ابن عباس رضی اللہ عنہ بیان کرتے ہیں جب کبھی بھی ہوا چلتی تو نبی صلی ‌اللہ ‌علیہ ‌وآلہ ‌وسلم اپنے گھٹنوں کے بل بیٹھ کر یوں دعا کرتے: ”اے اللہ! اسے رحمت بنا، اسے عذاب نہ بنا، اے اللہ! اسے باد رحمت بنا اور اسے باعث عذاب ہوا نہ بنا۔ “ ابن عباس رضی اللہ عنہ نے فرمایا: اللہ تعالیٰ کی کتاب میں ہے: ”ہم نے ان پر ایک سخت آندھی بھیجی۔ “ اور: ”ہم نے ان پر ایک سخت آندھی بھیجی۔ “ ”ہم نے ابر اٹھانے والی ہوائیں بھیجیں۔ “ اور: ”وہ تمہیں خوشخبری سنانے کے لیے ہوائیں بھیجتا ہے۔ “ ضعیف۔