حضرت ربیع بن نعمان اپنی والدہ سے نقل کرتے ہیں کہ قبیلہ بنو لیث کی ایک عورت جس کا نام ام ہارون تھا: اس درمیان کہ وہ بیٹھ کر اپنی قربانی کے جانور کا گوشت کاٹ رہی تھی کہ اچانک ایک کتے نے گھر میں اس گوشت پر دھاوا بول دیا تو اس عورت نے اس پر چھری پھینکی تو اس کا نشانہ خطا ہوگیا اور اس کا ایک بیٹا سامنے آگیا تو وہ چھری اس کے پیٹ میں گھس گئی اور وہ مرگیا تو حضرت علی رضی اللہ عنہ نے اس کی دیت بیت المال سے ادا کی۔ [مصنف ابن ابي شيبه/كتاب الديات/حدیث: 29721]

حضرت خلاس فرماتے ہیں کہ ایک آدمی نے اپنی ماں کو پتھر مار کر اسے قتل کردیا پھر وہ اپنے بھائیوں سے اپنی ماں کی وراثت مانگنے لگا تو اس کے بھائیوں نے کہا: تیرے لیے کوئی وراثت نہیں ہے۔ اور انہوں نے یہ معاملہ حضرت علی رضی اللہ عنہ کے سامنے پیش کردیا آپ نے اس کو وراثت سے نکال دیا اور اس پر دیت لازم کرنے کا فیصلہ فرمایا اور فرمایا: تیری ماں کی جانب سے تیرے حصہ میں وہ پتھر ملے گا۔ [مصنف ابن ابي شيبه/كتاب الديات/حدیث: 29722]

حضرت ابن ابی نجیح، حضرت مجاہد سے نقل کرتے ہیں۔ [مصنف ابن ابي شيبه/كتاب الديات/حدیث: 29723]

اور حضرت عمرو بن شعیب اپنے والد کے واسطہ سے اپنے دادا سے نقل کرتے ہیں۔ [مصنف ابن ابي شيبه/كتاب الديات/حدیث: 29724]

اور حضرت قتادہ، حضرت ابو الملیح سے نقل کرتے ہیں۔ [مصنف ابن ابي شيبه/كتاب الديات/حدیث: 29725]

حضرت عطاء فرماتے ہیں کہ حضرت قتادہ کی ایک ام ولدہ تھیں جو ان کی بکریاں چراتی تھیں اس باندی سے ہونے والے آپ کے بیٹے نے آپ سے کہا: کب تک تم میری ماں کو باندی بنا کر رکھو گے؟ اللہ کی قسم! تم اس کو باندی نہیں بنا سکتے اس مدت سے زیادہ جتنا پہلے تم نے اس کو باندی بنا کر رکھ لیا ہے۔ آپ نے کہا: تو یہاں اسی کی خاطر ہے! پس آپ نے اس بیٹے کو تلوار ماری اور قتل کردیا پھر اس بارے میں حضرت سراقہ بن جعشم نے حضرت عمر کو خط لکھا تو حضرت عمر نے انہیں جواب لکھا: اسے اور ایک سو بیس اونٹوں کو میرے پاس لے آؤ۔ راوی حجاج فرماتے ہیں کہ بعض نے ایک سو چالیس کہا ہے۔ پس آپ نے ان میں سے تیس حقہ، تیس جذعہ اور ثنیہ سے لے کر بازل تک کے چالیس اونٹ لیے، وہ سب حاملہ تھیں۔ پھر آپ نے انہیں اس شخص کے بھائیوں میں تقسیم کردیا اور اسے کسی چیز کا وارث نہیں بنایا۔ [مصنف ابن ابي شيبه/كتاب الديات/حدیث: 29726]

