حضرت انس رضی اللہ عنہ فرماتے ہیں کہ حضرت ربیع اور حضرت حسن دونوں حضرات ناپسند کرتے تھے: کہ آدمی کی دعا کو اس کا ہمنشین بھی سن لے۔ [مصنف ابن ابي شيبه/كتاب الدعاء/حدیث: 31649]

حضرت ربیع حسن سے نقل کرتے ہیں کہ ان دونوں نے اس بات کو ناپسند کیا کہ آدمی اپنے پاس بیٹھنے والے کو دعا میں سے کچھ سنائے۔ [مصنف ابن ابي شيبه/كتاب الدعاء/حدیث: 31650]

حضرت مبارک فرماتے ہیں کہ حضرت حسن نے ارشاد فرمایا: صحابہ دعا میں بہت زیادہ کوشش کرتے تھے۔ اور نہیں سنائی دیتی تھی مگر سرگوشی۔ [مصنف ابن ابي شيبه/كتاب الدعاء/حدیث: 31651]

حضرت سھل بن سعد فرماتے ہیں کہ میں نے نہیں دیکھا رسول اللہ صلی اللہ علیہ وآلہ وسلم کو اپنے ہاتھوں کو دعا میں بلند کرتے ہوئے منبر پر اور نہ ہی اس کے علاوہ، اور البتہ میں نے دیکھا کہ آپ کے دونوں ہاتھ کندھوں کے برابر تھے دعا کرتے ہوئے۔ [مصنف ابن ابي شيبه/كتاب الدعاء/حدیث: 31652]

حضرت انس رضی اللہ عنہ فرماتے ہیں کہ نبی کریم صلی اللہ علیہ وآلہ وسلم کسی بھی دعا میں اپنے ہاتھوں کو بلند نہیں کرتے تھے سوائے استسقاء کی دعا کے۔ [مصنف ابن ابي شيبه/كتاب الدعاء/حدیث: 31653]

حضرت جابر بن سمرہ فرماتے ہیں کہ رسول اللہ صلی اللہ علیہ وآلہ وسلم ہم پر تشریف لائے اور فرمایا: مجھے کیا ہوا کہ میں تمہارے ہاتھوں کو اٹھتا ہوا دیکھتا ہوں بدکے ہوئے گھوڑوں کی دموں کی طرح؟ تم نماز میں سکون سے رہو۔ [مصنف ابن ابي شيبه/كتاب الدعاء/حدیث: 31654]

حضرت ابو برزہ فرماتے ہیں کہ نبی کریم صلی اللہ علیہ وآلہ وسلم نے دو آدمیوں کے خلاف بد دعا فرمائی تو اپنے ہاتھوں کو بلند کیا۔ [مصنف ابن ابي شيبه/كتاب الدعاء/حدیث: 31655]

حضرت عبد الرحمن بن سمرہ فرماتے ہیں کہ نبی کریم صلی اللہ علیہ وآلہ وسلم نے سورج گرہن کی نماز کے دوران اپنے دونوں ہاتھوں کو بلند کیا۔ [مصنف ابن ابي شيبه/كتاب الدعاء/حدیث: 31656]

حضرت حمید فرماتے ہیں کہ حضرت انس سے پوچھا گیا: کیا رسول اللہ صلی اللہ علیہ وآلہ وسلم اپنے دونوں ہاتھوں کو اٹھاتے تھے یعنی دعا میں؟ تو آپ نے ارشاد فرمایا: جی ہاں! لوگوں نے جمعہ کے دن آپ صلی اللہ علیہ وآلہ وسلم سے شکایت کی۔ پس وہ کہنے لگے! اے اللہ کے رسول (صلی اللہ علیہ وآلہ وسلم)! بارش روک دی گئی اور زمین خشک ہوگئی اور مال مویشی ہلاک ہوگئے۔ حضرت انس رضی اللہ عنہ فرماتے ہیں: پس آپ صلی اللہ علیہ وآلہ وسلم نے اپنے ہاتھوں کو بلند کیا۔ یہاں تک کہ میں نے آپ صلی اللہ علیہ وآلہ وسلم کی بغلوں کی سفیدی کو دیکھ لیا۔ [مصنف ابن ابي شيبه/كتاب الدعاء/حدیث: 31657]

حضرت انس رضی اللہ عنہ فرماتے ہیں کہ میں نے رسول اللہ صلی اللہ علیہ وآلہ وسلم کو دیکھا کہ آپ صلی اللہ علیہ وآلہ وسلم نے دعا میں اپنے دونوں ہاتھوں کو بلند کیا یہاں تک کہ آپ صلی اللہ علیہ وآلہ وسلم کی بغلوں کی سفیدی دکھائی دینے لگی۔ [مصنف ابن ابي شيبه/كتاب الدعاء/حدیث: 31658]