حضرت قاسم بن عبدالرحمن فرماتے ہیں کہ ایک آدمی قادسیہ سے ایک باندی لے کر آیا، اس کا گزر کسی آدمی پر ہوا جو سواری پر کھڑا تھا پس اس آدمی نے سواری کو تیز دوڑانے کے لیے اس کی سرین پر کیل چبھو د ی تو سواری کے جانور نے اپنی ٹانگیں اٹھا لیں اس سے باندی کی آنکھ کا نشانہ خطا نہ گیا۔ یہ معاملہ حضرت سلمان بن ربیعہ باھلی کی خدمت میں پیش کیا گیا تو آپ نے اس سوار کو ضامن بنایا یہ خبر حضرت ابن مسعود تک پہنچی تو آپ نے فرمایا، اس آدمی کو میرے پاس لاؤ اس لیے کہ کیل چبھونے والے کو ضامن بنایا جائے گا۔ [مصنف ابن ابي شيبه/كتاب الديات/حدیث: 29801]

حضرت جابر فرماتے ہیں کہ میں نے حضرت عامر شعبی سے ایسے آدمی کے بارے میں پوچھا: جس نے کسی آدمی کے جانور کو سرین پر کیل چبھودی ہو؟ آپ نے فرمایا: کیل چبھونے والے کو ضامن بنایا جائے گا۔ [مصنف ابن ابي شيبه/كتاب الديات/حدیث: 29802]

حضرت شعبی فرماتے ہیں کہ حضرت شریح نے ارشاد فرمایا: مگر یہ کہ کسی انسان نے اس جانور کو سرین پر تیز دوڑانے کے لیے کیل چبھوئی ہو پس اس کیل چبھوے والے کو ضامن بنایا جائے گا۔ [مصنف ابن ابي شيبه/كتاب الديات/حدیث: 29803]

حضرت عامر اور حضرت ابراہیم نے ارشاد فرمایا: اس آدمی کے بارے میں جس نے کسی غلام کی مکمل ناک کاٹ دی تھی کہ اس شخص کو اس غلام کی قیمت کا ضامن بنایا جائے گا۔ [مصنف ابن ابي شيبه/كتاب الديات/حدیث: 29804]

حضرت جابر اور حضرت حماد فرماتے ہیں کہ حضرت عامر اور ابراہیم نے اس آدمی کے بارے میں جس نے کسی غلام کی مکمل ناک کاٹ دی تھی ارشاد فرمایا: وہ اس کی قیمت کا تاوان دے گا۔ [مصنف ابن ابي شيبه/كتاب الديات/حدیث: 29805]

حضرت ابو عبید اللہ فرماتے ہیں کہ حضرت ابن عباس رضی اللہ عنہما نے اس شخص کے بارے میں جس کا ہاتھ کاٹ دیا گیا تھا پس اس نے اس پر مصالحت کرلی پھر اس کا ہاتھ خراب ہوگیا اور اس کی موت واقع ہوگئی۔ آپ نے فرمایا: صلح مردود ہے اور دیت لی جائے گی۔ [مصنف ابن ابي شيبه/كتاب الديات/حدیث: 29806]

حضرت زہری فرماتے ہیں کہ فتنہ بھڑک اٹھا جبکہ اصحاب رسول صلی اللہ علیہ وآلہ وسلم بڑی تعداد میں موجود تھے، تو ان کی رائے اس پر متفق ہوگئی کہ قرآن کی تاویل کی بنیاد پر جو نقصان پہنچایا گیا ہو اس میں نہ قصاص لیا جائے گا اور نہ دیت دی جائے گی، اور قرآن کی تاویل کی بنیاد پر جو نقصان پہنچایا گیا ہو وہ واپس نہیں کیا جائے گا، سوائے اس مال کے جو بعینہ موجود ہو۔ [مصنف ابن ابي شيبه/كتاب الديات/حدیث: 29807]

حضرت مغیرہ کہتے ہیں کہ میں نے ابراہیم سے سوال کیا کہ ایک بچہ چھت پر کبوتر اڑا رہا تھا اور ایک آدمی بھی چھت پر تھا۔ پھر وہ بچہ گرگیا تو ابراہیم نے فرمایا کہ شاید لوگ یہ کہیں کہ شاید اس آدمی نے اسے کسی کام کا کہا ہوگا۔ [مصنف ابن ابي شيبه/كتاب الديات/حدیث: 29808]

حضرت ابو مجلز فرماتے ہیں کہ اگر تم نے ہلاکت خیز مقام پر (پل یا دیوار پر) کھڑے کسی آدمی سے کہا کہ دور ہٹو، اس سے بچو اور وہ گرگیا تو تم ضمان دو گے۔ [مصنف ابن ابي شيبه/كتاب الديات/حدیث: 29809]

حضرت ابن جریج فرماتے ہیں کہ میں نے حضرت عطاء سے پوچھا کہ اگر ایک آدمی کسی بچے سے کہے کہ پیچھے ہٹ اور بچہ گر کر مرجائے تو کیا حکم ہے؟ انہوں نے فرمایا کہ لوگ حضرت علی رضی اللہ عنہ سے روایت کرتے ہیں کہ وہ اسے ضامن بناتے تھے۔ لوگ کہتے ہیں کہ اس نے اسے ڈرایا تھا۔ میں نے ان سے پوچھا اگر کسی نے بڑے کو اس طرح کہا تو حضرت عطاء نے فرمایا کہ پھر بھی یہی حکم ہے۔ [مصنف ابن ابي شيبه/كتاب الديات/حدیث: 29810]