حضرت ابن عمر رضی اللہ عنہما سے { أَوْ خَلْقًا مِمَّا یَکْبُرُ فِی صُدُورِکُمْ } کے بارے میں روایت ہے۔ آپ رضی اللہ عنہ نے فرمایا: موت۔ اگر تم موت ہوتے تو میں تمہیں زندہ کردیتا۔ [مصنف ابن ابي شيبه/كتاب الزهد/حدیث: 37364]

حضرت ابن عمر رضی اللہ عنہما سے { فَلاَ اقْتَحَمَ الْعَقَبَۃَ } کے بارے میں روایت ہے۔ آپ نے فرمایا: یہ جہنم میں ایک پھسلنے والا پہاڑ ہے۔ [مصنف ابن ابي شيبه/كتاب الزهد/حدیث: 37365]

حضرت نافع، حضرت ابن عمر رضی اللہ عنہما کے بارے میں روایت کرتے ہیں کہ آپ جب بھی یہ آیت پڑھتے تو رو پڑتے: {إِنْ تُبْدُوا مَا فِی أَنْفُسِکُمْ أَوْ تُخْفُوہُ یُحَاسِبْکُمْ بِہِ اللَّہُ }۔ [مصنف ابن ابي شيبه/كتاب الزهد/حدیث: 37366]

حضرت ابن عمر رضی اللہ عنہما نے فرمایا: تم خیر کا مظاہرہ کرو۔ شر کا مظاہرہ نہ کرو۔ [مصنف ابن ابي شيبه/كتاب الزهد/حدیث: 37367]

حضرت ابن عمر رضی اللہ عنہما سے وَبِالأَسْحَارِ ہُمْ یَسْتَغْفِرُونَ کے بارے میں روایت ہے۔ فرمایا: وہ لوگ نماز پڑھتے ہیں۔ [مصنف ابن ابي شيبه/كتاب الزهد/حدیث: 37368]

حضرت نافع سے روایت ہے وہ کہتے ہیں کہ حضرت ابن عمر رضی اللہ عنہما خاص اپنی ذات کے لیے ایک کام کرتے تھے جو آپ عام لوگوں میں نہیں کرتے تھے۔ [مصنف ابن ابي شيبه/كتاب الزهد/حدیث: 37369]

محمد سے روایت ہے کہ حضرت ابن عمر رضی اللہ عنہما رات کے وقت جب بھی بیدار ہوتے تو نماز پڑھتے۔ [مصنف ابن ابي شيبه/كتاب الزهد/حدیث: 37370]

حضرت میمون سے روایت ہے کہتے ہیں کہ حضرت ابن عمر رضی اللہ عنہما سے کہا گیا۔ حضرت زید بن حارثہ فوت ہوئے اور انہوں نے ایک لاکھ درہم چھوڑے۔ آپ رضی اللہ عنہ نے فرمایا: لیکن تم ایک لاکھ درہم مت چھوڑنا۔ [مصنف ابن ابي شيبه/كتاب الزهد/حدیث: 37371]

حضرت عبداللہ بن عمر رضی اللہ عنہ نے یہ آیت پڑھی: { أَلَمْ یَأْنِ لِلَّذِینَ آمَنُوا أَنْ تَخْشَعَ قُلُوبُہُمْ لِذِکْرِ اللہِ } تو روپڑے۔ [مصنف ابن ابي شيبه/كتاب الزهد/حدیث: 37372]

حضرت ابن عمر رضی اللہ عنہما کے بارے میں روایت ہے کہ وہ مکہ کے راستہ پر چل رہے تھے کہ انہوں نے اپنی سواری کے سر کو جھکایا اور فرمایا: شاید کہ نشان پر نشان آجائے یعنی جناب نبی کریم صلی اللہ علیہ وآلہ وسلم کی سواری کا نشان۔ [مصنف ابن ابي شيبه/كتاب الزهد/حدیث: 37373]