سیدنا جابر بن عبداللہ رضی اللہ عنہما فرماتے ہیں: میں سیدنا ابوبکر رضی اللہ عنہ کے دور خلافت میں ان کے پاس گیا تھا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4521]

مذکورہ سند کے ساتھ سیدنا جابر رضی اللہ عنہ کا یہ ارشاد منقول ہے کہ سیدنا ابوبکر رضی اللہ عنہ کے دور خلافت میں ہمارے پاس بحرین کا مال آیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4522]

سیدنا عبیدہ رضی اللہ عنہ فرماتے ہیں: سیدنا عیینہ بن حصن اور سیدنا اقرع بن حابس رضی اللہ عنہما، سیدنا ابوبکر رضی اللہ عنہ کے پاس آئے اور بولے: اے رسول اللہ صلی اللہ علیہ وسلم کے خلیفہ۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4523]

سیدنا طارق بن شہاب رضی اللہ عنہ فرماتے ہیں: میں نے رسول اللہ صلی اللہ علیہ وسلم کی زیارت کی ہے اور سیدنا ابوبکر رضی اللہ عنہ کی خلافت میں غزوات میں شرکت کی ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4524]

سیدنا زید بن ارقم رضی اللہ عنہ فرماتے ہیں: ہم سیدنا ابوبکر رضی اللہ عنہ کے پاس تھے۔ سیدنا ابوبکر رضی اللہ عنہ رو دئیے، ہم نے عرض کی: اے رسول اللہ صلی اللہ علیہ وسلم کے خلیفہ! آپ کیوں رو رہے ہیں؟ [المستدرك على الصحيحين/كتاب معرفة الصحابة رضي الله تعالى عنهم/حدیث: 4525]

سیدنا عبداللہ رضی اللہ عنہ فرماتے ہیں: نبی اکرم صلی اللہ علیہ وسلم کے صحابہ رضی اللہ عنہم جمع ہوئے اور انہوں نے سیدنا ابوبکر رضی اللہ عنہ کو خلیفہ مقرر کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4526]

زہری اور مصعب بن عبداللہ زبیری دونوں (سیدنا عمر رضی اللہ عنہ کا نسب بیان کرتے ہوئے) کہتے ہیں: ” عمر بن خطاب بن نفیل بن عبدالعزیٰ بن ریاح بن عبداللہ بن قرط بن رزاح بن عدی بن کعب بن لؤی بن فہر “ اور ان کی والدہ کا نسب بیان کرتے ہوئے کہتے ہیں:” حنتمہ بنت ہاشم بن المغیرہ بن عبداللہ بن عمر بن مخزوم “ اور آپ کی نانی ” شفاء بنت عبد قیس بن عدی بن سعد بن تیم تھیں۔ آپ کی کنیت ” ابوحفص “ تھی۔ جس دن سیدنا ابوبکر رضی اللہ عنہ کی وفات ہوئی اسی دن آپ کو خلیفہ بنا لیا گیا اور یہ منگل کا دن تھا اور جمادی الآخر ختم ہونے میں 8 دن رہتے تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4527]

محمد بن اسحاق کہتے ہیں: رسول اللہ صلی اللہ علیہ وسلم کی وفات کے دو سال تین مہینے اور بائیس دن بعد سیدنا ابوبکر رضی اللہ عنہ کی وفات ہوئی۔ اور سیدنا عمر رضی اللہ عنہ کو خلیفہ بنایا گیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4528]

سیدنا زر رضی اللہ عنہ فرماتے ہیں: میں اہل مدینہ کے ہمراہ عیدکے دن (عید پڑھنے) نکلا تو میں نے سیدنا عمر بن خطاب رضی اللہ عنہ کو دیکھا کہ وہ ننگے پاؤں پیدل چل رہے تھے، وہ بزرگ تھے اصلع تھے (اصلع اس آدمی کو کہتے ہیں جس کے سر کے اگلے حصے کے بال نہ ہوں) ان کا رنگ گندمی تھا، آپ ” اعسریسر “ تھے (” اعسریسر “ ایسے آدمی کو کہتے ہیں جو بائیں ہاتھ کے ساتھ بھی اسی طرح کام کر لیتا ہو جیسے دائیں ہاتھ کے ساتھ کر لیتا ہے) آپ دراز قد تھے اور آپ لوگوں کے درمیان چلتے ہوئے یوں بلند نظر آتے تھے گویا کہ سواری پر سوار ہوں۔ آپ نے قطری چادر (ایک خاص قسم کی چادر ہے) اوڑھ رکھی تھی، آپ نے فرمایا: اے اللہ کے بندو! سفر کرو مگر دوپہر کے وقت سفر پر مت نکلو، اور کوئی شخص کنکری یا پتھر سے خرگوش (یا کسی بھی شکار) کو مار کر مت کھائے بلکہ تیر یا نیزے تیز دھار والے پھل سے ذبح کر کے کھائے۔ ٭٭ امام حاکم کہتے ہیں: سیدنا عمر بن خطاب رضی اللہ عنہ کو ” امیرالمومنین “ کا لقب دینے کی وجہ یہ تھی (جو درج ذیل حدیث میں مذکور ہے) [المستدرك على الصحيحين/كتاب معرفة الصحابة رضي الله تعالى عنهم/حدیث: 4529]

