الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
| من كتاب الصوم روزے کے مسائل 40. باب في صِيَامِ يَوْمِ السَّبْتِ: ہفتے کے دن روزہ رکھنے کا بیان
عبداللہ بن بسر نے اپنی بہن سے روایت کیا جن کا نام صماء تھا کہ رسول اللہ صلی اللہ علیہ وسلم نے فرمایا: ”فرض روزے کے علاوہ ہفتہ کا روزہ نہ رکھو، اور اگر ہفتے کے دن کھانے کو کچھ نہ ملے، کسی درخت کی چھال ہی مل جائے تو اسی کو چبا لے۔“
تخریج الحدیث: «إسناده صحيح، [مكتبه الشامله نمبر: 1790]»
یہ حدیث صحیح ہے۔ دیکھئے: [أبوداؤد 2436]، [ترمذي 745]، [نسائي 2357]، [ابن ماجه 1739]، [ابن خزيمه 2165]، [الطبراني فى معجم الكبير 819، 820، 821] میں مذکور ہے۔ وضاحت:
(تشریح حدیث 1786) یعنی درخت کی چھال ہی چبا لے، اور ایک روایت میں ہے انگور کی شاخ ہی مل جائے تو اسے چوس لے اور روزہ نہ رکھے، اس روایت کی صحت میں بہت کلام ہے، علی فرضِ صحت اس کا مطلب یہ ہوگا کہ صرف ہفتہ کا روزہ خصوصیت سے نہ رکھے بلکہ جمعہ کے روزے کی طرح ایک دن قبل یا ایک دن بعد بھی روزہ رکھے۔ واللہ علم۔ قال الشيخ حسين سليم أسد الداراني: إسناده صحيح
 |