حضرت عوف فرماتے ہیں کہ عمر بن حیان حمانی گھوڑے کی خوب پرورش کرتا تھا اور اس نے اپنے بیٹے کو گھوڑے پر سوار کیا تو وہ نیچے گرگیا اور گھوڑے پر سے پہلو کے بل گرا اور اس کی وفات ہوگئی اور اس کی دیت اس کے خاندان والوں پر ڈالی گئی بصرہ میں زیاد کے زمانہ حکومت میں۔ [مصنف ابن ابي شيبه/كتاب الديات/حدیث: 29727]

حضرت اشعث فرماتے ہیں کہ حضرت ابن سیرین نے ارشاد فرمایا: ایک آدمی نے اپنے بیٹے کو گھوڑے پر سوار کیا تا کہ وہ اس گھوڑے کو نروختگی کے لیے پیش کرے اس نے گھوڑے کی سرین میں کیل چھبوئی اسے تیز دوڑانے کے لیے اور اسے آوازیں لگائیں تو اس نے اس کے بیٹے کو مار دیا۔ پس ان کی دیت کا بار اس کے خاندان والوں پر ڈالا گیا اور باپ کو کسی چیز کا بھی وارث نہیں بنایا۔ [مصنف ابن ابي شيبه/كتاب الديات/حدیث: 29728]

حضرت خلاس فرماتے ہیں کہ دو آدمی حضرت علی رضی اللہ عنہ کے پاس آئے اور انہوں نے ایک آدمی کے خلاف گواہی دی کہ اس نے چوری کی ہے آپ نے اس کا ہاتھ کاٹ دیا۔ پھر وہ دونوں ایک دوسرے آدمی کو لے آئے اور کہنے لگے وہ چو ر تو یہ ہے پس آپ نے ان دونوں پر اس وجہ سے تہمت لگائی اور آپ نے ان دونوں کو پہلے شخص کی دیت کا ضامن بنایا۔ [مصنف ابن ابي شيبه/كتاب الديات/حدیث: 29729]

حضرت حیی بن یعلی رحمہ اللہ بیان کرتے ہیں کہ ایک آدمی حضرت یعلی رضی اللہ عنہ کے پاس آیا اور آپ سے کہا مجھے مارنے والا یہ شخص ہے تو حضرت یعلی رضی اللہ عنہ نے وہ آدمی اس کے حوالہ کردیا ان لوگوں نے اس کو اپنی تلواروں سے خوب مارا یہاں تک کہ وہ سمجھے کہ انہوں نے اس کو ماردیا ہے حالانکہ اس میں زندگی کی رمق باقی تھی پس اس کے گھر والوں نے اس کو لے لیا اور اس کا علاج کروایا یہاں تک کہ وہ تندرست ہوگیا۔ حضرت یعلی رضی اللہ عنہ آئے اور فرمایا: کیا میں نے اسے تمہارے حوالہ نہیں کردیا تھا؟ تو اس نے آپ کو اس کے بارے میں خبر دی حضرت یعلی رضی اللہ عنہ نے اس کو بلایا تو آپ نے اسے اپاہج پایا پھر اس کے زخموں کا حساب لگایا گیا تو انہوں نے ان میں پوری دیت پائی تو حضرت یعلی رضی اللہ عنہ نے اس شخص سے کہا: اگر تو چاہے تو اس کو اس کی دیت ادا کردے اور اسے قتل کردے وگرنہ اس کو چھوڑ دو پس وہ شخص حضرت عمر سے ملا اور حضرت یعلی رضی اللہ عنہ کے خلاف آپ سے مدد چاہی لیکن حضرت عمر اور حضرت علی رضی اللہ عنہ ان دونوں حضرات نے حضرت یعلی رضی اللہ عنہ کے فیصلہ پر اتفاق کیا کہ اس بچنے والے کو پہلے دیت ادا کی جائے اور اس کو قتل کردیا جائے یا اس کو چھوڑ دو اور قتل مت کرو۔ اور حضرت عمر نے حضرت یعلی رضی اللہ عنہ سے فرمایا: یقینا تم تو قاضی ہو پھر آپ نے ان کو ان کے کام کی طرف واپس لوٹا دیا۔ [مصنف ابن ابي شيبه/كتاب الديات/حدیث: 29730]