ابن شہاب کہتے ہیں: سیدنا عمر بن عبدالعزیز نے سیدنا ابوبکر بن سلیمان بن ابوخیثمہ سے پوچھا کہ کیا وجہ ہے کہ سیدنا ابوبکر رضی اللہ عنہ کے عہد خلافت میں (مکتوبات میں) من خلیفۃ رسول اللہ صلی اللہ علیہ وسلم (رسول اللہ صلی اللہ علیہ وسلم کے خلیفہ کی جانب سے) لکھا جاتا رہا، پھر سیدنا عمر رضی اللہ عنہ بھی شروع میں ” من خلیفہ ابی بکر “ (ابوبکر رضی اللہ عنہ کے خلیفہ کی جانب سے) لکھا کرتے تھے۔ تو سب سے پہلے آپ کو امیرالمومنین کس نے لکھا؟ (ابوبکر بن سلیمان بن خیثمہ رضی اللہ عنہ) نے کہا: مجھے سیدنا شفاء رضی اللہ عنہا نے بتایا ہے۔ (اور یہ پہلے پہل ہجرت کرنے والیوں میں سے ہیں) کہ سیدنا عمر بن خطاب رضی اللہ عنہ نے عراق کے گورنر کی طرف مکتوب بھیجا کہ میری طرف دو سمجھدار زیرک آدمیوں کو بھیجو تاکہ میں ان سے عراق اور اہل عراق کے احوال دریافت کروں، تو عراق کے گورنر نے سیدنا لبید بن ربیعہ اور سیدنا عدی بن حاتم کو بھیجا۔ جب یہ دونوں مدینہ منورہ پہنچ گئے تو انہوں نے اپنے اونٹ فنائے مسجد میں بٹھائے اور خود مسجد کے اندر آ گئے، ان کی ملاقات سیدنا عمرو بن العاص رضی اللہ عنہ سے ہوئی انہوں نے کہا: اے عمرو! ہمارے لئے امیرالمومنین سے اجازت لیجئے، سیدنا عمرو رضی اللہ عنہ نے کہا: خدا کی قسم! تم نے ان کو صحیح نام سے پکارا ہے، واقعی وہ ہمارے امیر ہیں، اور ہم مومن ہیں، تو سیدنا عمرو رضی اللہ عنہ اٹھ کر کھڑے ہوئے سیدنا عمر رضی اللہ عنہ کی خدمت میں حاضر ہو کر کہا: السلام علیک یا امیرالمومنین! سیدنا عمر رضی اللہ عنہ نے فرمایا: اے ابن العاص! یہ نام تجھے کہاں سے مل گیا؟ میرا رب جانتا ہے کہ تم یہ کہنے کی وجہ سے ضرور نکالے جاؤ گے۔ سیدنا عمرو رضی اللہ عنہ نے کہا: لبید بن ربیعہ اور عدی بن حاتم آئے ہیں۔ انہوں نے اپنے اونٹ مسجد کے میدان میں باندھے اور میرے پاس آ گئے، اور مجھ سے کہا: اے عمرو! ہمارے لئے امیرالمومنین سے اجازت لیجئے خدا کی قسم! انہوں نے آپ کو بالکل درست لقب سے پکارا ہے ہم مومن ہیں اور آپ ہمارے امیر ہیں۔ تو اس دن سے مکتوبات میں یہی لکھا جانے لگا اور سیدنا شفاء رضی اللہ عنہا، سیدنا ابوبکر بن سلیمان کی دادی ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4530]