محمد سے لکڑی کے ذریعے ذبح کردہ جانور کے بارے میں سوال کیا گیا تو آپ نے فرمایا کہ جب تک لکڑی نے جانور کو کچلا نہ ہو اسے کھالو۔ [مصنف ابن ابي شيبه/كتاب الصيد/حدیث: 21005]

حضرت ابن عباس رضی اللہ عنہما فرماتے ہیں کہ ذبح حلق اور شہ رگ کاٹنا ہے۔ [مصنف ابن ابي شيبه/كتاب الصيد/حدیث: 21006]

حضرت داود بن ابی عاصم فرماتے ہیں کہ پانی کے گھاٹوں میں سے ایک گھاٹ میں ایک اونٹ گر گیا اور لوگ اسے نحر نہ کرسکے۔ لوگوں نے حضرت سعید بن مسیب سے اس بارے میں سوال کیا تو انہوں نے فرمایا کہ حضرت ابراہیم (علیہ السلام) کے منحر کے سوا کوئی منحر نہیں ہے۔ [مصنف ابن ابي شيبه/كتاب الصيد/حدیث: 21007]

حضرت عطاء فرماتے ہیں کہ منحر اور مذبح کے علاوہ کہیں نحر نہیں ہے۔ [مصنف ابن ابي شيبه/كتاب الصيد/حدیث: 21008]

حضرت ابن فرافصہ کہتے ہیں کہ حضرت فرافصہ حضرت عمر رضی اللہ عنہ کے پاس تھے۔ حضرت عمر رضی اللہ عنہ نے اپنے منادی کو حکم دیا کہ لوگوں میں یہ اعلان کرو کہ نحر شہ رگ اور حلق میں اس کے لیے ہے جو اس کی طاقت رکھے۔ جانور کے جسم کو روح نکلنے تک چھوڑے رکھو۔ [مصنف ابن ابي شيبه/كتاب الصيد/حدیث: 21009]

حضرت ابن ابی نجیح فرماتے ہیں کہ ایک آدمی نے بکری کو گدی کی جانب سے ذبح کیا تو حضرت عطاء نے اس کے کھانے کو مکروہ قرار دیا۔ [مصنف ابن ابي شيبه/كتاب الصيد/حدیث: 21010]

بنو حارثہ کے ایک بزرگ فرماتے ہیں کہ ایک چشمہ میں ایک اونٹ پھنس گیا، لوگوں نے اس بارے میں نبی کریم صلی اللہ علیہ وآلہ وسلم سے سوال کیا تو آپ نے فرمایا کہ اسے نیزہ مار کر کھالو۔ [مصنف ابن ابي شيبه/كتاب الصيد/حدیث: 21011]

حضرت مسروق فرماتے ہیں کہ ایک اونٹ کنویں میں اس طرح گرا کہ اس کا نچلا حصہ اوپر ہوگیا۔ حضرت علی رضی اللہ عنہ نے فرمایا کہ اس کے اعضا کو کاٹو اور اسے کھالو۔ [مصنف ابن ابي شيبه/كتاب الصيد/حدیث: 21012]

حضرت سعید بن مسیب فرماتے ہیں کہ اگر اونٹ کنویں میں گرجائے تو جیسے ممکن ہو بسم اللہ پڑھ کر اسے نیزہ مار دیا جائے۔ [مصنف ابن ابي شيبه/كتاب الصيد/حدیث: 21013]

حضرت ابو العشراء کے والد فرماتے ہیں کہ میں نے عرض کیا: اے اللہ کے رسول! کیا ذبح کے لیے حلق اور شہ رگ کاٹنا ضروری ہے؟ آپ نے فرمایا کہ اگر تم اس کی ران میں نیزہ مار دو تو بھی کافی ہے۔ [مصنف ابن ابي شيبه/كتاب الصيد/حدیث: 21014]