حضرت مجاہد رحمہ اللہ اور حضرت عطاء رحمہ اللہ فرماتے ہیں کہ کسی شخص کو جہاد کیلئے کچھ دیا جائے پھر اس میں سے کچھ زائد ہوجائے تو وہ اسی کیلئے ہوگا۔ [مصنف ابن ابي شيبه/كتاب السير/حدیث: 35750]

حضرت جابر بن زید رحمہ اللہ سے مروی ہے کہ اس کو اسی کے مثل میں لگائے گا۔ [مصنف ابن ابي شيبه/كتاب السير/حدیث: 35751]

حضرت ابوہریرہ رضی اللہ عنہارشاد فرماتے ہیں کہ جب جہاد پر جانے لگو تو پھر لوگوں سے سوال مت کرو، اگر آپ کو کچھ دے دیں تو اس کو اسی کے مثل میں لگاؤ [مصنف ابن ابي شيبه/كتاب السير/حدیث: 35752]

حضرت عطاء رحمہ اللہ فرماتے ہیں کہ اگر کسی کو جہاد کے لیے کچھ دیا جائے اس میں سے کچھ زائد ہوجائے تو اس کو اسی کام میں لگائے۔ [مصنف ابن ابي شيبه/كتاب السير/حدیث: 35753]

حضرت ابراہیم سے بھی اسی طرح مروی ہے۔ [مصنف ابن ابي شيبه/كتاب السير/حدیث: 35754]

حضرت عطاء رحمہ اللہ فرماتے ہیں کہ جہاد کے راستوں پر ہی لگایا جائے گا۔ [مصنف ابن ابي شيبه/كتاب السير/حدیث: 35755]

حضرت مجاہد رحمہ اللہ سے دریافت کیا گیا کہ جانور جو جہاد کیلئے وقف ہے کسی شخص کے پاس ہے اور وہ بیمار ہوجائے تو وہ شخص اس کو فروخت کر دے اور اس کی قیمت پر اضافہ ہوجائے؟ فرمایا: جو اضافہ ہو (زائد ہو) وہ بھی اس کے ساتھ جہاد کیلئے وقف ہوگا۔ [مصنف ابن ابي شيبه/كتاب السير/حدیث: 35756]

حضرت عطاء رحمہ اللہ فرماتے ہیں کہ اگر وہ اونٹنی جو وقف ہے بچہ جن دے تو اس کا بچہ بھی اس کے مقام میں ہے (بچہ بھی وقف شمار ہوگا)۔ [مصنف ابن ابي شيبه/كتاب السير/حدیث: 35757]

حضرت سلیمان بن موسیٰ رحمہ اللہ فرماتے ہیں کہ جب امام دشمن کے علاقہ میں داخل ہوجائے تو گھوڑ سوار کو گھوڑ سوار اور پیدل کو پیادہ لکھا جائے گا۔ [مصنف ابن ابي شيبه/كتاب السير/حدیث: 35758]

حسن رحمہ اللہ سے دریافت کیا گیا کہ کچھ لوگ جو جنگ میں ہیں، وہ ایک عجمی کافر کو پکڑ کر اس کو تابع کرلیتے ہیں جو ان کو دشمن کے کمزور مقامات کی نشاندہی کرتا ہے؟ فرمایا کہ تحقیق اس طرح کرلیا جاتا تھا۔ [مصنف ابن ابي شيبه/كتاب السير/حدیث: 35759]