حضرت مجمع بن جاریہ سے روایت ہے کہ نبی صلی اللہ علیہ وآلہ وسلم نے ارشاد فرمایا دجال کو حضرت عیسیٰ بن مریم باب لد پر قتل کریں گے۔ [مصنف ابن ابي شيبه/كتاب الفتن/حدیث: 40322]

حضرت عبداللہ بن مسعود سے روایت ہے انہوں نے فرمایا کہ بلاشبہ دجال کے گدھے کے کان ستر ہزار کو ڈھانپ لیں گے۔ [مصنف ابن ابي شيبه/كتاب الفتن/حدیث: 40323]

حضرت ابو الطفیل نبی صلی اللہ علیہ وآلہ وسلم کے اصحاب میں سے ایک صحابی سے نقل کرتے ہیں انہوں نے فرمایا کہ دجال گدھے پر سوار ہوکر نکلے گا گندگی پر گندگی ہوگی۔ [مصنف ابن ابي شيبه/كتاب الفتن/حدیث: 40324]

حضرت عبید بن عمیر سے روایت ہے انہوں نے فرمایا کہ رسول اللہ صلی اللہ علیہ وآلہ وسلم نے ارشاد فرمایا دجال کے ساتھ کچھ لوگ ہوجائیں گے وہ کہیں گے ہم اس کے ساتھ ہوتے ہیں ہم جانتے ہیں کہ وہ جھوٹا ہے لیکن ہم تو اس کے ساتھ اس وجہ سے ہوتے ہیں کہ ہم کھانا کھائیں اور درختوں سے چرائں م اور جب اللہ کا غضب اترے گا تو ان سب پر اترے گا۔ [مصنف ابن ابي شيبه/كتاب الفتن/حدیث: 40325]

حضرت عبداللہ بن مسعود سے روایت ہے انہوں نے فرمایا دجال مقام کو ثی سے نکلے گا۔ [مصنف ابن ابي شيبه/كتاب الفتن/حدیث: 40326]

حضرت عبداللہ بن مسعود سے روایت ہے فرمایا کہ میں پہلے ان گھر والوں کو جانتا ہوں جن کا دروازہ دجال کھٹکائے گا تم اے کوفہ والے۔ [مصنف ابن ابي شيبه/كتاب الفتن/حدیث: 40327]

حضرت خیثمہ سے روایت ہے انہوں نے فرمایا لوگوں نے کہا اگر دجال نکلے گا تو ہم اس کے ساتھ ایسے کریں گے حضرت عبداللہ نے فرمایا اگر وہ بابل میں ہوگا تو تم شکایت کرو گے پاؤں کے گھسنے کی، تیزی کی وجہ سے۔ [مصنف ابن ابي شيبه/كتاب الفتن/حدیث: 40328]

حضرت عبداللہ بن سلام سے روایت ہے انہوں نے فرمایا یاجوج اور ماجوج میں کوئی بھی نہیں مرے گا مگر وہ اپنی ایک ہزار صلبی اولاد چھوڑے گا۔ [مصنف ابن ابي شيبه/كتاب الفتن/حدیث: 40329]

حضرت حذیفہ رضی اللہ عنہ بن اسید غفاری سے روایت ہے فرمایا کہ رسول اللہ صلی اللہ علیہ وآلہ وسلم نے اپنے کمرے سے ہماری طرف جھانکا اس حال میں کہ ہم قیامت کا تذکرہ کر رہے تھے حضور صلی اللہ علیہ وآلہ وسلم نے ارشاد فرمایا قیامت قائم نہیں ہوگی یہاں تک کہ دس نشانیاں وقوع پذیر ہوں دجال اور دھواں اور سورج کا مغرب سے طلوع ہونا اور زمین سے چوپایہ نکلے گا اور یاجوج وماجوج اور ایک دھنسانا مشرق میں ہوگا دوسرا مغرب میں ہوگا اور تیسرا دھنسانا جزیرۃ العرب میں ہوگا اور آگ نکلے گی مقام عدن میں زمین کی گہرائی سے جو لوگوں کو محشر کی طرف ہانکے گی وہ آگ ان کے ساتھ اترے گی جب وہ کسی مقام پر (پراؤ کے لیے) اتریں گے اور ان کے ساتھ دو پہر کا آرام کرے گی جب وہ دوپہر کو آرام کریں گے۔ [مصنف ابن ابي شيبه/كتاب الفتن/حدیث: 40330]

حضرت ابو سعید خدری سے روایت ہے کہ نبی صلی اللہ علیہ وآلہ وسلم نے ارشاد فرمایا بیت اللہ کا حج اور عمرہ یاجوج وماجوج کے نکلنے کے بعد (بھی) ہوگا۔ [مصنف ابن ابي شيبه/كتاب الفتن/حدیث: 40331]