حضرت عبداللہ بن ابی اوفیٰ رضی اللہ عنہما سے روایت ہے، انہوں نے فرمایا: نبی کریم صلی اللہ علیہ وسلم کی عادت مبارکہ تھی کہ جب کوئی آپ صلی اللہ علیہ وسلم کے پاس صدقہ لاتا تو آپ صلی اللہ علیہ وسلم اس کے لیے یوں دعا کرتے: «اللَّهُمَّ صَلِّ عَلَى فُلَانٍ» ”اے اللہ! فلاں پر مہربانی فرما۔“ چنانچہ میرے والد گرامی آپ صلی اللہ علیہ وسلم کے پاس صدقہ لے کر آئے تو آپ صلی اللہ علیہ وسلم نے دعا فرمائی: «اللَّهُمَّ صَلِّ عَلَى آلِ أَبِي أَوْفَى» ”اے اللہ! ابو اوفیٰ کی آل اولاد پر مہربانی فرما۔“ [صحيح البخاري/كِتَاب الزَّكَاة/حدیث: 1497]