اللہ تعالیٰ کے اس فرمان کے متعلق کہ: ”اور جب ابراہیم اور اسماعیل خانہ خدا کی بنیادیں اٹھا رہے تھے (اور التجا کر رہے تھے کہ) اے ہمارے پروردگار! ہم سے (یہ خدمت) قبول فرما، بے شک تو ہی خوب سننے والا اور سب کچھ جاننے والا ہے“۔

اللہ تعالیٰ کے اس قول کے بیان میں کہ ”اے ہمارے رب! اور ان میں خود انہی میں سے ایک ایسا رسول مبعوث فرما جو ان کے سامنے تیری آیات کی تلاوت کرے، انہیں کتاب و حکمت کی تعلیم دے اور ان کا تزکیہ کرے، بے شک تو ہی نہایت زبردست اور بڑی حکمت والا ہے“۔

اللہ تعالیٰ کے اس ارشاد کے بیان میں کہ: ”بھلا کیا تم اس وقت موجود تھے جب یعقوب کی موت کا وقت قریب آیا، جب انہوں نے اپنے بیٹوں سے پوچھا کہ تم میرے بعد کس کی عبادت کرو گے؟ تو انہوں نے جواب دیا کہ ہم آپ کے معبود اور آپ کے آبا و اجداد ابراہیم، اسماعیل اور اسحاق کے معبود، یعنی اسی ایک معبودِ برحق کی عبادت کریں گے اور ہم اسی کے اطاعت گزار ہیں۔“

اللہ تعالیٰ کے اس ارشاد کا بیان کہ: ”تم کہو کہ ہم اللہ پر ایمان لائے اور اس وحی پر جو ہماری طرف نازل کی گئی اور اس پر جو ابراہیم، اسماعیل، اسحاق، یعقوب اور ان کی اولاد کی طرف نازل کی گئی اور اس پر جو موسیٰ اور عیسیٰ کو عطا کی گئی اور جو کچھ تمام انبیاء کو ان کے رب کی طرف سے عطا کیا گیا، ہم ان میں سے کسی کے درمیان بھی (ایمان لانے میں) کوئی تفریق نہیں کرتے اور ہم اسی کے فرمانبردار ہیں۔“

اللہ تعالیٰ کا ارشاد ہے: ”عنقریب لوگوں میں سے نادان کہیں گے کہ انہیں ان کے اس قبلے سے کس چیز نے پھیر دیا جس پر وہ پہلے کاربند تھے؟ آپ فرما دیجیے کہ مشرق اور مغرب سب اللہ ہی کا ہے، وہ جسے چاہتا ہے صراطِ مستقیم کی طرف ہدایت عطا فرماتا ہے، اور اسی طرح ہم نے تمہیں ایک معتدل اور بہترین امت بنایا تاکہ تم لوگوں پر گواہ بنو اور یہ رسول (ﷺ) تم پر گواہ ہوں، اور جس قبلے پر آپ پہلے تھے اسے ہم نے محض اس لیے مقرر کیا تھا تاکہ ہم (اعلاناً) جان لیں کہ کون رسول کی پیروی کرتا ہے اور کون اپنے الٹے پاؤں پھر جاتا ہے، اور بلاشبہ یہ بات بہت بھاری تھی مگر ان لوگوں پر نہیں جنہیں اللہ نے ہدایت بخشی، اور اللہ کی یہ شان نہیں کہ تمہارے ایمان (نمازوں) کو ضائع کر دے، بے شک اللہ لوگوں پر نہایت شفقت فرمانے والا اور رحم کرنے والا ہے، یقیناً ہم آپ کے چہرے کا بار بار آسمان کی طرف اٹھنا دیکھ رہے ہیں، سو ہم ضرور بالضرور آپ کو اس قبلے کی طرف پھیر دیں گے جسے آپ پسند کرتے ہیں، پس اب آپ اپنا رخ مسجدِ حرام کی طرف پھیر لیں، اور (اے مسلمانو!) تم جہاں کہیں بھی ہو اپنے چہرے اسی کی سمت پھیر لیا کرو، اور جن لوگوں کو کتاب دی گئی ہے وہ یقیناً جانتے ہیں کہ یہ ان کے رب کی طرف سے برحق ہے، اور اللہ ان کے کاموں سے غافل نہیں ہے“۔