تو اجازت طلب کرے اور گلاصاف کرنے کی آواز نکال لے، اچانک اس کے پاس بلا اطلاع داخل نہ ہو۔ [مصنف ابن ابي شيبه/كتاب الطلاق/حدیث: 20046]

حضرت سعید بن مسیب رحمہ اللہ فرماتے ہیں کہ جب بیوی کو ایک طلاق دے دی تو اس کے پاس جانے سے پہلے اجازت طلب کرے۔ [مصنف ابن ابي شيبه/كتاب الطلاق/حدیث: 20047]

حضرت ابراہیم رحمہ اللہ اور حضرت مجاہد رحمہ اللہ فرماتے ہیں کہ گلا صاف کرکے اسے اپنی آمد کا احساس دلائے۔ [مصنف ابن ابي شيبه/كتاب الطلاق/حدیث: 20048]

حضرت مجاہد رحمہ اللہ سے بھی یہی منقول ہے، وہ دونوں (ابراہیم اور مجاہد) فرماتے ہیں کہ گلا صاف کرکے اسے اپنی آمد کا احساس دلائے۔ [مصنف ابن ابي شيبه/كتاب الطلاق/حدیث: 20049]

حضرت حسن رحمہ اللہ اور حضرت عطاء رحمہ اللہ فرماتے ہیں کہ گلا صاف کرکے اسے اپنی آمد کا احساس دلائے۔ [مصنف ابن ابي شيبه/كتاب الطلاق/حدیث: 20050]

حضرت عطاء رحمہ اللہ سے بھی منقول ہے کہ وہ گلا صاف کرنے کی آواز سے اسے (اپنی آمد سے) آگاہ کرے۔ [مصنف ابن ابي شيبه/كتاب الطلاق/حدیث: 20051]

حضرت قتادہ رحمہ اللہ سے سوال کیا گیا کہ اگر کوئی شخص اپنی بیوی کو ایک طلاق دے دے تو کیا اس کے پاس آنے سے پہلے اجازت طلب کرے گا؟ انہوں نے فرمایا کہ ہاں وہ آواز دے اور گلا صاف کرنے کی آواز نکالے۔ [مصنف ابن ابي شيبه/كتاب الطلاق/حدیث: 20052]

حضرت عبد اللہ بن عباس رضی اللہ عنہما فرماتے ہیں کہ اس کے لئے اس عورت کے بال دیکھنا درست نہیں ہے۔ [مصنف ابن ابي شيبه/كتاب الطلاق/حدیث: 20053]