حضرت ہشام فرماتے ہیں کہ حضرت حسن اور حضرت محمد یہ دونوں حضرات اپنی مونچھوں کو مبالغہ کے ساتھ کاٹتے تھے۔ [مصنف ابن ابي شيبه/ كتاب الأدب/حدیث: 27144]

حضرت یحییٰ بن سعید فرماتے ہیں کہ میں نے حضرت عبد اللہ کو مونچھ کاٹنے میں مبالغہ کرتے ہوئے دیکھا۔ [مصنف ابن ابي شيبه/ كتاب الأدب/حدیث: 27145]

حضرت عبید اللہ بن ابی رافع فرماتے ہیں میں نے حضرت ابوسعید اور حضرت رافع بن خدیج، حضرت سلمہ بن اکوع، حضرت ابن عمر رضی اللہ عنہما، حضرت جابر بن عبد اللہ رضی اللہ عنہ اور حضرت ابو اسید کو دیکھا یہ سب حضرات اپنی مونچھوں کو بالکل سرے سے کٹوا دیتے مونڈنے کی طرح۔ [مصنف ابن ابي شيبه/ كتاب الأدب/حدیث: 27146]

حضرت مکحول فرماتے ہیں کہ حضرت عبد اللہ بن عمرو رضی اللہ عنہ نے ارشاد فرمایا: ہمیں حکم دیا گیا ہے کہ ہم اپنی مونچھیں کٹوا دیں یہاں تک کہ جلد بالکل واضح نظر آئے۔ [مصنف ابن ابي شيبه/ كتاب الأدب/حدیث: 27147]

حضرت عبد العزیز بن عمر فرماتے ہیں کہ حضرت عمر بن عبد العزیز سے پوچھا گیا: مونچھ کے کاٹنے میں سنت طریقہ کیا ہے؟ آپ نے فرمایا: اتنی کاٹو کہ ہونٹ کا کنارہ ظاہر ہوجائے اور مونچھوں کا جو حصہ زائد ہو اس کو کاٹ لو۔ [مصنف ابن ابي شيبه/ كتاب الأدب/حدیث: 27148]

حضرت میمون فرماتے ہیں کہ حضرت ابن عمر رضی اللہ عنہما اپنی مونچھوں کو چوڑائی میں نکالتے اور پھر ان کو کاٹ دیتے جیسے بکری کے بال کاٹے جاتے ہیں۔ [مصنف ابن ابي شيبه/ كتاب الأدب/حدیث: 27149]

حضرت عبید اللہ بن عبد اللہ بن عتبہ فرماتے ہیں کہ اہل مجوس میں سے ایک آدمی رسول اللہ صلی اللہ علیہ وآلہ وسلم کی خدمت میں آیا، اس نے اپنی داڑھی کو حلق کروایا ہوا تھا اور مونچھوں کو لمبا کیا ہو اتھا۔ نبی کریم صلی اللہ علیہ وآلہ وسلم نے اس سے پوچھا: یہ کیا ہے؟ اس نے کہا: ہمارے دین میں ایسا ہی ہے، آپ صلی اللہ علیہ وآلہ وسلم نے فرمایا: لیکن ہمارے دین میں طریقہ یہ ہے کہ ہم مونچھ کو کاٹ دیں اور داڑھی کو بڑھائیں۔ [مصنف ابن ابي شيبه/ كتاب الأدب/حدیث: 27150]

حضرت عکرمہ فرماتے ہیں کہ حضرت ابن عباس رضی اللہ عنہما نے ارشاد فرمایا: مونچھ کا چھانٹنا دین میں سے ہے۔ [مصنف ابن ابي شيبه/ كتاب الأدب/حدیث: 27151]

حضرت عکرمہ فرماتے ہںِ کہ رسول اللہ صلی اللہ علیہ وآلہ وسلم اپنی مونچھ یا فرمایا اپنی مونچھوں کو کاٹ لیتے تھے۔ [مصنف ابن ابي شيبه/ كتاب الأدب/حدیث: 27152]

حضرت ابو الزبیر فرماتے ہیں کہ حضرت جابر نے ارشاد فرمایا: ہمیں حکم دیا جاتا تھا کہ ہم داڑھی کے اگلے حصّہ کے بالوں کو بڑھائیں اور مونچھوں کو چھانٹیں۔ [مصنف ابن ابي شيبه/ كتاب الأدب/حدیث: 27153]