الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
| احادیث1201 سے 1400 848. مَثَلُ الْمَرْأَةِ كَالضِّلَعِ عورت کی مثال ٹیڑھی پسلی کی مانند ہے
سیدنا ابوذر رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”عورت کی مثال ٹیڑھی پسلی کی مانند ہے اگر تو اسے سیدھا کرنا چاہے گا تو اسے توڑ بیٹھے گا اور اگر فائدہ اٹھائے گا تو اسی ٹیڑھ پن کی حالت میں اس سے فائدہ اٹها۔“
تخریج الحدیث: «إسناده حسن، أحمد 164/5، الادب المفرد: 747، دارمي: 2221»
سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”عورت ٹیڑھی پسلی کی مانند ہے اگر تو اسے سیدھا کرے گا تو اسے توڑ بیٹھے گا اور اگر اس سے فائدہ اٹھائے تو اسی ٹیڑھ پن کی حالت میں اس سے فائدہ اٹھا۔“
تخریج الحدیث: «صحيح، وأخرجه البخاري فى «صحيحه» برقم: 3331، 5184، ومسلم فى «صحيحه» برقم: 1468، 1470، والترمذي فى «جامعه» برقم: 1188، والحميدي فى «مسنده» برقم: 1202، وأحمد فى «مسنده» برقم: 9655»
وضاحت:
تشریح: - ان احادیث میں عورت کا ذکر ایک تمثیل سے کیا گیا ہے اور ان کے اخلاق میں جو کجی ہے اس کی مثال پسلی کے ٹیڑھے پن کے ساتھ دی گئی ہے۔ پسلی کو اگر سیدھا کرنا چاہو گے تو کامیاب نہیں ہو سکو گے، توڑ بیٹھو گے اور اگر اسی حالت میں چھوڑ دو گے تو وہ ہمیشہ ٹیڑھی ہی رہے گی کبھی سیدھی نہ ہوگی یہی حال عورت کا ہے اس کے مزاج اور طبیعت میں جو کجی ہے، مرد اسے کبھی بھی برداشت نہیں کر سکتا لیکن عورت کے بغیر اس کا گزارہ بھی نہیں، اس لیے صبر اور حکمت سے کام لینا چاہیے اس کے بغیر کام چل ہی نہیں سکتا، گھر میدان جنگ بن جائے گا اور نتیجہ طلاق کی صورت میں ظاہر ہوگا جو نہ صرف عورت کے لیے تباہی کا باعث ہوگا بلکہ مرد کے لیے بھی نقصان دہ اور اضطراب انگیز ہوگا۔ |