حضرت ابن عمر رضی اللہ عنہما نے ارشاد فرمایا: اس میں مخلوق کی بڑھوتری ہے۔ [مصنف ابن ابي شيبه/كتاب السير/حدیث: 34761]

حضرت ابراہیم رحمہ اللہ فرماتے ہیں کہ حضرت عمر رضی اللہ عنہ نے خط لکھ کر گھوڑے کو خصی کرنے سے منع کیا۔ [مصنف ابن ابي شيبه/كتاب السير/حدیث: 34762]

حضرت ابراہیم بن مہاجر البجلی رحمہ اللہ فرماتے ہیں کہ حضرت عمر رضی اللہ عنہ نے خط لکھا: کہ گھوڑوں کو خصی مت کیا جائے اور ان کو دو سو سے زیادہ نہ دوڑایا جائے۔ [مصنف ابن ابي شيبه/كتاب السير/حدیث: 34763]

حضرت یزید بن ابی حبیب رحمہ اللہ فرماتے ہیں کہ حضرت عمر بن عبد العزیز رحمہ اللہ نے خط لکھ کر مصر والوں کو منع کیا کہ وہ گھوڑے کو خصی نہ کریں۔ اور بچوں کو گھوڑوں پر نہ دوڑائیں۔ [مصنف ابن ابي شيبه/كتاب السير/حدیث: 34764]

حضرت ربیع بن انس رحمہ اللہ فرماتے ہیں کہ میں نے حضرت انس رضی اللہ عنہ کو فرماتے ہوئے سنا کہ اس آیت: { وَلآمُرَنَّہُمْ فَلَیُغَیِّرُنَّ خَلْقَ اللہِ } میں خصی کرنا مراد ہے۔ [مصنف ابن ابي شيبه/كتاب السير/حدیث: 34765]

حضرت اسماعیل رحمہ اللہ فرماتے ہیں کہ حضرت ابو صالح رحمہ اللہ نے بھی یہی ارشاد فرمایا: کہ خصی کرنا مراد ہے۔ [مصنف ابن ابي شيبه/كتاب السير/حدیث: 34766]

حضرت ابو مکین رحمہ اللہ فرماتے ہیں کہ حضرت عکرمہ رحمہ اللہ جانوروں کے خصی کرنے کو مکروہ سمجھتے تھے۔ [مصنف ابن ابي شيبه/كتاب السير/حدیث: 34767]

حضرت لیث رحمہ اللہ فرماتے ہیں کہ حضرت عطاء، حضرت طاؤس، حضرت مجاہد رحمہ اللہ، حضرت حسن اور حضرت شہر رحمہ اللہ یہ سب حضرات خصی کرنے کو مکروہ سمجھتے تھے۔ [مصنف ابن ابي شيبه/كتاب السير/حدیث: 34768]

حضرت ابن عمر رضی اللہ عنہما فرماتے ہیں کہ حضرت عمر رضی اللہ عنہ نے جانوروں کو خصی کرنے سے منع فرمایا: اور ارشاد فرمایا: کہ نسل میں اضافہ تو آلۂ تناسل کے ساتھ ہوتا ہے۔ [مصنف ابن ابي شيبه/كتاب السير/حدیث: 34769]

حضرت مطرف رحمہ اللہ ایک آدمی سے نقل کرتے ہیں کہ حضرت ابن عباس رضی اللہ عنہما نے ارشاد فرمایا: جانوروں کو خصی کرنا تو مثلہ ہے۔ اور پھر آپ رضی اللہ عنہ نے یہ آیت تلاوت فرمائی: { وَلآمُرَنَّہُمْ فَلَیُغَیِّرُنَّ خَلْقَ اللہِ } [مصنف ابن ابي شيبه/كتاب السير/حدیث: 34770]