الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
مسند الشهاب
احادیث801 سے 1000 602. لَا تَحْقِرَنَّ مِنَ الْمَعْرُوفِ شَيْئًا نیکی کے کسی بھی کام کو ہرگز نہ حقیر سمجھو
سیدنا ابوجری ہجیمی رضی اللہ عنہ کہتے ہیں کہ میں نے کہا: اللہ کے رسول! ہم دیہاتی لوگ ہیں آپ ہمیں کوئی عمل سکھائیں شاید اس کے ذریعے اللہ تعالیٰ ٰ ہمیں نفع پہنچا دے۔ آپ صلی اللہ علیہ وسلم نے فرمایا: ”نیکی کے کسی بھی کام کو ہرگز نہ حقیر سمجھو۔“
تخریج الحدیث: «إسناده صحيح، وأخرجه ابن حبان فى «صحيحه» برقم: 521، 522، والحاكم فى «مستدركه» برقم: 7475، والنسائي فى «الكبریٰ» برقم: 9611، وأبو داود فى «سننه» برقم: 4075، 4084، 5209، والترمذي فى «جامعه» برقم: 2721، 2722، وأحمد فى «مسنده» برقم: 16201»
وضاحت:
تشریح: - ”نیکی کے کسی بھی کام کو حقیر نہ سمجھو۔“ معروف دراصل اس کام کو کہا جاتا ہے جو شرعی لحاظ سے پسندیدہ ہو۔ ایسا کام دیکھنے میں خواہ کتنا ہی چھوٹا اور معمولی کیوں نہ ہو، اسے حقیر سمجھ کر چھوڑنا نہیں چاہیے۔ ہم نے بعض اللہ والوں سے سنا ہے کہ کسی بھی نیکی کو معمولی سمجھ کر ہرگز نہ چھوڑ وممکن ہے کہ وہ معمولی سی نیکی ہی تمہاری نجات کا ذریعہ بن جائے اور کسی بھی گناہ کو معمولی سمجھ کر مت کرو ممکن ہے کہ وہ معمولی سا گناہ تمہاری پکڑ کا باعث بن جائے۔ |
http://islamicurdubooks.com/ 2005-2023 islamicurdubooks@gmail.com
No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.