حضرت ابن ابی ذئب فرماتے ہیں حضرت زہری نے ارشاد فرمایا: قسامت کی وجہ سے قتل نہیں کیا جاسکتا مگر ایک شخص کو۔ [مصنف ابن ابي شيبه/كتاب الديات/حدیث: 29661]

حضرت ابو قلابہ فرماتے ہیں کہ حضرت عمر بن عبدالعزیز نے ایک دن اپنا تخت لوگوں کے لیے ظاہر کیا پھر انہیں اجازت دی تو وہ اندر آگئے پھر آپ نے پوچھا: تم لوگ قسامۃ کے بارے میں کیا کہتے ہو؟ پس لوگوں نے غور و فکر کیا اور کہنے لگے: قسامت کے ذریعہ قصاص لینا حق ہے اور تحقیق خلفاء نے اس کے ذریعہ قصاص لیا ہے۔ [مصنف ابن ابي شيبه/كتاب الديات/حدیث: 29662]

حضرت سلیمان بن یسار فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: تمہارے علاوہ دو گواہ ضروری ہیں۔ [مصنف ابن ابي شيبه/كتاب الديات/حدیث: 29663]

حضرت مسعودی فرماتے ہیں کہ حضرت قاسم نے ارشاد فرمایا: دو آدمی کوفہ سے حضرت عمر بن خطاب کے پاس آئے ان دونوں نے آپ کو بیت اللہ سے جاتے ہوئے پایا۔ وہ دونوں کہنے لگے، اے امیرالمومنین! ہمارے چچا کے بیٹے کو قتل کردیا گیا ہے اس حال میں کہ ہم اس کے خون میں بالکل برابر ہیں اور آپ ان دونوں سے خاموش رہے اور فرمایا: تم دونوں دو عادل گواہ لاؤ اس شخص کے خلاف جس نے اسے قتل کیا پس میں تمہیں اس سے قصاص دلوادوں گا۔ [مصنف ابن ابي شيبه/كتاب الديات/حدیث: 29664]

حضرت فضیل فرماتے ہیں کہ حضرت ابراہیم نے ارشاد فرمایا: خون پر دو گواہوں کا ہونا ضروری ہے۔ [مصنف ابن ابي شيبه/كتاب الديات/حدیث: 29665]

حضرت اشعث فرماتے ہیں کہ حضرت حسن بصری نے ارشاد فرمایا: قصاص میں جائز نہیں مگر چار لوگوں کی گواہی۔ [مصنف ابن ابي شيبه/كتاب الديات/حدیث: 29666]

حضرت مطرف فرماتے ہیں کہ حضرت شعبی نے ارشاد فرمایا: دو گواہ ہیں۔ [مصنف ابن ابي شيبه/كتاب الديات/حدیث: 29667]

حضرت حماد فرماتے ہیں کہ حضرت ابراہیم نے ارشاد فرمایا: جب تک قسم انتہاء کونہ پہنچ جائے تو تم تکرار کرو یہاں تک کہ وہ پچاس قسمیں اٹھا لیں۔ [مصنف ابن ابي شيبه/كتاب الديات/حدیث: 29668]

حضرت محمد بن سیرین فرماتے ہیں کہ حضرت شریح نے ارشاد فرمایا: قسامت کا موقع آیا اور لوگوں نے پچاس قسمیں پور ی نہیں کیں تو آپ نے ان پر قسمیں لوٹائیں یہاں تک کہ انہوں نے پوری کیں۔ [مصنف ابن ابي شيبه/كتاب الديات/حدیث: 29669]

حضرت ابن سیرین فرماتے ہیں کہ حضرت شریح نے ارشاد فرمایا: جب وہ لوگ پچاس سے کم ہوں تو ان پر قسمیں لوٹائی جائیں گی۔ [مصنف ابن ابي شيبه/كتاب الديات/حدیث: 29670]