(نبی کریم صلی اللہ علیہ وسلم نے فرمایا:)
”مجھے جوامع الکلم (یعنی وہ جامع کلمات جن کے الفاظ مختصر اور معانی وسیع ہوں) دے کر بھیجا گیا ہے اور (دشمن پر) رعب کے ذریعے میری مدد کی گئی ہے، اور اسی دوران کہ میں سویا ہوا تھا، مجھے زمین کے خزانوں کی چابیاں لا کر میرے ہاتھ میں رکھ دی گئیں۔“ [صحيح الجامع الصغير وزيادته/حرف الباء/حدیث: 2830]

(نبی کریم صلی اللہ علیہ وسلم نے فرمایا:)
”مجھے قیامت سے کچھ پہلے تلوار دے کر مبعوث کیا گیا ہے یہاں تک کہ صرف ایک اللہ تعالیٰ کی عبادت کی جائے جس کا کوئی شریک نہیں، اور میرا رزق میرے نیزے کے سائے تلے رکھا گیا ہے، اور جو میرے حکم کی مخالفت کرے اس پر ذلت اور رسوائی مسلط کر دی گئی ہے، اور جو شخص کسی قوم کی مشابہت اختیار کرے تو وہ انہی میں سے ہے۔“ [صحيح الجامع الصغير وزيادته/حرف الباء/حدیث: 2831]

(نبی کریم صلی اللہ علیہ وسلم نے فرمایا:)
”میں قیامت کی ہواؤں (یعنی قیامت کے بالکل قریب کے وقت) میں مبعوث کیا گیا ہوں۔“ [صحيح الجامع الصغير وزيادته/حرف الباء/حدیث: 2832]

(نبی کریم صلی اللہ علیہ وسلم نے فرمایا:)
”مجھے تو بس اس لیے بھیجا گیا ہے تاکہ میں اچھے اخلاق کی تکمیل کروں۔“ [صحيح الجامع الصغير وزيادته/حرف الباء/حدیث: 2833]

(نبی کریم صلی اللہ علیہ وسلم نے فرمایا:)
”مجھے بنی آدم کے بہترین زمانوں میں یکے بعد دیگرے بھیجا گیا (یعنی میرا نور بہترین نسلوں میں منتقل ہوتا رہا)، یہاں تک کہ میں اس زمانے میں مبعوث ہوا جس میں اب میں موجود ہوں۔“ [صحيح الجامع الصغير وزيادته/حرف الباء/حدیث: 2834]

(نبی کریم صلی اللہ علیہ وسلم نے فرمایا:)
”افطار کرنے میں جلدی کیا کرو اور سحری کو مؤخر کرو (یعنی دیر سے کھایا کرو)۔“ [صحيح الجامع الصغير وزيادته/حرف الباء/حدیث: 2835]

(نبی کریم صلی اللہ علیہ وسلم نے فرمایا:)
”بلکہ اللہ تعالیٰ ہی (قیمتوں کو) کم کرنے والا اور بڑھانے والا ہے، اور میں یہ امید رکھتا ہوں کہ میں اللہ تعالیٰ سے اس حال میں ملوں کہ تم میں سے کسی کا مجھ پر کوئی ظلم (یا حق) باقی نہ ہو۔“ [صحيح الجامع الصغير وزيادته/حرف الباء/حدیث: 2836]

(نبی کریم صلی اللہ علیہ وسلم نے فرمایا:)
”میری طرف سے (لوگوں تک) پہنچا دو خواہ وہ ایک آیت ہی ہو، اور بنی اسرائیل کے واقعات بیان کرو اس میں کوئی حرج نہیں، اور جس نے جان بوجھ کر مجھ پر جھوٹ باندھا تو وہ اپنا ٹھکانہ جہنم کی آگ میں بنا لے۔“ [صحيح الجامع الصغير وزيادته/حرف الباء/حدیث: 2837]

(نبی کریم صلی اللہ علیہ وسلم نے فرمایا:)
”اپنے رشتوں کو (صلہ رحمی کی تری سے) تر رکھو، خواہ یہ محض سلام کے ذریعے ہی کیوں نہ ہو۔“ [صحيح الجامع الصغير وزيادته/حرف الباء/حدیث: 2838]

(نبی کریم صلی اللہ علیہ وسلم نے فرمایا:)
”بنو ہاشم اور بنو مطلب (مرتبے اور حکم میں) ایک ہی ہیں۔“ [صحيح الجامع الصغير وزيادته/حرف الباء/حدیث: 2839]